სან-ხუანი (პუერტო-რიკო)
ნოღა
სან-ხუანი
San Juan
|
სან-ხუანი (ესპ. San Juan Bautista) — პუერტო-რიკოშ ნანანოღა დო არძაშე მეჭედელო დოხორელი მუნიციპალიტეტი. 2010 წანაშ ეჭარუათ, ოხორანდჷ 381 931 ადამიერი, მახორობაშ მეჯინათ თინა რე 42-ა უდიდაში ნოღა ნამუთ მიშმურს აკოართაფილ შტატეფიშ იურისდიქციაშა. სან-ხუანქ დირსხუ ესპანარ კოლონისტეფიშით 1521 წანას, თე ოხორუეს თინეფქ სიუდად პუეტო რიკო („დიდარი ონიშოლ ნოღა“) გიოდვეს. პუერტო-რიკოშ ნანანოღა რე მაჟირა უჯვეშაშ ევროპული დოხორინი ამერიკას, დომინიკარეფიშ რესპუბლიკაშ ნანანოღაშ სანტო-დომინგოშ უკული.[2] მუსხირენ ისტორიული დგჷმილი იდვალუაფუ სან-ხუანს, თინეფს შქას არძაშე გიშარჩქინელი რე ნოღაშ ჸოფილ დუდთხილუაშ თიჯგურა ჯიხეფი, მუჭომეფით რე, ფორტ-სან-დელ-მორო დო ფორტ-სან-კრისტობალი, თაშნეშე ართ-ართი უჯვეშაში დგჷმილი რე ლა-ფორტელეზე, თენა რე უჯვეშაში ემაჸონაფალი ჸუდე, ნამუთ ირო გჷმირინუაფუდჷ ამერიკას.
ასე სან-ხუანს რე პუეტო-რიკოშ არძაშე შანულამი ონიშოლი.[3] ნოღა კოკიშ წარმებაშ, ფინანსური, კულტურული დო ტურისტული ცენტრი რე. თაქ რე ნანანოღაშ სტატისტიკური ფართი, თინეფს შქას, სან-ხუანი დო მუნიციპალიტეტეფი: ბაიამონი, გუაინაბო, კატანო, კანოვანასი, კაგუასი, თოა-ალტა, თოა-ბაჯა, კაროლინა დო ტრუხილო-ალტა. თაქ ოხორანს დოხოლაფირო 2 მილიონი მენოღალე, ნამუთ პუერტო-რიკოშ მახორობაშ დახე გვერდის აკმადგინანს.[4] სან-ხუანი მიარე შანულამ სპორტული მოლინეფიშ მენძელი რე, 1966 წანას ქიანა მენძელენდჷ ცენტრალურ ამერიკაშ დო კარიბეფიშ ლაჸაფეფს, 1979 წანას პან-ამერიკულ ლაჸაფეფს, 2006 დო 2009 წანეფს, მოსოფელიშ ბეისბოლიშ ლაჸაეფს დო კარიბიშ კოკეფიშ სერიას.
დუდმაართაშე, ნოღა სან-ხუანს ჯოხოდჷ პუერტო-რიკო, მუთ „დიდარ ონიშოლს“ შანენს, თე ჯოხოქ ჭიჭე მოგვიანეთ ედომუშამ კოკის გიადჷ. ნანანოღაშ დო კოკიშ ჯოხოეფქ მოგვიანეთ ართიანშე გეგშერთშ.
დომაჸალაფირი ნოღეფი
[რედაქტირაფა | წყუშ რედაქტირაფა]კარტახენა, კოლუმბია
ჰონოლულუ, ჰავაი, ააშ
ჯექსონვილი, ფლორიდა, ააშ
გვატემალა, გვატემალა
სან-ხუანი, ფილიპინეფი
სანტიაგო, დომინიკარეფიშ რესპუბლიკა
სქოლიო
[რედაქტირაფა | წყუშ რედაქტირაფა]![](http://upload.wikimedia.org/wikipedia/commons/thumb/4/4a/Commons-logo.svg/35px-Commons-logo.svg.png)
- ↑ U.S. Census Bureau Delivers Puerto Rico's 2010 Census Population Totals, Including First Look at Race and Hispanic Origin Data for Legislative Redistricting - 2010 Census - Ne …
- ↑ Magaly Rivera. San Juan Capital City. Welcome to Puerto Rico. კითხირიშ თარიღი: 2007-05-02.
- ↑ the San Juan Port (Spanish). Puerto Rico Port Authority (2007). კითხირიშ თარიღი: 2007-05-09.
- ↑ About Puerto Rico. Puerto Rico Tourism Company (2007). კითხირიშ თარიღი: 2007-05-08.