廣州地鐵
廣州地鐵 | |
![]() | |
概覽 | |
---|---|
營運地區 | ![]() |
服務類 | 城市軌道交通系統 |
路綫總數 |
|
路綫長 | 607.6公里 |
車站總數 | 271 |
軌道標準 | 1435mm(標準軌) |
列車偏組 | 2卡(APM) 4卡(4、6、廣佛綫) 6卡(1、2、3、5、7、8、9、14、21) 8卡(13、18、22) |
營運資訊 | |
營運時期 | 1997年6月28號~而家 |
營運單位 | 廣州地鐵集團有限公司 (下屬運營事業總部各車務部及子公司廣東城際) |
乘客量 |
|
- 總部 | 廣州市海珠區新港東路618號 南豐總滙環球展貿中心 |
- 網站 | www.gzmtr.com |
![]() | |
廣州地鐵(粵拼:gwong2 zau1 dei6 tit3)係中國廣東廣州嘅地鐵系統,由廣州地鐵集團有限公司負責營運同埋管理。第一條路線喺1997年6月28號正式開通。
佢亦係繼北京、天津、上海之後第四個中國大陸嘅地鐵系統,同時亦成為中國大陸第一個省會以及副省級市嘅地鐵系統。
廣州地鐵係廣州市民主要嘅交通工具之一,到2022年4月為止,廣州地鐵有15條路綫營運緊,全長607.6公里。不過始終應付唔到快速增長嘅交通需求。佢曾經喺2010年亞洲運動會免費期間以784.4萬人次嘅峰值打破嗰時嘅中國大陸紀錄[1];2019年,佢嘅日均客流量已有超過900萬人次。為咗解決交通擠塞同客流過載嘅問題,同埋繼續引導城市向外擴張嘅關係,廣州地鐵重搞緊大規模嘅擴建工程。經過幾次修訂,廣州地鐵嘅遠期規劃長度將去到1025公里。
史
[編輯]- 1992年12月28號,廣州市地下鐵道總公司成立。
工程
[編輯]- 1965年5月,廣州市人民政府開始搞第一次地鐵規劃同地質調查。
- 1993年2月28號,1號綫開始喐手起。
- 1998年7月28號,2號綫開始喐手起。
- 2001年12月26號,3號綫開始喐手起。
- 2003年1月19號,4號綫大學城專綫(萬勝圍⇆新造)同2號綫調整工程(琶洲⇆萬勝圍)一齊開始喐手起。
- 2004年5月28號,5號綫開始喐手起。
- 2006年3月1號,APM綫開始喐手起。
- 2006年8月28號,6號綫一期開始喐手起。
- 2007年4月9號,2、8號綫拆解工程開始喐手起。
- 2007年6月28號,廣佛城際軌道交通(廣佛地鐵,佛山方嗌佛山地鐵1號綫)全綫、3號綫北延段(機場南站⇆廣州東站)開始喐手起。
- 2009年7月22號,1號綫西朗站裝好閘門之後,廣州地鐵冚唪唥站點都裝嗮幕門或閘門。
- 2009年9月29號,9號綫清㘵站開始喐手起。
- 2009年10月30號,6號綫二期工程(長湴⇆香雪)試驗性工點——蘿崗站開始喐手起。
- 2010年4月8號,廣佛地鐵首通段(魁奇路⇆西朗)隧道全綫貫通。
- 2010年4月20號,3號綫北延段隧道全綫貫通。
- 2010年9月21號,廣佛綫首通段通過咗冷滑試驗[2]。
- 2010年9月22號至24號,因2號綫一分為二同2、8號綫聯合調試嘅需要,原先成條2號綫(三元里⇆萬勝圍)宣佈停運3日[3]。
- 2010年10月11號,有人爆料話3號綫北延段聯絡通道嘅混凝土唔夠硬凈,隨時會冧。但施工方整咗份流嘅檢測報告,令相關部門喺唔知真相嗰陣通過咗驗收。地鐵公司收到水之後攞出整改同埋補救方案。不過呢單嘢冇影響到3號綫北延段喺同年11月份之前開通[4][5]。
- 2012年5月5號,13號綫一期試驗性工點——新塘站開始喐手起。
- 2013年5月30號,6號綫一期全綫隧道貫通。
- 2013年10月30號,4號綫南延段畀廣東省發改委批復咗,可以正式喐手起。
- 2013年12月20號,13號綫一期被批復咗,可以正式喐手起。
- 2014年4月10號,廣州地鐵招標喺6個站加「文化牆」嘅裝飾,工程要使775.67萬蚊。重公佈埋會添加「文化牆」嗰六個站——公園前、海珠廣場,廣州南站、廣州火車站、廣州東站同埋機場南站[6]。
- 2015年10月9號,7號綫一期西延段畀廣東省發改委批復咗,可以正式喐手起。
- 2015年11月15號,6號綫二期開始鋪軌。
- 2015年12月17號,9號綫開始鋪軌。
- 2015年12月底,7號綫一期冚唪唥車站封頂。
- 2015年12月29號,6號綫二期冚唪唥車站封頂。
- 2016年1月,6號綫二期全綫隧道貫通。
- 2016年1月12號,7號綫首期開始鋪軌。
- 2016年2月28號,7號綫首期全綫隧道貫通。
- 2016年6月,7號綫首期西延順德段開工。
- 2016年7月底,4號綫南延段冚唪唥車站封頂。
- 2016年9月27號,4號綫南延段全綫隧道貫通。
- 2016年9月28號,11號綫開始喐手起
- 2016年10月19號同20號,4號綫南延段同13號綫陸續開始鋪軌。
- 2016年11月30號,14號綫(知識城支綫)開始鋪軌。
- 2017年2月28號,13號綫首期冚唪唥車站主體封頂。
- 2017年4月12號,9號綫全綫隧道貫通。
- 2017年4月27號,18號綫橫瀝站開始喐手起。
- 2017年5月10號,14號綫(知識城支綫)冚唪唥車站封頂。
- 2017年5月27號,13號綫首期全綫隧道貫通。
- 2017年5月28號,知識城支綫全綫隧道貫通。
- 2017年8月,18號綫工程可行性研究報告俾廣東省發改委批復咗。
通車營運時間表
[編輯]- 1997年6月28號,1號綫首段(西塱⇆黃沙)開通觀光試營運,1997年7月2號正式對市民開放。
- 1999年6月28號,1號綫全綫(西塱⇆廣州東站)正式開通營運。
- 2002年12月29號,2號綫首段(三元里⇆曉港)開通試營運,同原先嘅1號綫形成「十」字交叉嘅地鐵網絡。公園前站成為廣州地鐵系統第一個轉乘站。
- 2003年6月28號,2號綫(三元里⇆琶洲)全綫正式開通營運。
- 2005年12月26號,2號綫調整工程(琶洲⇆萬勝圍)、3號綫首段(廣州東站⇆客村)、4號綫大學城專綫(萬勝圍⇆新造)開通營運。令廣州地鐵第一次形成環形綫網。
- 2006年12月30號,3號綫一期全綫(廣州東站⇆番禺廣場、天河客運站⇆石牌橋)、4號綫(新造⇆黃閣)開通試運。同日開始,3號綫行車交路改成從 天河客運站⇆番禺廣場 同埋 廣州東站⇆體育西路。嗰時從廣州東站去番禺廣場嗰邊啲乘客必須要喺體育西路站轉車[7]。
- 2007年6月28號,4號綫一期全綫(萬勝圍⇆金洲)開通營運。
- 2009年12月28號,5號綫首段(滘口⇆文沖)、4號綫(萬勝圍⇆車陂南)開通試營運。
- 2010年9月25號,新2號綫(嘉禾望崗⇆廣州南站)同8號綫(萬勝圍⇆昌崗)、4號綫北延段(車陂南⇆黃村)喺朝早6點開通試營運[8][9][10]。
- 2010年10月28號,廣佛綫(魁奇路⇆西塱)為咗迎接廣州舉辦亞運而喺11月3號正式開通,重免費畀受邀市民試搭兩日[11][12][13]。
- 2010年10月30號,3號綫北延段(廣州東站⇆機場南)喺晏晝兩點開通營運[14][15][16]。
- 2010年11月3號,廣佛綫首期工程(魁奇路⇆西塱)開通營運[17][18][19]。同日,8號綫寶崗大道站、沙園站、鳳凰新村站開通營運。
- 2010年11月8號,珠江新城旅客自動輸送系統(簡稱APM綫)(歌劇院⇆林和西)開通營運。經上級部門批准,海心沙站、赤崗塔站暫時唔開通。
- 2010年11月28號,APM綫赤崗塔站開通,經上級部門批准,海心沙站唔開通營運。
- 2011年2月24號,APM綫海心沙站開通,同日服務時間再延長一個半鐘。
- 2013年12月28號,6號綫首期(潯峰崗站⇆長湴)開通營運,嗰時沙河站同一德路站重未開通。
- 2014年1月28號,6號綫一德路站正式開通。
- 2015年12月28號,廣佛綫首期後通段(西塱⇆燕崗)開通試營運。
- 2016年12月28號,6號綫二期(長湴⇆香雪)、7號綫首期(廣州南站⇆大學城南)同廣佛綫二期(魁奇路⇆新城東)開通營運。
- 2017年6月28號,6號綫植物園站同柯木塱站開通營運。
- 2017年12月28號,4號綫南延段同慶盛站、9號綫、13號綫一期(魚珠⇆新沙)、14號綫知識城部分(新和⇆鎮龍)開通營運。
