Scribd Logo
Upload

Welcome to Scribd!

  • Kohhran Pavalai Din Chhoh Dan

    Uploaded by

    Lalparmawia Pachuau
    1K views4 pages
    The document provides a history and overview of the Presbyterian Church of Mizoram's Pavalai Joint Fellowship organization. Some key details: - The Pavalai Joint Fellowship was established in 2004 to organize revival camps across Mizoram. - Committees were formed to oversee the organization with representatives from different presbyteries. Revival meetings and camps have been held annually across Mizoram since 2005. - The organization aims to spread revival and sees over 500 churches participating each year, showing its impact on the Presbyterian Church of Mizoram.

    Original Description:

    Copyright

    © © All Rights Reserved

    Available Formats

    PDF, TXT or read online from Scribd

    Did you find this document useful?

    Is this content inappropriate?

    Report this Document
    The document provides a history and overview of the Presbyterian Church of Mizoram's Pavalai Joint Fellowship organization. Some key details: - The Pavalai Joint Fellowship was established in 2004 to organize revival camps across Mizoram. - Committees were formed to oversee the organization with representatives from different presbyteries. Revival meetings and camps have been held annually across Mizoram since 2005. - The organization aims to spread revival and sees over 500 churches participating each year, showing its impact on the Presbyterian Church of Mizoram.

    Copyright:

    © All Rights Reserved
    Download as PDF, TXT or read online from Scribd
    Flag for inappropriate content
    Download as pdf or txt
    1K views4 pages

    Kohhran Pavalai Din Chhoh Dan

    Uploaded by

    Lalparmawia Pachuau
    The document provides a history and overview of the Presbyterian Church of Mizoram's Pavalai Joint Fellowship organization. Some key details: - The Pavalai Joint Fellowship was established in 2004 to organize revival camps across Mizoram. - Committees were formed to oversee the organization with representatives from different presbyteries. Revival meetings and camps have been held annually across Mizoram since 2005. - The organization aims to spread revival and sees over 500 churches participating each year, showing its impact on the Presbyterian Church of Mizoram.

    Copyright:

    © All Rights Reserved
    Download as PDF, TXT or read online from Scribd
    Flag for inappropriate content
    Download as pdf or txt
    of 4

    KOHHRAN PAVALAI PAWL DIN CHHOH DAN

    - Upa K. Lalṭhakima

    Mizoram Presbyterian Kohhranin kan la hriat ngai loh Pavalai Pawl Thlarau
    Thianghlimin min dinsak hi a lawmawm tak zet a ni. A dinna hmanruaah chuan Gospel
    Thunder Team kan ti lo thei lo vang. Anni team hian kum 2004 -ah Aizawl Kohhran
    hrang hrangah Camping an nei a, chuta ṭang chuan Pavalai a lo ding chho zel a, a hnu
    lamah chuan Revival Team dang pawhin Camp an neihna hmunah din tura an thu râwn
    anga dinte an awm bawk a. A ding tawhte awhna aṭangin camp nei hran lo pawhin
    Kohhran Committee-in an din chho ta zêl a ni.

    A dinna hmasa ber chu Tuikhuahtlang Kohhranah ni 21.7. 2004-ah din a ni a, I.T.I.
    Vengah ni 10.9.2004-ah din a ni leh a. Ni 3.10.2004-ah Saikhamakawnah din a niin ni
    2.11.2004-ah Khatla kohhranah din a ni bawk.

    Kum 2005 February ni 17 zanah Tuikhuahtlang kohhran Hall-ah a ding hmasa


    panga, Tuikhuahtlang, I.T.I. Veng, Saikhamakawn, Khatla, Upper Republic, Venghnuai
    (Venghnuai hi Pavalai ni lovin Team-a indin a ni a, hmeichhiate nen an ni). Joint
    Fellowship hlimawm tak hman a ni a, chuta ṭang chuan thlarau lama intih chak tawnna
    inthlun khâwmna neih chu ṭhaa hriatna a lo awm a. Ni 5.5.2005 (Ningani) zan dar 7:00-
    ah Tuikhuahtlang kohhran Hall-ah inhmuhkhâwm leh a ni a, chutah chuan Revival Meet
    neih rawt a ni ta a. Ni 10.5.2005 (Thawhlehni) zan dar 7:00-ah Tuikhuahtlang kohhran
    Hall-ah kohhran tin aṭangin mi 5 leh Gospel Thunder Team Adviser hovin inhmuh
    khawm leh a ni a, heta meeting hian intihchaktawnna atana hma latu tur pâwl din ṭhaa
    hriain din nghal a ni a, a hmingah pawh Pavalai Joint Fellowship Organising Committee
    tih a ni a, hruaitu hetiangin inruat nghal a ni.

