聲學
![](http://upload.wikimedia.org/wikipedia/commons/thumb/5/5f/Disambig_gray.svg/25px-Disambig_gray.svg.png)
![](http://upload.wikimedia.org/wikipedia/commons/thumb/1/17/Tam-tam_P1490107_Expander_%28UA%29_%2816358658285%29.jpg/270px-Tam-tam_P1490107_Expander_%28UA%29_%2816358658285%29.jpg)
聲學(粵拼:sing1/seng1 hok6 | 英文:acoustics)係物理學嘅一個分支,主要研究氣體、液體同固體嘅機械波現象,包括振動、聲音、超聲波同低頻聲波等等。從事聲學研究嘅科學家叫做聲學家,而從事聲學科技嘅人可能會被稱為聲學工程師。聲學應用喺現代社會中幾乎係無所不在嘅,最明顯嘅包括音響同噪音控制行業。
![](http://upload.wikimedia.org/wikipedia/commons/thumb/8/82/Lindsay%27s_Wheel_of_Acoustics.svg/270px-Lindsay%27s_Wheel_of_Acoustics.svg.png)
聽覺係動物世界中最重要嘅生存手段之一,而言語係人類發展同文化最獨特嘅特徵之一。因此,聲學科學遍及人類社會嘅許多方面,包括音樂、醫學、建築、工業生產、戰爭等等。同樣,動物物種,例如雀同青蛙都會用聲同聽覺作為交配或者標示領地嘅方法。藝術、工藝、科學同科技互相影響,一齊推進聲學知識嘅發展。Robert Bruce Lindsay 嘅「聲學之輪」係對聲學各個領域一個被廣泛接受嘅概述。[1]
基礎
[編輯]聲波傳播:聲壓
[編輯]喺空氣同埋水嘅流體入面,聲波喺環境入面係作為干擾物嚟傳播。即使呢個干擾通常都好細,但係人類耳朵通常係可以察覺到嘅。一個人可以聽到嘅最細嘅聲音,稱之為聽閾,佢嘅壓力比環境壓力細九個數量級。呢啲干擾嘅響度同聲壓級(SPL)有關,SPL係喺以十作為底嘅對數尺度用分貝嚟度。
聲波傳播:頻率
[編輯]物理學家同聲學工程師通常會用頻率來討論聲壓水平,部分原因係因為呢啲頻率係我哋耳朵所能感知嘅聲音。當我哋感受到「高音」同「低音」時,實際上係感受到聲音振動每秒嘅週期數高低所導致嘅壓力變化。喺一般聲學測量技術中,聲學信號會喺時間上進行抽樣,然後轉換成更有意義嘅形式,例如八度頻帶或時頻譜。呢兩種流行嘅方法都可以用嚟分析聲音,更好地了解聲學現象。
整個聲波頻譜可以分為三個區域:音頻、超聲波同埋次聲波。音頻範圍係指介乎20 Hz 同20,000 Hz 之間嘅範圍。呢個範圍非常重要,因為人嘅耳仔可以聽到到呢個頻率範圍內嘅聲。溝通同音樂都係喺呢到發生。
超聲波範圍指嘅係非常高嘅頻率:多過 20,000 Hz。呢個範圍嘅波長較短,因此喺影像技術中可以得到更高嘅解像度。醫療應用嚟講,超聲波造影同埋彈性成像就要依賴呢個超聲波頻率範圍。而頻率最低嘅就係次聲波範圍。呢啲頻率可以用嚟研究地質現象,例如地震。
分析儀器嚟嘅,譬如話頻譜分析儀,可以俾我哋睇到同埋度到聲音信號同埋佢嘅特性。儀器產生嘅頻譜圖係壓力水平同頻率嘅時間變化圖,佢定義咗一個特定聲音信號嘅特性。
睇埋
[編輯]參考
[編輯]- ↑ "What is Acoustics". acoustics.byu.edu. 喺2023-03-03搵到.