- 2018年4月26號,3號綫北延段機場北站開通營運。
- 2018年6月26號,9號綫清塘站開通營運。
- 2018年12月28號,14號綫一期主綫、21號綫首通段(鎮龍西⇆增城廣場)、廣佛綫東延段凈低嗰三個站(石溪、南洲、瀝滘)亦正式開通營運。
- 2019年12月20號,21號綫淨低部份(鎮龍西⇆員村)正式開通營運。
- 2019年12月28號,8號綫延長線(文化公園⇆鳳凰新村)正式開通營運。
- 2020年11月26號,8號綫北延段(滘心⇆文化公園)正式開通營運。
- 2021年9月28號,18號綫首通段(冼村⇆萬頃沙)正式開通營運。
- 2022年3月31號,22號綫首通段(陳頭崗⇆番禺廣場)正式開通營運。
- 2022年5月1號,7號綫7號綫一期西延段(美的大道⇄廣州南站)正式開通營運。
客流紀錄
[編輯]- 2010年1月1號,客流超過369萬人次。
- 2010年5月1號,客流超過438.99萬人次。
- 2010年9月30號,國慶假期前夕,客流超過478.44萬人次[20]。
- 2010年10月1號,國慶日,客流量達到513.30萬人次,比上日多出34.87萬人次[21]。
- 2010年11月1號,受到亞運期間免費搭地鐵同巴士嘅影響,客流達到781萬,破全國軌道交通系統單日客流紀錄,全綫站點超過90%需要客流管制,令1,3,5呢三條綫都要唔畀入站成10分鐘[22][23][24]。
- 2010年11月3號,受嗰日下晝廣佛地鐵正式通車嘅影響,全日客流達到784萬。
- 2010年11月5號,最後一日免費搭車,全日客流達到784.44萬。
- 2011年12月24號,平安夜,嗰日廣州地鐵延長服務一個鐘,廣州地鐵官方微博話客流超過595萬人次。
- 2012年5月1號,綫網總客流量係684萬人次。
- 2013年5月1號,綫網總客流量係750萬人次。
- 2014年5月1號,綫網總客流量係794.2萬人次,打破咗亞運免費嗰時嘅記錄。
- 2014年12月31號,廣州地鐵官方微博話嗰日總客流量達到861.3萬人次。
- 2015年12月31號,綫網總客流量係879萬人次。[25]
- 2016年5月1號,綫網總客流量達到900萬人次。[26]
- 2017年4月28號,綫網客流達到905.3萬人次。
- 2017年4月30號,綫網客流達到908.3萬人次,打破咗兩日前創造嘅客流記錄。
- 2017年9月30號,綫網總客流量達到941.2萬人次,創歷史新高。
其它
[編輯]- 1997年4月9號,由ANDA-SIEMENS整嘅廣州地鐵第一部列車由嘉興號貨輪運到廣州黃埔港。
- 2010年4月20號,地鐵3號綫(廣州東站⇆體育西路段)編組數3改6。
- 2010年4月28號,地鐵3號綫(番禺廣場⇆天河客運站段)編組數3改6。
- 2010年7月23號,第1000部地鐵列車落戶赤沙車輛段[註 1][27]。
- 2010年8月3號,廣州地鐵開始換幕門𢲩板路綫圖同埋部分列車嘅眨燈路綫圖,亞運前統一色調,冚唪唥站嘅路綫圖喺2010年10月13號換嗮[28][29][30]。
- 2010年10月28號,廣州地鐵啟動史上最嚴嘅安全檢查[31][32][33][34]。但實際上,安檢凈係形式上,而且安檢人員都係在校職專學生。
- 2010年11月6號,免費巴士同地鐵俾廣州市交委叫停,原因係「行街族」嘅人、單雙號、廣交會客流同上落班嘅白領逼爆地鐵同巴士、過江輪渡。
- 從2010年11月8號開始,全市取消免費搭地鐵、公交同過江輪渡嘅優惠措施,改成向每個家庭發放唔等額嘅現金做交通補貼[35][36]。
- 2010年11月14號,國家發展改革委批覆廣州地鐵1號綫、2號綫、3號綫、5號綫、8號綫增購車輛。呢項總投資53.57億文,總數大概90部,冚唪唥係6架車廂,其中1、2、8號綫係A型車,3號綫係B型車,5號綫係L型車。
- 2010年12月23號,廣州地鐵各個入站口恢復常態化管理,唔再搞X光機檢查乘客嘅隨身物品,但實際上前一日下晝就取消咗安檢。
- 2011年1月11號晚黑,5號綫一列車發生縱火案,出現乘客受傷,令市民擔心地鐵營運安全[37]。
- 2011年3月18號,考慮到成條1號綫裝嗮屏蔽門/安全門,列車入站時冇吹雞嘅必要,1號綫亦取消咗執行十幾年嘅列車入站吹雞嘅規定。
- 2012年9月16號,受遊行示威影響,淘金站冚唪唥出入口喺12:13開始搞客流控制直到21:04先至取消[38]。
- 2012年9月28號,iMetro地鐵文化館喺公園前站開張,佢號稱華南第一家地鐵文化館[39]。
- 2012年12月28號,廣州地鐵第一個APP喺Apple Store上綫。
- 2013年9月14號,悠悠(YoYo)成為廣州地鐵吉祥物[40]。
- 2013年11月21號,廣州地鐵嘅服務短號——96891正式啟用[41]。
- 2014年3月4號,5號綫西村站發生踩踏事件,出現部分財物損失。
- 2016年8月到12月,廣州地鐵喺全綫車站陸續更新導向牌同月台幕門、月台閘門啲吊板貼紙,加咗車站冧同月台冧、幕門/閘門冧。新嘅綫網圖亦用咗車站冧。同時,全綫各站重增加咗閃付閘機。
- 2017年6月28號,廣州地鐵開始喺1號綫試行女性車廂,時段係工作日嘅7:00~9:00同17:00~19:00。
- 從2017年10月10號開始,廣州地鐵開始逐步升級安檢,計劃到11月30號覆蓋成個線網[42],喺全部地鐵出入口都實行嚴格嘅安檢措施:人過安全門、物過X光機、液體要過檢測儀。根據招標公示,使費相信有成26.7億元,包括採購855台安檢設備同1.2萬新安檢崗位設置,成個工程未曾公開諮詢[43]。預計會造成部分地鐵站入站輪候半個鐘甚至一個鐘,影響市民出行[44],當局亦冇安排經濟賠償方案。
- 2017年12月28號,廣州地鐵四條新線路同步開通運營,其中嘅14號線知識城支線配置咗全球首次全車30個高清視頻即時監控,列車每個車卡裝咗4台高清探頭,6節車卡共安裝24部高清探頭,另外兩端司機室各安裝3部高清探頭。出年計劃開通嘅廣州地鐵14號線同21號線都預埋裝呢套監控設備,車卡啲高清探頭可以高速下傳輸即時大容量訊息。預料未來監控網會推至成個廣州地鐵線網[45]。
- 2018年5月13號,廣州地鐵設計研究院有限公司發咗份公告,宣佈將即日起去到5月30號喺研究院內部同指定嘅單位度徵集廣州地鐵站外安檢房造型設計方案,計畫牽涉改造既有站場嘅出入口、加設站外安檢屋仲有同後續地鐵線起附設安檢設施嘅出入口建築物,公佈一出來惹來唔少街坊質疑係喺度繼續嘥錢擾民[46]。
- 2018年8月29號,廣州市設計院發布消息,設計院整嘅地鐵線網新設安檢設施方案經得到研究院認可[47]。
- 2018年10月26號,萬勝圍站A口、珠江新城站B1口、嘉禾望崗站B口及體育西路站E口四個站場,開始試點人面識別、乘客實名認證入站。實名認證安檢要求乘客提前下載地鐵APPs,先作實名認證同人面數據採集[48]。
系統命名法
[編輯]命名法 | 顏色 | 色彩代碼 | 服務撈稿 | |||||||||||||||||||
---|---|---|---|---|---|---|---|---|---|---|---|---|---|---|---|---|---|---|---|---|---|---|
冧巴 | 文字 | 顏色 | Pantone色冧 | hex | RGB | CMYK | HSV | Lab | YUV | |||||||||||||
R | G | B | C | M | Y | K | H | S | V | L | a | b | Y | U | V | |||||||
1號綫 | 中山路綫 | 黃綫 | PANTONE 129C | #F6CF3F | 246 | 207 | 63 | 9 | 22 | 79 | 0 | 47 | 75 | 96 | 85 | 4 | 72 | 79 | 17 | 77 | ||
2號綫 | 嘉禾綫 | 靛綫 | PANTONE 3015C | #00609C | 0 | 96 | 156 | 100 | 60 | 27 | 0 | 203 | 100 | 61 | 36 | -22 | -45 | 29 | 59 | 36 | ||
3號綫 | 南北快綫 機場綫 市橋綫 |