    Chairman : Upa C. Lalnghakliana Tuikhuahtlang,

    Vice Chairman :Upa K. Lalṭhakima I.T.I. Veng,

    Secretary :T.Upa Lungngailova Colney, Upper Republic,

    Asst. Secretary : T.Upa Sanglianthanga Tlangnuam,

    Treasurer : Pu R. Lianzuala Khatla,

    Fin. Secretary : Pu R. Lalrinliana Venghnuai.

    Heng bâkah hian kohhran tin aṭangin mi 2 Committee member tur inruat a ni a,
    amaherawhchu kohhran tin aṭanga mi 2 hi chu rei kalpui a ni lo va, ngaihtuah tur ṭul a
    awm chuan kohhran tin aiawh mi 2 intirh ṭhin a ni ta zawk a.
    Pavalai Joint Fellowship Organising Committee chu a hming a sei deuh avangin tih
    tawi deuh ṭhaa hriain O.B. ten lo ngaihtuah rawh se tih a nih avangin O.B

    chuan Pavalai Joint Fellowship tiin a rel a, ni 29.2.2008- Committee chuan a hming
    chu a siam rem ta a ni. Hruaitu (O.B) pawh kum 2 term-a kalpui a ni ta a. Kum 2008-
    2009-ah chuan Asst. Secretary-ah Pu Nghaklianmawia Kulikawn (tuna Mission
    Vengthlang) ; Finance Secretary-ah Pu Lalnunmawia (Valtea) Chawlhhmun ruat a ni a,
    a dang chu a ngai rin a ni. Kum 2009-a Committee pawhin tuna hruaitute hi ṭang zel
    sela, chanvo chu a ṭul anga insiam rem mai ni se tih a ni a, hetiangin :-

    Chairman : Upa K. Lalṭhakima

    Vice Chairman : Upa C. Lalnghakliana,

    Secretary : Upa Lungngailova Colney,

    Asst. Secretary : Pu Nghaklianmawia,

    Treasurer : Pu Lalnunmawia (Valtea)

    Fin.Secretary : Pu R. Lianzuala

    Synod-in inkaihhruaina a siam hma chu hêng mawhphurhna hi chelh a ni.

    A din tirh lama intihchak tawnna tura Revival Meet neih rawt a nih angin Revival Meet
    Vawi 7 hêng hun leh hmunahte hian neih a ni.

    Ni 15-17 July 2005 Khatla Kohhran Biak In, Speaker : Pu R. Lalramliana leh Pu R.
    Zaihmingthanga, Revival Speaker

    Ni 28-29 July 2007 Chawnpui Kohhran Biak In, Speaker : Pu R. Lalramliana, Revival
    Speaker.

    Ni 7-8 June 2008 Electric Veng Kohhran Biak In, Speaker Pastor Lalsangbera, Kulikawn

    Ni 6-7 June 2009 Bungkawn Kohhran Biak In, Speaker Pastor Lalsangbera Kulikawn,

    Ni 29-30 May 2010 Chanmari Kohhran Biak In, Speaker Rev. C. Chanchinmawia
    Bawngkawn

    Ni 19-20 March 2011 Mission Vengthlang Kohhran Biak In, Speaker Rev. Vanlalbela
    Bawngkawn.

    Ni 2-3 June 2012 Zarkawt Kohhran Biak In, Speaker Tv. C. Zairemmawia Revival
    Speaker.

    Heng bâkah hian Advance Krismas hetiang hian hman ṭhin a ni.
    Ni 15.12.2005 (Ningani) zan Ramhlun North Kohhran Hall, Thuhriltu Rev. Vanlalzuata,

    Ni 19.12.2006 (Thawhlehni) zan Khatla Kohhran Hall, Thuhriltu Rev. Lalzuithanga

    Ni 13.12.2007 (Ningani) zan Kulikawn Kohhran Biak In, Thuhriltu Rev. C.


    Chanchinmawia

    Ni 18.12.2008 (Ningani) zan Govt. Complex Kohhran Biak In, Thuhriltu Rev.
    Zosangliana Colney

    Ni 17.12.2009 (Ningani) zan Ramthar Veng Kohhran Biak In, Thuhriltu Rev. Dr. C.
    Chawnghmingliana

    Ni 16.12.2010 (Ningani) zan, Chaltlang Kohhran Biak In, Thuhriltu Rev. Lalthangliana

    Ni 15.12.2011 (Ningani) zan Bethlehem Kohhran Biak In, Thuhriltu Rev. R. Lalrosiama

    Aizawl khaw chhung Area 4-ah ṭhen a ni bawk a, Area hrang hrangah Meet hman
    a ni. Joint O.B. -te hian Bial Meet, Area Meet hmanpuiin hmun hrang hrangah mahni
    inseng sovin kal ṭhin a ni. Kum 2012 June SEC -in inkaihhruaina a siam avangin Pavalai
    dinna kohhran hrang hrangah Joint O.B hmingin lawmthu sawina leh ṭhahnemngai taka
    ke pen zel tur te, kohhran Committee zai ngaia kal tura duhsakna leh fuihna thawn a
    niin Joint anga kan kal zêl pawh a remchang tawh lo ve tiin lehkha thawn darh a ni.

