鰓
閱讀設定
![](http://upload.wikimedia.org/wikipedia/commons/thumb/f/fd/Tuna_Gills_in_Situ_01.jpg/220px-Tuna_Gills_in_Situ_01.jpg)
![](http://upload.wikimedia.org/wikipedia/commons/thumb/e/e0/Smooth_Newt_larva_%28aka%29.jpg/220px-Smooth_Newt_larva_%28aka%29.jpg)
鰓係一種器官,好多水生動物都依靠佢將溶解喺水入面嘅氧氣吸收到血液。呢種呼吸方式叫鰓呼吸。
鰓俾一層好薄嘅、具有通透性嘅膜包住。血喺入面嘅血管或者係腔隙裏面流動,噉樣就可以盡可能同外界嘅水接觸。鰓嘅位置唔定:蠕蟲同埋蟹嘅鰓喺佢哋嘅肢體,貝殼動物嘅鰓就喺佢哋嘅外套腔中,魚嘅鰓喺鰓裂。大部分動物嘅鰓係裸露嘅,但都有啲係有皮膚保護嘅,或者係為某啲特別嘅結構保護(殼,外套,鰓蓋)。為咗增加同水接觸嘅面積,鰓嘅形狀有櫛狀,葉狀,樹狀和叢狀。鰓利用對流原則,即血液(血淋巴)流動嘅方向同水流動嘅方向相對,令啲血可以以最大限度補充氧氣。喺軟體動物中(例如貽貝),鰓重有過濾食物顆粒嘅功能。
好多水生動物同埋一啲喺潮濕空氣生活嘅陸上動物用鰓呼吸。好似蝸牛(肺螺亞綱除外),貝殼同其他軟體動物,多種「蠕蟲」,蟹等,而魚同埋兩棲動物嘅幼蟲(有些成蟲重會)係鰓呼吸嘅代表。
而用氣管呼吸嘅昆蟲,只有部分例外先至用鰓呼吸(部分重會同器官相連)。主要係蜻蜓、蜉蝣同部分雙翅目嘅水生幼蟲。
大部分用鰓呼吸嘅動物會喺水外嘅環境好快窒息而死,因為鰓葉極容易乾。噉亦會喺水中嘅氧氣耗盡而發生。
一啲魚類同蟹可以通過特別措施,例如將水重新補充氧氣而能夠較長時間脫水生活。