橙綫 | PANTONE 157C | #F0A055 | 240 | 160 | 85 | 7 | 48 | 68 | 0 | 29 | 65 | 94 | 73 | 26 | 51 | 69 | 26 | 84 | ||
4號綫 | 南沙綫 大學城綫 亞運綫 |
綠綫 | PANTONE 348C | #00833F | 0 | 131 | 63 | 91 | 34 | 100 | 0 | 149 | 100 | 51 | 47 | -54 | 26 | 33 | 40 | 33 | ||
5號綫 | 環市路綫 | 紅綫 | PANTONE 1935C | #CB003D | 203 | 0 | 61 | 26 | 100 | 71 | 0 | 342 | 100 | 79 | 43 | 70 | 28 | 27 | 42 | 108 | ||
6號綫 | 沿江綫 蘿崗綫 |
紫綫 | PANTONE 242C | #83245F | 131 | 36 | 95 | 60 | 99 | 45 | 5 | 323 | 73 | 51 | 32 | 45 | -12 | 28 | 48 | 82 | ||
7號綫 | 大學城綫 | 翠綠綫 | PANTONE 375C | #94D600 | 148 | 214 | 0 | 50 | 0 | 97 | 0 | 78 | 100 | 84 | 79 | -40 | 77 | 67 | 11 | 54 | ||
8號綫 | 琶洲綫 | 藍綠綫 | PANTONE 321C | #008996 | 0 | 137 | 150 | 100 | 28 | 46 | 0 | 185 | 100 | 59 | 48 | -56 | -22 | 38 | 54 | 28 | ||
9號綫 | 花都綫 | 青綠綫 | PANTONE 346C | #6DCB99 | 109 | 203 | 153 | 59 | 0 | 52 | 0 | 148 | 47 | 80 | 75 | -38 | 16 | 66 | 40 | 41 | ||
13號綫 | 東西快綫 | 欖綠綫 | PANTONE 582C | #908C14 | 144 | 140 | 20 | 53 | 42 | 100 | 1 | 58 | 86 | 57 | 57 | -8 | 57 | 50 | 23 | 67 | ||
14號綫 | 從化綫 | 栗綫 | PANTONE 181C | #84332E | 132 | 51 | 46 | 50 | 89 | 86 | 22 | 4 | 65 | 52 | 33 | 35 | 22 | 29 | 38 | 81 | ||
APM | 珠江集運 | 天藍綫 | PANTONE 306C | #00B3E3 | 0 | 179 | 227 | 80 | 8 | 13 | 0 | 193 | 100 | 89 | 66 | -35 | -38 | 51 | 62 | 16 |
開通咗嘅路綫
[編輯]截至2021年9月28號,廣州地鐵已經開咗1、2、3、4、5、6、7、8、9、13、14、18、21、廣佛線同APM綫,總里程589.4公里,有267座車站(計埋轉車站),冚唪唥由廣州地鐵集團負責營運。
![]() | |||||||||
路綫 | 首段開通日期 | 起點站/終點站 | 站數 | 長度(公里) | 車輛段/停車場 | 控制中心 | 列車嘥士 | ||
---|---|---|---|---|---|---|---|---|---|
市區地鐵路綫 | |||||||||
1號綫 | 1997年6月28號 | 西塱 | 廣州東站 | 16 | 18.5 | 西塱車輛段 | 公園前控制中心 | 6A | |
2號綫 | 2002年12月29號 | 嘉禾望崗 | 廣州南站 | 24 | 31.8 | 嘉禾車輛段 大洲停車場 | |||
3號綫 | 2005年12月26號 | 天河客運站 | 番禺廣場 | 16 | 65.4 | 廈滘車輛段 | 大石控制中心 | 6B | |
機場北 | 體育西路 | 13[圖註 1] | 嘉禾車輛段 | ||||||
4號綫 | 2005年12月26號 | 南沙客運港 | 黃村 | 24[圖註 2] | 56.2 | 新造車輛段 南沙停車場 |
新造控制中心 | 4L | |
5號綫 | 2009年12月28號 | 滘口 | 黄埔新港 | 30 | 41.7 | 魚珠車輛段 雙崗停車場 |
魚珠控制中心 | 6L | |
6號綫 | 2013年12月28號 | 潯峰崗 | 香雪 | 31[圖註 3] | 42 | 潯峰崗停車場 蘿崗車輛段 |
潯峰崗控制中心 | 4L | |
7號綫 | 2016年12月28號 | 美的大道 | 燕山 | 27 | 54.2 | 大洲車輛段 益豐停車場 姬堂停車場 |
大石控制中心 | 6B | |
8號綫 | 2002年12月29號[圖註 4] | 滘心 | 萬勝圍 | 28 | 33.9 | 白雲湖車輛段 | 公園前控制中心 | 6A | |
9號綫 | 2017年12月28號 | 飛鵝嶺 | 高增 | 11 | 20.1 | 岐山車輛段 | 岐山控制中心 | 6B | |
13號綫 | 2017年12月28號 | 魚珠 | 新沙 | 11 | 28.3 | 官湖車輛段 | 官湖控制中心 | 8A | |
14號綫 | 2017年12月28號 | 嘉禾望崗 | 東風 | 13 | 54.3 | 鄧村車輛段 石湖停車場 |
鎮龍控制中心 | 6B | |
新和 | 鎮龍 | 9[圖註 5] | 21.9 | 鎮龍車輛段 | |||||
18號綫 | 2021年9月28號 | 冼村 | 萬頃沙 | 8 | 58.3 | 萬頃沙車輛段 隴枕停車場 |
隴枕控制中心 | 8D | |
21號綫 | 2018年12月28號 | 員村 | 增城廣場 | 21 | 61.5 | 鎮龍車輛段 象嶺停車場 水西停車場 |
鎮龍控制中心 | 6B | |
22號綫 | 2022年3月31號 | 陳頭崗 | 番禺廣場 | 4 | 18.2 | 陳頭崗停車場 隴枕停車場 |
隴枕控制中心 | 8D | |
城際地鐵路綫 | |||||||||
廣佛綫[圖註 6] | 2010年11月3號 | 新城東 | 瀝滘 | 25[圖註 7] | 39.6(廣州地區18.1) | 夏南車輛段 | 夏南控制中心 | 4B | |
旅客自動輸送系統路綫 | |||||||||
APM綫 | 2010年11月8號 | 林和西 | 廣州塔 | 9 | 4.0 | 赤崗塔停車場 | 赤崗塔控制中心 | 膠轆2節 | |
總計 | 249 | 589.4 |
轉車站
[編輯]家下廣州地鐵有29個轉車站,其中有2個要出站先至有得轉車。
![](http://upload.wikimedia.org/wikipedia/commons/thumb/6/6e/FaaDeiWaanZaam_PingToi.jpg/220px-FaaDeiWaanZaam_PingToi.jpg)
1號綫喺1993年12月28號開工。首通段(西塱⇆黃沙)喺1997年6月28號開始試營運,全綫喺1998年12月28號起好曬,喺1999年6月28號正式通車。服務時間:06:10~23:30,大概每2~7分鐘一班車。
全綫有16個車站,分別係:西塱(轉廣佛綫)、坑口、花地灣、芳村、黃沙(轉6號綫)、長壽路、陳家祠(轉8號綫)、西門口、公園前(轉2號綫)、農講所、烈士陵園、東山口(轉6號綫)、楊箕(轉5號綫)、體育西路(轉3號綫)、體育中心、廣州東站(轉3號綫)。
綫路全長約18.48公里,除咗西塱、坑口係地面站之外,其他車站都喺地底。喺西塱⇆坑口之間整咗車輛段,亦係A型列車嘅大修基地。
![](http://upload.wikimedia.org/wikipedia/commons/thumb/3/31/Huijiangstation.jpg/220px-Huijiangstation.jpg)
2號綫首期(三元里⇆曉港)喺2002年12月29號開通,隨後全綫(三元里⇆琶洲)喺2003年6月28號開始營運,而調整段(琶洲⇆萬勝圍)就喺2005年12月26號同4號綫(大學城專綫)一齊開通。服務時間從06:00~00:16,大概每2~4分鐘一班車。
