Gamelan
Guā-māu
![](http://upload.wikimedia.org/wikipedia/commons/thumb/2/26/Traditional_indonesian_instruments02.jpg/220px-Traditional_indonesian_instruments02.jpg)
Gamelan sī 1 chióng im-ga̍k ha̍p-chàu, tī Ìn-nî hoat-chó͘, ga̍k-thoân--ni̍h ê ga̍k-khì ū thih-khîm (metallophone), chhâ-khîm (xylophone), kó͘, lô, tek phín-á, kap ēng e--ê hām toâⁿ--ê hiân-ga̍k-khì, lâng-siaⁿ ū-tang-sî-á mā ē ka--ji̍p-lâi. "Gamelan" tiāⁿ-tiāⁿ chí hit lāi-té kui cho͘ ê ga̍k-khì, ta̍k-cho͘ ga̍k-khì lóng hông khoàⁿ-chò to̍k-li̍p ê cho͘-ha̍p, tâng-chê chè-chok mā tâng-chê tiâu-im, bô-kâng "gamelan" chi-kan ê ga̍k-khì sī bē-ēng-tit sio thè-oāⁿ--ê.
"Gamelan" chit-ê sû sī ùi Java-gí--ni̍h ê "gamel" lâi--ê, ì-sù sī khà iah kòng, "an" chit-ê sû-boé kā goân-té chit-ê sû piàn-sêng chi̍p-ha̍p bêng-sû.