大洋(粵拼:daai6 joeng4,英文:Ocean),傳統嘅廣東話係叫洋海(joeng4 hoi2)[1],亦都叫海洋,係地球水體嘅重要部分,係好大面積嘅海或者洋。佢係一笪總共佔地球表面七成,大概3萬6100萬平方千米嘅鹹水。差唔多一半嘅大洋嘅深度超過三千米。平均嘅海水鹹度係大概千分之卅五(3.5%),差唔多所有海水鹹度係喺千分之卅一至到卅八之間。