2號綫喺開通初期,用咗好多嗰時中國大陸最先進嘅技術,而且係全球首條一開通就裝咗月台幕門嘅地鐵綫路。
拆解前,全綫共有17個車站,分別係:三元里、廣州火車站(轉5號綫)、越秀公園、紀念堂、公園前(轉1號綫)、海珠廣場、市二宮、江南西、曉港、中大、鷺江、客村(可轉3號綫)、赤崗、磨碟沙、新港東、琶洲、萬勝圍站(可轉4號綫),看唪唥車站都喺地底。車輛段喺赤沙。
2010年9月21號晚黑,由三元里站開去萬勝圍站嘅尾班車到總站後,舊二號綫服務正式終止。同年月22~24號,舊二號綫停運開搞軌道、信號、供電割接同聯合調試。2010年9月25號,2號綫南北延長綫(廣州南站⇆昌崗、飛翔公園⇆嘉禾望崗)開通營運,原有嘅曉港⇆萬勝圍段同赤沙車輛段拆咗畀8號綫營運,兩條路綫喺昌崗站交叉。南北延綫共有17座車站,1個車輛段(嘉禾車輛段),1個停車場(大洲停車場),2座轉乘站,2座預留轉乘站。
依家嘅2號綫從南到北整咗24座車站,分別係:廣州南站(轉7號綫、22號綫同佛山2號綫)、石壁(轉7號綫)、會江、南浦、洛溪、南洲(轉廣佛綫)、東曉南、江泰路、昌崗(轉8號綫)、江南西、市二宮、海珠廣場(轉6號綫)、公園前(轉1號綫)、紀念堂、越秀公園、廣州火車站(轉5號綫)、三元里、飛翔公園、白雲公園、白雲文化廣場、蕭崗、江夏、黃邊,嘉禾望崗(轉3號綫同14號綫),冚唪唥站都喺地底。
![](http://upload.wikimedia.org/wikipedia/commons/thumb/1/14/Jingxinanfanghospitalstation.jpg/220px-Jingxinanfanghospitalstation.jpg)
3號綫係廣州地鐵網路入邊嘅南北快綫,全綫長64.41km,包括主綫同埋支綫。佢喺中國大陸創咗兩個「第一」——第一條搞支綫同埋第一條最高時速去到120km/h嘅地鐵路線,總投資係159.05億人民幣。首通段(廣州東站⇆客村)喺2005年12月26號開通。最細行車間隔係1分58秒。其中:
- 主綫:機場北⇆番禺廣場
- 支綫:天河客運站⇆體育西路
現時嘅行車係:
- 主交路:天河客運站⇆體育西路⇆番禺廣場
- 主交路:機場北⇆體育西路⇆番禺廣場
- 機場交路:機場北⇆體育西路。
依家3號綫有30個車站,由南往北依次為:番禺廣場(轉18號綫同22號綫)、市橋、漢溪長隆(轉7號綫)、大石、廈滘、瀝滘(轉廣佛綫)、大塘、客村(轉8號綫)、廣州塔(出閘後可轉APM綫)、珠江新城(轉5號綫)、體育西路(轉1號綫)、石牌橋、崗頂、華師、五山、天河客運站(轉6號綫)、林和西(出閘後可轉APM綫)、廣州東站(轉1號綫)、燕塘(轉6號綫)、梅花園、京溪南方醫院、同和、永泰、白雲大道北、嘉禾望崗(轉2號綫、14號綫)、龍歸、人和、高增(可轉9號綫)、機場南、機場北。喺廈滘同埋嘉禾整咗個車輛段,亦係B型列車嘅大修基地。
![](http://upload.wikimedia.org/wikipedia/commons/thumb/3/39/Haibangstation.jpg/220px-Haibangstation.jpg)
4號綫喺2003年1月29號開始起,其中,萬勝圍⇆新造(大學城專綫)喺2005年12月26號開通;新造⇆黃閣喺2006年12月30號開通;黃閣⇆金洲喺2007年6月28號開通;金洲⇆南沙客運港喺2017年12月28號開通。成條路線南北走向,全長43.65公里(其中黃村⇆新造、飛沙角⇆南沙客運港係地底段)。
佢既係全球第一條用咗中、大運載量嘅直綫電機綫路,又係中國大陸第一條用直綫電機車輛技術嘅地鐵路線,亦係廣州第一條上天落地嘅地鐵路線。
依家4號綫有24個車站,由北往南依次為:黃村(轉21號綫)、車陂、車陂南(轉5號綫)、萬勝圍(轉8號綫)、官洲、大學城北、大學城南(轉7號綫)、新造、官橋(未開通)、石碁、海傍、低涌、東涌、慶盛、黃閣汽車城、黃閣、蕉門、金洲、飛沙角、廣隆、大涌、塘坑、南橫同埋南沙客運港,其中地底車站14個,高架車站10個。車輛段喺新造站南面。
5號綫成東西走向,全長31.9公里,出咗110億人民幣嚟起。路線喺2009年12月28號開通營運,同佢同時開通嘅重有4號綫北延綫——萬勝圍⇆車陂南段[49],啱啱開通嗰陣,5號綫係唯一同其它4條路綫都有轉乘站嘅路線。依家5號綫嘅最細行車間隔係2分06秒。
5號綫一共有30個車站,由西向東嘅順序係:滘口、坦尾(轉6號綫)、中山八、西場(轉8號綫)、西村(轉8號綫)、廣州火車站(轉2號綫)、小北、淘金、區莊(轉6號線)、動物園、楊箕(轉1號綫)、五羊邨、珠江新城(轉3號綫)、獵德、潭村、員村(轉21號綫)、科韻路、車陂南(轉4號綫)、東圃、三溪、魚珠(轉13號綫)、大沙地、大沙東(轉7號綫)、文沖、雙沙、廟頭、夏園(轉13號綫)、保盈大道、夏港、黄埔新港。喺魚珠站北面整咗魚珠車輛段,係L型列車嘅大修基地。
6號綫首期(潯峰崗⇆長湴)喺2013年12月28號開通,而二期(長湴⇆香雪)就喺2016年12月28號開通。綫路全長41.7公里,其中潯峰崗⇆沙貝段為高架綫,其它站冚唪唥都喺地下。
綫路一共有32個站,由西向東嘅順序係:潯峰崗、橫沙、沙貝、河沙、坦尾(轉5號綫)、如意坊、黃沙(轉1號綫)、文化公園(轉8號綫)、一德路、海珠廣場(轉2號綫)、北京路、團一大廣場、東湖、東山口(轉1號綫)、區莊(轉5號綫)、黃花崗、沙河頂、沙河(未開)、天平架、燕塘(轉3號綫)、天河客運站(轉3號綫)、長湴、植物園站、龍洞、柯木塱、高塘石、黃陂、金峰、暹崗、蘇元(轉21號綫)、蘿崗(轉7號綫)、香雪。其中喺潯峰崗站西南邊整咗潯峰崗停車場,喺香雪站東南邊整咗蘿崗車輛段。
![](http://upload.wikimedia.org/wikipedia/commons/thumb/6/6d/JyunGongZaam_Platform.jpg/220px-JyunGongZaam_Platform.jpg)
7號綫首期(廣州南站⇆大學城南)喺2016年12月28號開業,西延段喺2022年5月1號開通,二期(大學城南⇆燕山)喺2023年12月28號開通。綫路成西南-東北走向,全長53.4公里。
依家綫路設咗28個站,由西向東分別係:美的大道、北滘公園(轉佛山3號綫)、美的、南涌、錦龍、陳村、陳村北、大洲、廣州南站(轉2號綫、22號綫同佛山2號綫)、石壁(轉2號綫)、謝村、鍾村、漢溪長隆(轉3號綫)、南村萬博(轉18號綫)、員崗、板橋、大學城南(轉4號綫)、深井、長洲、裕豐圍(轉13號綫)、大沙東(轉5號綫)、姬堂、加莊、科豐路、蘿崗(轉6號綫)、水西(轉21號綫)、燕山。車輛段位於廣州南站西北面嘅大洲。
8號綫從海珠區工業大道北近南田路口地底嘅鳳凰新村站開始,經沙園、昌崗路、新港路,東邊係新港東路同規劃新滘東路口下邊嘅萬勝圍站。
曉港⇆萬勝圍係原2號綫嘅沿用路綫,其中曉港⇆琶洲段喺2003年6月28號通車,而萬勝圍站喺2005年12月26號開始營運。2010年9月25號朝早,三元里⇆江南西段正式同曉港⇆萬勝圍段一分為二,後者各站正式摱到8號綫入面,晏啲同新起嘅鳳凰新村⇆昌崗路段接埋一齊,成為8號綫一部分。新起站點入邊,其中昌崗站喺2010年9月25號開通,鳳凰新村⇆寶崗大道段喺同年11月3號開通,文化公園⇆鳳凰新村段喺2019年12月28號開通,滘心⇆文化公園段喺2020年11月26號開通。
現時8號綫全長33.9公里,有26座車站:滘心、亭崗、石井、小坪、石潭、聚龍、上步、同德、鵝掌坦、西村(轉5號綫)、彩虹橋、陳家祠(轉1號綫)、華林寺、文化公園(轉6號綫)、同福西、鳳凰新村、沙園(轉廣佛綫)、寶崗大道、昌崗(轉2號綫)、曉港、中大、鷺江、客村(轉3號綫)、赤崗、磨碟沙(轉18號綫)、新港東、琶洲、萬勝圍(轉4號綫)。車輛段係原2號綫赤沙車輛段,接軌站係磨碟沙。其中喺滘心站整咗白雲湖車輛段。
9號綫喺2009年9月28號喐手,2017年12月28號開業。綫路成東西嘅「几」字形走向,西面由飛鵝嶺出發,跟住風神大道、農新路、秀全西路、秀全大道、公益路同迎賓大道敷設,經過廣州北站、花都廣場同空港經濟區,東到白雲區高增。綫路全長20.1km,有11座車站同1座車輛段、2座主變電站;用咗同3號綫相似嘅6卡B型列車,最高時速係120km/h。
