西蘭花
閱讀設定
![]() brassica oleracea var. italica | ||||||||||||||||
---|---|---|---|---|---|---|---|---|---|---|---|---|---|---|---|---|
![]() | ||||||||||||||||
物種分類 | ||||||||||||||||
| ||||||||||||||||
Brassica oleracea var. italica Plenck |
![](http://upload.wikimedia.org/wikipedia/commons/thumb/4/4f/Fractal_Broccoli.jpg/220px-Fractal_Broccoli.jpg)
西蘭花(學名:Brassica oleracea var. italica,英文:Broccoli)係一種蔬菜,同花椰菜(花菜)、結球甘藍一樣係甘藍嘅變種,源於意大利,主要係食佢嘅花。
營養價值
[編輯]西蘭花含有豐富嘅維他命C同膳食纖維,重有抗癌嘅多種營養成分,例如二吲哚甲烷同少量嘅硒。每100克嘅西蘭花就有89.2毫克嘅維他命C。其中發現咗一種叫做3,3'-二吲哚甲烷嘅物質,對人嘅先天免疫系統給予一個有效嘅調劑,有抗病毒、抗細菌同抗腫瘤嘅能力。西蘭花重有一種叫做葡萄糖蘿蔔硫苷嘅化合物,佢可以加工成為一種叫做蘿蔔硫素嘅抗癌物質。蘿蔔硫素嘅前身係硫代葡萄糖苷[1],由芥子酶(Myrosinase)轉化成蘿蔔硫素,然而芥子酶係熱不安定性,高溫烹煮會破壞佢嘅活性,大量減少蘿蔔硫素嘅形成。
西蘭花亦係吲哚-3嘅一個好來源,吲哚-3係一種可以增強細胞DNA修復、阻止癌細胞生長嘅化學物質。喺芸苔屬嘅植物入面,西蘭花唔單只有最高水平嘅類胡蘿蔔素,佢重特別含有豐富嘅葉黃素,以及適量嘅β-胡蘿蔔素。但係西蘭花嘅抗癌作用會喺水煮後大大減弱,因為用水煮過嘅西蘭花,其中嘅抗癌元素(例如蘿蔔硫素)會大大減少,水煮5分鐘就會減少20-30%,而煮10分鐘後更加會損失40-50%,煮30分鐘後會損失77%。但係其它煮食方法例如蒸、微波、炒等等,對佢嘅抗癌化合物並冇顯著嘅破壞。
西蘭花苗
[編輯]西蘭花幼苗(英文:Baby Broccoli)嘅蘿蔔硫素含量係成熟西蘭花嘅30~50倍。有研究發現,生長到第五日嘅西蘭花苗擁有最高嘅活性蘿蔔硫素,蘿蔔硫素作為一種主要嘅抗氧化劑,本身會一直循環回收嚟利用,可以消滅成千上萬嘅自由基。
參考
[編輯]- 引用
- 書
- 薛聰賢 (2001年). 《《台灣蔬果實用百科第一輯》》 (中文). 薛聰賢出版社. ISBN 957-97452-1-8.
- Template:Cite isbn
- Template:Clref
- 資料庫
- 昆明植物研究所. "Brassica oleracea". 《《中国高等植物数据库全库》》. 中国科学院微生物研究所. 喺2009-02-24搵到.