    Pavalai Pawl hi a dintu Thlarau Thianghlim a nihna tilang chiang êm êmtu chu a
    ṭhang chak êm êm hi a ni. Kum 2016 November thla bul lamah khan kan dinhmun hriat
    tumin Bial hrang hrang ka be kual a, chuta kan dinhmunah chuan Kohhran 547-ah din a
    ni.Tun August 2020 -a Bial huapa ding tawh zat chu Bial 122 (Revival record-ah 100
    pawh a tling lo)-ah din a ni.

    Pavalai chungchang hi Synod 2008 Gen. 60-na, Ramhlun North kohhran Biak Ina
    neihah Kohhran Pavalai Pawl mumal taka din a nih theih nan Synod-in hma la rawh se
    tih thu Aizawl West Presbytery aṭangin a lo lut a, Kan sawihona hi a tawk e tih a ni a.

    Kum 2010 Synod Zarkawt Kohhran Biak Ina neihah Gen. 5-naah Presbytery 7 aṭanga
    Pavalai Pawl inkaihhruaina siam tura lo lut leh Presbytery 3 aṭanga Pavalai dinhmun
    tihchian rawtna lo lut chu la kawpin, SEC-in lo zir chiang sela, 'rawtna nen Synod-ah
    rawn thlen leh rawh se' tiin a rêl a. SEC chuan zir chiangtu insiamin zir chiangtute chuan
    Area te pawh ram pum huapin ruahman a ni a, amaherawhchu phawk chhah deuhva
    hriat a nih avangin pan deuhva tih ṭhat leh a ni a. Synod 2011 Gen. 55-in SEC zir
    chianna chu thlir ho a ni a, 'SEC-in hman nghal turin lo chul mam rawh se' tiin rêl a ni a.
    Kum 2012 June SEC 239:36 chuan hman nghâl turin inkaihhruaina hmasa ber a siam
    ta a ni.
    Kum 2013 Synod Gen. 16-in Pavalai Pawl tih chu Kohhran belhin "Kohhran Pavalai
    Pawl" tih a lo ni ta a ni. Inkaihhruaina kan hman mêk chu Revival Committee-in
    ennawnin Revival Committee ruahman chu Kum 2018 February SEC 272:49 chuan
    siam ṭhat ngaite siam ṭhain hman nghal turin a pawm leh ta a ni.

    Kohhran Pavalai Pawl din ni chungchang :

    Kum 2016 Aizawl Bethel Presbytery chuan 'Pavalai Pawl din ni tih chian ni rawh se'
    a ti a. Kum 2016 November SEC 264:30 chuan Research & Evaluation Wing zir chian
    turin a dah a, anni chuan theihtawp chhuahin an zir a, option 3 siamin SEC-ah a thlen a,
    Kum 2017 February SEC 267:64 chuan zir chiangtu zir chianna ai mahin Wrong
    information a dawn/ awm avangin Synod 2011 December ni 10 (Inrinni)- a SEC-in
    Pavalai inkaihhruaina hman nghal turin lo siam rawh se tia a rel ni chu - Pavalai din ni-
    ah a pawm ta a ni.

    Hei hi a dik tâwk lova hriain Kum 2019 Synod Gen.26-ah - Aizawl Chhim leh
    Aizawl East Presbytery chuan Pavalai Pawl din ni hi ennawn ni rawh se' tiin rawtna an
    rawn thlen a, chu chu pass a ni ta a. Kum 2020 February SEC 284:34 chuan Reaserch
    and Evaluation Wing chu zir chiang leh turin a ruat leh a, an zir chianna chu SEC -in a
    pawm hnuah Synod-ah thlen leh a ni ang.

    Tin, Inkaihhruaina Synod-in min siamsak hnuah Ram pum huap Pavalai Meet hetiang
    hian neih a ni.

    1) August ni 3-4, 2013 - Bethlehem

    2) May ni 15-17, 2015 - Khatla

    3) May ni 19 - 21, 2017 - Ramhlun North

    4) May ni 24-26, 2019 - Chanmari West.

    Eng pawh ni se, Lalpan Pavalai-te a rawng kan bâwl a phal avang leh rawngbâwl
    tura min koh avangin lâwm takin thawk ila, mahni awm hmun ṭheuhvah phûr tak leh
    taima takin Kohhran Committee zai ngaiin theih tâwp chhuahin i thawk zêl ang u.

    Lalpa hmangaih, Kohhran Pavalai Pawl Lalpan tichakin hruai zêl rawh se. Amen

    You might also like