11座車站由西向東分別係:飛鵝嶺、花都汽車城、廣州北站、花城路、花果山公園、花都廣場、馬鞍山公園、蓮塘、清㘵、清塘,高增(轉3號綫)。車輛段喺飛鵝嶺西邊嘅岐山。
13號綫喺2012年5月15號開始起。其中,一期(魚珠⇆新沙)喺2017年12月28號開業。綫路成東西走向,全長26.7公里。全綫喺黃埔區境內。
依家路線整咗10個站,由西到東分別係:新沙、官湖、新塘、白江、沙村、南崗、夏園(轉5號綫)、南海神廟、雙岡、裕豐圍(轉7號綫)、魚珠(轉5號綫)。車輛段喺官湖嗰邊。
![](http://upload.wikimedia.org/wikipedia/commons/thumb/4/46/FungHaa_Zaam_Platform.jpg/220px-FungHaa_Zaam_Platform.jpg)
14號綫喺2013年4月16號開始起。其中,知識城支綫喺2017年12月28號開通,成西北-東南走向,全長21.9公里;而主綫一期喺2018年12月28號開業,成西南-東北走向,全長54.3公里。全綫喺白雲區同黃埔區境內。
依家路線有分主綫同支綫營運,其中主綫整咗13個站,支綫整咗10個站:
- 主綫由西南到東北分別係:嘉禾望崗(轉2號綫、3號綫)、白雲東平、夏良、太和、竹料、鐘落潭、馬瀝、新和(轉知識城支綫)、太平、神岡、赤草、從化客運站、東風
- 支綫由西北到東南分別係:新和(轉主綫)、紅衛、新南、楓下、知識城、何棠下、旺村、湯村、鎮龍北,鎮龍(轉21號綫)。
另外,呢條綫有快慢車制度。其中快綫淨停嘉禾望崗、新和、從化客運站、東風。曾經喺2018年12月28號開通之後一直到2019年12月19號最後一班快車開出收車為止,實行過從嘉禾望崗往返鎮龍嘅快車,中間淨停靠新和。
車輛段有兩個:其中一個喺105國道嘅前神岡鎮赤草村入面,另一個喺近324國道嘅前鎮龍鎮山口村入面,重有個停車場喺太和鎮石湖村入面。
![](http://upload.wikimedia.org/wikipedia/commons/thumb/0/00/L18_Concourse_N.%2C_Panyu_Square_Station%2C_Guangzhou_Metro_20210929-B.jpg/220px-L18_Concourse_N.%2C_Panyu_Square_Station%2C_Guangzhou_Metro_20210929-B.jpg)
18號綫喺2017年4月28號開始起。其中,一期首通段(冼村⇆萬頃沙)喺2021年9月28號開業。綫路成南北走向,全長58.3公里。
依家路線整咗8個站,由北往南分別係:冼村、磨碟沙(轉8號綫)、龍潭、沙溪、南村萬博(轉7號綫)、番禺廣場(轉3號綫同22號綫)、橫瀝、萬頃沙。車輛段喺隴枕停車場入邊。
另外,呢條綫有快慢車制度。其中快綫淨停冼村、磨碟沙、番禺廣場、橫瀝、萬頃沙。
21號綫喺?年?月?號開始起。其中,一期(鎮龍西⇆增城廣場)喺2018年12月28號開業;而二期(員村⇆鎮龍西)喺2019年12月20號開業。綫路成西南-東北走向,全長61.5公里。全綫喺天河區、黃埔區、增城區境內。
依家路線整咗21個站,由西南到東北分別係:員村(轉5號綫)、天河公園、棠東、黃村(轉4號綫)、大觀南路、天河智慧城、神舟路、科學城、蘇元(轉6號綫)、水西(轉7號綫)、長平、金坑、鎮龍西、鎮龍(轉14號綫)、中新、朱村、鳳崗、山田、鍾岡,及增城廣場。
另外,呢條綫有快慢車制度。其中快綫淨停員村、天河公園、棠東、黃村、天河智慧城、神舟路、蘇元、水西、鎮龍、鳳崗,及增城廣場。
車輛段喺鎮龍山口村嗰邊;重有兩個停車場,一個喺水西,另一個喺象嶺。
![](http://upload.wikimedia.org/wikipedia/commons/thumb/a/ab/Platform_1%2C_Shiguanglu_Station%2C_Guangzhou_Metro_20220404.jpg/220px-Platform_1%2C_Shiguanglu_Station%2C_Guangzhou_Metro_20220404.jpg)
22號綫一期首通段(陳頭崗⇆番禺廣場)喺2022年3月31號開業。綫路全長18.2公里,係廣州地鐵宜家最短嘅地鐵綫路。
依家路線整咗4個站,由北往南分別係:陳頭崗、廣州南站(轉2號綫、7號綫同佛山2號綫)、市廣路、番禺廣場(轉3號綫同18號綫)。控制中心喺隴枕停車場入邊。
![](http://upload.wikimedia.org/wikipedia/commons/thumb/9/90/Jihuaparkstation.jpg/220px-Jihuaparkstation.jpg)
廣佛綫係條喺廣州市海珠區、荔灣區、佛山市南海區、禪城區同順德區入面行嘅城際地鐵路綫,由廣佛軌道交通有限公司負責營運。股份方面,廣州地鐵佔咗51%,凈低嗰49%屬佛山地鐵。呢條綫嘅佛山部分又嗌做佛山地鐵1號綫。
廣佛綫全長39.6公里,有25個站,全部係地底站,分別係:新城東、東平、世紀蓮、瀾石、魁奇路、季華園、同濟路、祖廟、普君北路、朝安、桂城、南桂路、𧒽崗、千燈湖、金融高新區、龍溪、菊樹、西塱(轉1號綫)、鶴洞、沙涌、沙園(轉8號綫)、燕崗、石溪、南洲(轉2號綫),瀝滘(轉3號綫)。車輛段位於五丫口大橋以南嘅夏南。
廣佛綫首期試驗段(魁奇路站)喺2002年10月11號開工,而其它站從2007年6月28號開始陸續開工。2010年11月3號,首通段(魁奇路⇄西塱)開通。原先地鐵方面預計會喺2013年起好嗮後通段(西塱⇄瀝滘),但由於瀝滘站嘅徵地拆遷補償問題未傾掂,令後通段開通時間一拖再拖,最後地鐵考慮到客流問題,聽取咗市民意見,決定喺2015年12月28號開通後通段嘅西塱⇄燕崗段。後嚟喺瀝滘站嘅施工工地直到2016年先至傾掂而入場施工,而石溪同南洲兩站已經起到七七八八。隨住瀝滘站起好之後,2018年12月28號將東延段凈低嗰三個站(石溪、南洲、瀝滘)都開通埋。
廣佛綫二期(新城東⇄魁奇路)喺2016年12月28號開通,除咗瀾石站以外,淨低3個站都係按6B規格起嘅,喺瀾世區間預留咗類似廣州舊2號綫江曉區間拆解結構。以後呢段會拆畀佛山6號綫,而瀾石站後會接新建嘅廣佛綫三期去北圍新城。
珠江新城旅客自動輸送系統南邊從海珠區嘅廣州塔站開始,向北下穿珠江主航道、海心沙、花城廣場,北去到林和西站位置。綫路總長3.94公里,全綫都喺地下。
全綫一共整咗9座車站,自北向南分別係:林和西、體育中心南(工程名:體育中心站)、天河南(工程名:天河南一路站)、黃埔大道(工程名:市民廣場站)、婦兒中心(工程名:中央廣場站)、花城大道(工程名:雙塔站)、大劇院站(曾用站名:歌劇院)(工程名:廣州歌劇院站)、海心沙、廣州塔(曾用站名:赤崗塔)。其中林和西站同廣州塔站出閘之後可以轉乘地鐵3號綫,有通道連接到3號綫嘅同名車站。
路綫喺廣州塔站以南有座地下車輛維修中心同埋控制中心。
未來發展
[編輯]近期路綫
[編輯]直到2022年3月,廣州地鐵有11條路綫(段)喺度起緊,亦有多條規劃路綫嘅工程得到咗落實。
![]() | |||||||
起緊嘅路綫(段、站)[50] | |||||||
---|---|---|---|---|---|---|---|
路綫 | 路綫(段) | 起點站/終點站 | 長度 km |
站數 | 車卡編組 | 狀態/上月土建進度 | |
3號綫 | 東延段 | 番禺廣場-海傍 | 9.55 | 4 | 6B | 起緊:57%
預計2024年開到 | |
6號綫 | 未開嘅車站 | 沙河 | - | 1 | 4L | 起緊 | |
10號綫 | 石牌橋-西塱[L10] | 19.15 | 14 | 6B | 起緊:38% | ||
11號綫 | 員村-廣州火車站-天河公園 | 43.2 | 30 | 8A | 起緊:74% | ||
12號綫 | 潯峰崗-大學城南 | 37.6 | 25 | 6A | 起緊:38% | ||
13號綫 | 二期 | 朝陽-魚珠 | 33.8 | 23 | 8A | 起緊:44% | |
14號綫 | 二期 | 廣州火車站-嘉禾望崗 | 11.9 | 8 | 6B | 起緊:30% | |
18號綫 | 首期後通段 | 廣州東站-冼村 | 3 | 1 | 8D | 起緊:7% | |
北延段 (廣花城際) |
花城街-廣州東站 | 39.6 | 7 | 起緊 | |||
22號綫 | 后通段 | 芳村-陳頭崗 | 12.6 | 4 | 8D | 起緊:16% | |
北延段 (芳白城際) |
芳村-機場北 | 41.1 | 10 | 起緊 | |||
國家發改委批咗,但未開始起嘅路綫(段、站)[51] | |||||||
路綫 | 路綫(段) | 起點站/終點站 | 長度 km |
站數 | 車卡編組 | 狀態 | |
4號綫 | 預留站 | 官橋 | - | 1 | 4L | 準備緊 | |
18號綫 | 南延段 (南珠中城際) |
萬頃沙-珠海拱北 | 64.7 | 15 | 8D | 研究緊 | |
中山香山-中山興中 | 28.0 | 7 | 研究緊 | ||||
28號綫 | (佛穗莞城際) | 佛山上元-東莞黃旗南 | 99 | 未知 | 8D | 研究緊 | |
國家發改委仲未批嘅路綫(段)[52] | |||||||
路綫 | 路綫(段) | 起點站/終點站 | 長度 km |
站數 | 車卡編組 | 狀態 | |
8號綫 | 東延段 | 萬勝圍-蓮花 | 18.0 | 7 | 6A | 研究緊 | |
北延段二期 | 滘心-江府 | 9.4 | 4 | ||||
18號綫 | 廣清城際聯絡綫 | 花都站-應湖(綫路所) | 7.5 | 1 | 8D | ||
24號綫 | 紀念堂-廣州北站 | 31.6 | 18 | 6A | |||
注 | |||||||
|
綫網規劃
[編輯]廣州市政府喺2020年11月批復嘅《廣州市城市軌道交通綫網規劃方案》(2018—2035年)顯示,廣州市規劃咗53條、2,029公里嘅地鐵路綫。呢輪綫網規劃包括高速、快速同普速三種唔同等級嘅路綫。其中,高速地鐵有5條,快速地鐵有11條,普速地鐵有37條[53][54](未包括廣佛地鐵)。
|
|
營運方
[編輯]家下廣州地鐵集團負責嗮成條綫網嘅營運。
- 運營事業總部運營一中心
- 車務一部:1號綫、廣佛綫
- 車務二部:2號綫、8號綫
- 運營事業總部運營二中心(以直綫電機地鐵列車為主)
- 車務三部:4號綫、5號綫
- 車務四部:6號綫、13號綫
- 運營事業總部運營三中心(以B型地鐵列車為主)
- 車務五部:3號綫、APM綫
- 車務六部:7號綫、9號綫
- 運營事業總部運營四中心(以通勤綫路為主)
- 車務七部:21號綫
- 車務六部:14號綫
- 廣東城際鐵路運營有限公司(以高速綫路為主)
- 18號綫、22號綫
車站同車廂廣播
[編輯]家下廣州地鐵嘅主要廣播語言順序係普粵英,但有男女聲之分。喺報站之前先響「d̼ɔ̝ŋ˥˧ ɖɤ̞˨」(1號綫)或「d̼iŋ˥ ɖɤ̞˨」(第啲路綫)兩聲,跟住就人聲廣播。其中:
喺1997年6月28號開通1號綫首通段(西塱⇆黃沙)無耐,嗰時廣州地鐵車流好少(30~35分鐘一班車),加上全程票價都好貴下(坐一次要畀¥5),所以廣播量除咗報下一站係乜之外,其它嘢都唔嗲唔
語種 | 列車嘅行為 | |
---|---|---|
就快入站嗰陣 | 到站開門之後 | |
普通話 | 列车马上进站,请保管好您的随身携带物品,先下后上,注意列车与站台之间的空隙。 | 欢迎光临(站名)站 |
粵語 | 列車馬上入站,請保管好您嘅隨身攜帶物品,先落後上,注意列車同月台之間嘅空隙。 | 歡迎光臨(站名)站 |
英文 | The train is approaching. Please keep all of your carrying belongings. Please allow the passengers to get off before you get on. And mind the gap between with the train and the platform. | Welcome to (Station Name). |
喺列車開出之後到下一站到站之前,車廂入面嘅廣播重係按舊時噉,凈播報下一站係乜,但喺每次列車就快到總站時都係靠司機做對講機廣播直到2號綫開通首通段(三元里⇆曉港)為止。後嚟隨住啲經銷商睇啱地鐵搞舖頭仔生意,加上站廳同月台啲廣告燈箱開始出現商業廣告之後,重喺報完下一站之後介紹附近啲道路、地方、機構同建築(部分由商家贊助)。喺2號綫啱開通無耐,列車先至出現有男聲廣播,係由廣州跑酷團隊——CitySpanker創始人——李喆負責[56]。但嗰時凈得普通話廣播直到2號綫全線(三元里⇆琶洲)開通為止。2003年6月28號,嗰時公園前站嘅男聲提示右邊棟門落車嘅信息多咗粵語廣播。2005年12月初,受到3號綫首通段(廣州東站⇆客村)同埋4號綫大學城專綫(萬勝圍⇆新造)就快開通嘅影響,男聲亦多到喺各大車站播音出現,但凈限車廂入面廣播。從2005年12月26號開始,喺3號綫首通段(廣州東站⇆客村)同埋4號綫大學城專綫(萬勝圍⇆新造)嘅月台範圍多咗個喺車門就快閂之前嘅三語廣播直到2006年12月27號先至喺地鐵冚唪唥站點出現。雖然2005年底到2006年初、2008年5月嘅2號綫爆出粵語報站被取消嘅醜聞,但經過媒體爆料之後,地鐵方好快將粵語加返上去[57]。2009年12月28號開通咗5號綫之後,好多喺下一站屬轉車站點時嘅播音從原先嘅女聲轉成男聲廣播,嗰時男聲亦出現英文廣播。而就快入站嗰陣嘅月台廣播喺2009年,1號綫裝嗮月台幕門嗰陣取消嗮。
2011年5月31號,地鐵冚唪唥列車喺站點開出無耐嗰時,加咗普通話嘅「請上車的乘客往車廂中部走」同埋「列車即將到達XX站」嘅男聲播音[58],亦有部份站點多咗普粵英三語嘅指定門口落車。雖然2012年底喺各站點嘅扶手電梯整咗提示廣播,連2013年12月28號啱開通嘅6號綫都唔例外,但到咗2017年1月14號冚唪唥取消嗮。尤其係公園前站嘅播音,喺「列車向前行嘅右邊棟門落車」提示至少改咗5次播音。尤其喺下一站係6號綫或7號綫嘅轉車站點,除咗6號綫同7號綫列車係男聲播報之外,其它都係女聲提示轉乘廣播。喺1號綫同5號綫部分下一站嘅報站,重出現冇「請上車的乘客往車廂中部走」呢句播音。
而家基本上嚟講,除咗車廂入面嘅「列車即將到達XX站」同上咗車之後行入去、車站附近啲商家、搭車嘅友情提示凈得普通話廣播之外,其它情況都有普粵英三語廣播。喺月台嗰邊一般都有三語廣播。
設施
[編輯]廣州地鐵每個車站嘅設計都唔一樣,起碼用咗4種裝修設計風格。其中:
- 1同13(南海神廟站):站廳同月台用嘅係1990年代最㷫用嘅水泥同岩石瓷磚嘅拼接風格。
- 2、3、5(從西場到區莊站)、8(沙園站,除萬勝圍站外)、9、13(柱,除南海神廟站外)、14(除新和站外)、APM:站廳同月台用嘅係焗漆牆面結構。
- 4、6、7(除廣州南站外)、5(中山八站及以西嘅車站,楊箕站及以東嘅車站)、8(萬勝圍站)、13(牆面,除南海神廟站外)、14(除知識城支綫嘅地底車站外)、21站廳同月台用嘅係玻璃牆面結構。
- 1(除沙園站外)站廳同月台用嘅係類陶瓷磚裝飾。
而大堂大多數喺地下或地面,亦有啲站點畀咗啲空間嚟發展地鐵上蓋同車站商舖、控制室、賣票機同埋機房設施。文化牆方面,其中喺6號綫、7號綫、13號綫同14號綫部分站點,及3號綫機場南北兩站、4號綫南沙客運港站、5號綫獵德站搞咗出嚟。
站廳同月台
[編輯]由於地鐵系統日日都有好多人坐地鐵上落,所以任何一個站嘅月台同站廳之間都整咗扶手電梯出嚟。早期站廳設計重未考慮到有大量客流出入站而將啲𨋢裝嗮喺站廳嘅免費區入面,後嚟地鐵開通之後,有越嚟越多傷殘或行動不便人士出入站時話好唔方便,後嚟地鐵方考慮到呢個問題而從起2號綫開始,之後每個站喺收費區入面整部𨋢嚟方便乘客往返站廳同月台之間。亦從2009年開始,喺每個站至少一個出入口整個帶傷殘人士專用通道嚟方便傷殘人士出入站。後嚟路線越開越多,1號綫原先整咗專用𨋢喺免費區嘅車站——西塱、黃沙、公園前、東山口、楊箕、體育西路、廣州東站,都劃嗮入收費區入面,但亦保留咗部分專用𨋢凈限傷殘人士用。
早期時廣州地鐵借鑒港鐵嘅經驗嚟起車站,所以有好多個站點都冇廁所響度。不過最早嘅站內廁所喺2000年喺1號綫烈士陵園站A出入口出現,嗰時廣州地鐵唯一車站有站內廁所。後嚟越來越多搭地鐵啲人成日喺地鐵嘅站廳或月台或車廂入面做「忍者龜」行為令部分乘客好唔滿意,即使起緊4號綫時,凈限高架站先至有廁所;起緊5號綫時凈喺西村站B口、滘口站入面、五羊邨站C口、及車陂南站C口整咗站內廁所出嚟;直到起6號綫時,地鐵方考慮到乘客搭緊地鐵半佬做「忍者龜」行為,先至規定除車站空間唔夠之外,其它凡係新起啲站點都要整廁所出嚟(即使係路線經過舊嘅站點都要噉做)。
![](http://upload.wikimedia.org/wikipedia/commons/thumb/6/68/Projected_sentences_onto_Suspension_Board_on_Line_6_in_Guangzhou_Metro.jpg/200px-Projected_sentences_onto_Suspension_Board_on_Line_6_in_Guangzhou_Metro.jpg)
從2016年12月28號開始,廣州地鐵全綫車站同埋APM都整咗免費WiFi熱點,WiFi供應商主要由花生地鐵WiFi提供,用戶可以通過智能電話用手機冧同短信驗證碼登錄就可以享受無限時上網[59]。
從2017年1月14號開始,地鐵方喺部分轉乘站嘅客流大站點加咗轉車指示嘅投影燈[60],方便趕住轉乘地鐵或成日玩手機啲乘客睇到有噉嘅指引。
2017年3月7號,由於廣州地鐵掛咗好多同國際婦女節有關嘅公益宣傳廣告,就喺廣州南站率先搞咗試點,結果反映比較好。同年8月5號上晝出現39位準阿媽強烈建議地鐵方關注母乳餵養問題而決定凡係新起嘅車站要整個私密性比較好嘅母嬰餵養室。
閘機
[編輯]
|
早期嘅地鐵系統入面,出入站都係用清一色嘅普通窄閘機。喺凈開通咗1號綫期間,嗰時用嘅閘機係三棍式品種,不過嗰種閘機嘅性能幾乎笑甩大牙,好易俾人搭霸王車,而且連計費嘅液晶牌影都冇隻。後嚟2號綫首通段開通之後亦出現咗伸縮版門掩式閘機,但嗰時棟門範圍大隻啲,而且第一次出現計費嘅液晶牌,但嗰時用嘅係黑白機品種;3號綫首通段同4號綫大學城專綫開通之後,亦出現咗伸縮版門掩式閘機,不過門掩改細咗,液晶牌亦變成彩色;隨後呢種新式閘機好快推廣到地鐵系統各大站點入面,但舊式閘機亦保留咗,原先冇裝液晶或裝咗黑白液晶啲閘機都冚唪唥裝嗮出嚟兼改成彩色演示。2010年10月30號,由於3號綫北段嘅開通而出現咗闊閘機,嗰時機場南站成為地鐵系統史上第一個兼唯一站點有闊閘機方便攜帶大件行李出入站用,直到2016年2月5號,由於二維碼入閘坐車嘅方便性大大增加,加上亦考慮到提高攜帶大件行李、推BB車啲人嘅效率,地鐵方亦喺公園前、楊箕、體育西路、廣州塔、廣州南站、廣州火車站、廣州東站、漢溪長隆、林和西、東山口、昌崗、客村、萬勝圍、龍歸、獵德、大石、坑口、文化公園、一德路、同和、珠江新城站呢啲客流大嘅站點都整咗闊閘機出嚟,但嗰時凈支持手機支付或銀行卡或羊城通出入站。從2018年10月17號開始,呢種橙閘機重支持中國大陸境內冚唪唥嘅交通卡或澳門通(前提係要張卡上邊印有交通聯合嘅撈稿)。喺2017年12月28號開通咗新嘅地鐵路線之後,喺9號綫(包括轉乘站——高增站)同14號綫任何一個站點、以及4號綫南延段(包括幽靈車站——慶盛站)、13號綫嘅南海神廟站都學咗機場南站噉整咗普通嘅闊閘機同埋二維碼闊閘機出嚟。2018年4月26號,因白雲機場二號航站樓正式開通營運,3號綫機場北站同機場航站樓同步開通時,亦多咗呢樣嘢出嚟。
商舖同自助服務
[編輯]家下廣州地鐵車站除咗佛山地鐵1號綫(廣州方嗌廣佛綫)之外,其他喺廣州市區啲路線都有唔少站點有商舖。初期主要銀行為主,後嚟發展到便利舖、到而家整埋快餐舖、衫褲舖、糖果舖等等……尤其喺客流量比較大嘅站點,商舖多到好似個商場仔噉。
安全警示標識牌
[編輯]為咗進一步保障城市軌道交通運營安全,強化地鐵設施嚟保護宣傳工作力度,加強對地鐵控制保護區內違規施工作業行為嘅調查力度。近日,廣州市交通運輸局組織召開咗地鐵保護安全警示教育會,市住建局、廣州地鐵集團以及近60家地鐵保護區內相關項目參建單位亦都參加咗會議。 目前,廣州地鐵控制保護區內設置晒安全警示標誌,廣大市民如果喺標誌牌附近發現違規作業可撥打電話嚟反映返情況。目前,廣州開通咗14條地鐵線路,總里程531.1公里,每日嘅客量近900萬人,線路覆蓋廣闊、行車密度同客流強度大。 近年嚟,隨住發展地鐵沿線房地產、地下空間嘅開發、市政工程建設等嘅外部施工不斷噉增加,部分喺地鐵控制保護區內嘅施工影響咗地鐵正常運營甚至危及埋地鐵安全。
車站設計
[編輯]全方位打造展示廣州地鐵新形象同滿足軌道交通新時代特徵嘅標誌性車站,地鐵十八、二十二號綫嘅車站空間採用全新嘅設計理念。 番禺廣場站係廣州地鐵又一座巨型地鐵站,係已開通嘅地鐵三號綫以及即將開通嘅地鐵十八號綫、二十二號綫嘅三線交匯車站。 廣州地鐵設計研究院王昕表示,車站展現咗國際化嘅設計風格:十八號綫車站整體採用流線型嘅美學設計,塑造靈動飄逸嘅層次感同舒展流暢嘅空間感; 二十二號綫車站則採用鑽石切割式嘅菱形元素,追求極致細節嘅建築工藝同現代時尚嘅材質肌理,天地牆嘅形式同構圖相互呼應,渾然一體。此外,車站採用埋一體化嘅設計理念、精緻優雅嘅色彩質感、全新嘅導向標識系統、專業嘅光環境設計,令車站更具未來感同科技範疇。除咗車站內部,地面出入口嘅設計都充滿亮點。 記者瞭解到,十八、二十二號綫全線都對出入口周邊嘅場地進行提升,全面喺車站出入口周邊設置集休閒、鄰里活動喺一體嘅「口袋公園」,亦都係「城市門廳」理念嘅一次重要實踐。[61]
指示設計
[編輯]自從1997年6月28號開通第一條地鐵路線以嚟。嗰時嘅地鐵系統入面,車站嘅指示都係借鑒港鐵系統噉用藍白相間嘅風格,吊燈都係用黑底綠字嘅標識,而車站指明行邊個方向就用黑底黃字(1號綫)同埋黑底白字嘅燈飾箱。不過呢種指示設計直到2009年底先至統一用嗮黑底白字嘅裝飾,連車站嘅指示都統一改嗮黑底白字。早期嘅出入口吊燈燈飾都好似港鐵噉帶有綠底帶「出」字樣嘅白字,直到2009年底先至拋棄唔用。
車飛
[編輯]![]() |
![]() |
廣州地鐵路線係按里程收費:
等級 | 距離 | 費用 |
---|---|---|
Lv. 1 | <4km | CNY¥2 |
Lv. 2 | 4~12km | 喺Lv. 1基礎上+CNY¥1/4km |
Lv. 3 | 12~24km | 喺Lv. 2基礎上+CNY¥1/6km |
Lv. 4 | >24km | 喺Lv. 3基礎上+CNY¥1/8km |
註:APM全程CNY¥2,但同地鐵路線計費唔互通。
註同攷
[編輯]- 註
- 攷
- ↑ 〈第二屆地鐵春聯今起徵集 2000元獎金 地鐵列車模型 一年專遞服務等你拿〉. 羊城地鐵報. 2011年1月10號. 原著喺2012年3月17號歸檔. 喺2012年10月14號搵到.
- ↑ 〈廣佛線首通段順利通過冷滑試驗〉. 原著喺2010年10月3號歸檔. 喺2012年10月14號搵到.
- ↑ 〈原地鐵二號線因拆解而停運三天的公告〉. 原著喺2012年2月28號歸檔. 喺2012年10月14號搵到.
- ↑ 〈老工程師"冒死"報料 三號線北延段有危險?〉. 金羊網—新快報. 2010年10月11號. 原著喺2010年10月14號歸檔. 喺2012年10月14號搵到.
- ↑ 〈廣州地鐵恐坍 亞運通車添變?〉. 聯合早報. 2010年10月15號.
- ↑ 〈地鐵六大門戶車站 775萬元裝「文化牆」〉. 廣州日報. 2014年4月10號. 原著喺2014年4月10號歸檔. 喺2014年4月11號搵到.
- ↑ 〈廣州地鐵三號線和四號線30日開通〉. 信息時報. 2006年12月27號.
- ↑ 〈3條地鐵線明日要迎客〉. 原著喺2012年4月13號歸檔. 喺2012年10月14號搵到.
- ↑ 〈廣州地鐵二/八號線今日開通試運營〉. 原著喺2010年9月28號歸檔. 喺2012年10月14號搵到.
- ↑ 〈新二號線53分鐘跑完全程〉. 原著喺2012年4月10號歸檔. 喺2012年10月14號搵到.
- ↑ 〈10月28日、29日,廣佛線免費試乘兩天〉. 原著喺2010年11月4號歸檔. 喺2012年10月14號搵到.
- ↑ 〈廣佛地鐵昨日開始試乘,亞運期間「逢包必檢」從北京路到佛山祖廟 坐地鐵只需1小時06分〉. 原著喺2013年12月2號歸檔. 喺2012年10月14號搵到.
- ↑ 〈廣佛地鐵今日試乘 兩地市民爭飲「頭啖湯」〉. 羊城晚報. 2010-10-28. 原著喺2013-12-03歸檔. 喺2012-10-14搵到.
- ↑ 〈地鐵三號線北延段明天迎客 體育中心到機場半個鐘〉. 新浪廣東. 2010-10-29. 原著喺2013-12-02歸檔. 喺2012-10-14搵到.
- ↑ 〈廣州地鐵三號線北延段明日下午開通 明起可乘地鐵赴白雲機場〉. 原著喺2013年12月3號歸檔. 喺2012年10月14號搵到.
- ↑ 〈地鐵三號線北延段今天14時開通 直達白雲機場〉. 原著喺2010年11月1號歸檔. 喺2012年10月14號搵到.
- ↑ 〈昌崗至鳳凰新村段 、廣佛線首期下月3日開通〉. 原著喺2010年12月5號歸檔. 喺2012年10月14號搵到.
- ↑ 〈廣佛開通城際地鐵 西朗直達魁奇路只需40分鐘〉. 原著喺2010年11月5號歸檔. 喺2012年10月14號搵到.
- ↑ 〈廣州地鐵八號線西延段 廣佛線3日開通〉. 原著喺2013年12月3號歸檔. 喺2012年10月14號搵到.
- ↑ 〈地鐵客流昨日大破紀錄!〉. 羊城晚報. 2010年10月1號.
{{cite news}}
: CS1 maint: url-status (link) - ↑ 〈513萬客流撲向國慶地鐵〉. 原著喺2010年10月6號歸檔. 喺2012年10月14號搵到.
- ↑ 〈免費地鐵日均客流超600萬人 公交客流昨增23萬〉. 羊城晚報. 2010年11月3號. 原著喺2010年11月5號歸檔. 喺2012年10月14號搵到.
- ↑ 〈廣州免費乘車首日公交地鐵擠爆〉. 金羊網. 2010年11月2號. 原著喺2010年11月5號歸檔. 喺2012年10月14號搵到.
- ↑ 〈免費首日 穗地鐵人流漫出地面〉. 南方都市報. 2010年11月2號. 原著喺2010年11月5號歸檔. 喺2012年10月14號搵到.
- ↑ 〈879萬!地鐵客流再創新高〉. 原著喺2016年1月20號歸檔. 喺2017年4月19號搵到.
- ↑ 〈900萬!廣州地鐵客流再創新高〉. 原著喺2020年9月8號歸檔. 喺2017年4月19號搵到.
- ↑ 〈廣州地鐵迎第1000節車廂〉. 2010年7月26號. 原著喺2013年12月3號歸檔. 喺2012年10月14號搵到.
- ↑ 〈兩條地鐵線「門楣」悄然變色〉. 南方都市報. 2010年8月4號. 原著喺2013年12月2號歸檔. 喺2012年10月14號搵到.
- ↑ 〈廣州地鐵:屏蔽門蓋板線路圖亞運前統一色調〉. 原著喺2016年3月5號歸檔. 喺2012年10月14號搵到.
- ↑ 〈廣州地鐵更換新線路圖 亞運期間持票觀眾免票〉. 廣州日報. 2010年8月12號. 原著喺2014年1月2號歸檔. 喺2012年10月14號搵到.
- ↑ 〈今天起,進站坐車「逢包必檢、逢疑必查」地鐵「最嚴安檢」未見排長龍〉. 羊城晚報. 2010年10月28號. 原著喺2013年12月3號歸檔. 喺2012年10月14號搵到.
- ↑ 廣州地鐵今起安檢 強度空前[失咗效嘅鏈]
- ↑ 〈過地鐵安檢人均用時9秒 廣州地鐵設312個安檢點「逢包必檢」,安檢首日絕大部分站點秩序良好〉. 原著喺2010年10月31號歸檔. 喺2012年10月14號搵到.
- ↑ 〈地鐵進站須安檢 攜帶包裹必須經過X光機檢查〉. 原著喺2010年11月13號歸檔. 喺2012年10月14號搵到.
- ↑ 〈穗公交地鐵免費改為現金補貼〉. 南方都市報. 2010年11月7號. 原著喺2012年9月9號歸檔. 喺2012年10月14號搵到.
- ↑ 〈公交地鐵8日起取消免費措施 改發交通補貼〉. 大洋網. 2010年11月6號. 原著喺2012年1月9號歸檔. 喺2012年10月14號搵到.
- ↑ 〈地鐵五號線有人點燃煤氣罐〉. 新快報. 2011-01-11].
{{cite news}}
: Check date values in:|date=
(help)CS1 maint: url-status (link) - ↑ 廣州地鐵官方微博 21:04 淘金站取消客流控制。
- ↑ 〈廣州嘗鮮地鐵文化館〉 (中國中文). 羊城地鐵報. 2012年9月28號. 原著喺2013年12月2號歸檔. 喺2012年10月14號搵到.
- ↑ 〈這貨是廣州地鐵吉祥物,你怎麼看?〉. 原著喺2013年12月2號歸檔. 喺2014年3月5號搵到.
- ↑ 〈廣州地鐵服務熱線「96891」啟用〉. 原著喺2013年12月2號歸檔. 喺2014年3月5號搵到.
- ↑ 广州地铁10月10日起逐步升级安检 互聯網檔案館嘅歸檔,歸檔日期2017年10月12號,.,廣州地鐵 2017-09-27
- ↑ 〈耗資26.7億!廣州地鐵將實行全面安檢 雇用1.2萬名安檢員〉. 新快報. 喺2017-08-10搵到.
- ↑ 今起廣州地鐵安檢正式升級,住這些地方的要早起 互聯網檔案館嘅歸檔,歸檔日期2017年10月16號,.,金羊網 2017-10-10
- ↑ 鄭子健 (2017-12-30). 〈廣州地鐵內推高清實時無死角監控 稱可高速下傳輸即時大容量訊息〉. 香港01.
- ↑ 廣州地鐵將推行站外安檢?正在對外徵集設計方案 陳澤雲 梁懌韜 金羊網 2018-05-13
- ↑ 广州地铁站外安检房选定了 互聯網檔案館嘅歸檔,歸檔日期2018年8月30號,. 2018-08-30 新快报
- ↑ 广州地铁安检升级试点启用人脸识别 互聯網檔案館嘅歸檔,歸檔日期2018年11月13號,. 中国新闻网 2018-10-26
- ↑ 〈五號綫開通試運營新聞發布會舉行〉. 2009-12-24. 原著喺2010-02-01歸檔. 喺2012-10-13搵到.
- ↑ 徐振天 (2021-10-03). 〈广州10条在建地铁进度刷新 二十二號綫首通段正运营调试〉. 《羊城晚报》.
- ↑ 〈国家发展改革委关于粤港澳大湾区城际铁路建设规划的批复〉. 《国家发展改革委》. 2020-08-05. 原著喺2020-08-07歸檔. 喺2020-10-07搵到.
- ↑ 李天研 (2020-09-16). 〈广州地铁第三期建设规划调整方案在环评公示 24号线设站外围密市区疏〉. 《广州日报》. 原先內容歸檔喺2020-09-18. 喺2020-10-07搵到.
- ↑ 李天研 (2021-07-14). 〈首度曝光!广州地铁新线网规划5条高速地铁、11条快速地铁〉. 《广州日报》. 原著喺2021-07-14歸檔. 喺2021-08-15搵到.
- ↑ 〈广州东至花都天贵城际环境影响评价第三次公告〉 (PDF). 广州地铁集团. 2021-07-12. p. 88. 原著 (PDF)喺2021-07-13歸檔. 喺2021-07-13搵到.
- ↑ 55.0 55.1 〈地铁女声:十年相伴的人是她〉. 凤凰网. 2017-03-10. 原著喺2017-03-15歸檔. 喺2017-11-12搵到.
- ↑ 56.0 56.1 〈原来,在广州每天陪伴你地铁上下班的声音,是这位斜杠青年的〉. 南方网. 2016-07-24.
- ↑ 〈巴士粵語報站失聲是場虛驚〉. 新快報. 2009-03-17. 原著喺2013-12-30歸檔. 喺2012-10-14搵到.
- ↑ 〈微博稱一號線取消粵語報站 地鐵回應絕無此事〉. 南方日報. 2011-06-01. 原著喺2011-06-04歸檔. 喺2012-10-14搵到.
- ↑ 〈广州地铁免费WiFi本周全面"上线"〉. 《南方都市報》. 奧一. 2016-12-26. 原著喺2020-03-28歸檔. 喺2017-11-12搵到.
- ↑ 〈广州地铁启动安静模式 职员不再随身"循环广播"〉. 《廣州日報》. 新华网. 2017-01-17.
- ↑ 〈探營「大灣區最快地鐵」車站 感受廣州地鐵全新的設計理念-香港商報〉. www.hkcd.com. 喺2023-06-10搵到.
出面網頁
[編輯]![](http://upload.wikimedia.org/wikipedia/commons/thumb/4/4a/Commons-logo.svg/30px-Commons-logo.svg.png)
- 廣州地鐵嘅官方網站 (簡體中文)