Hidraat
'n Hidraat is 'n chemiese verbinding wat die reaksieproduk van 'n ander verbinding met water is.
Regte hidrate
[wysig | wysig bron]![](http://upload.wikimedia.org/wikipedia/commons/thumb/3/35/Crystals_of_CuSO4_5H2O_2.jpg/220px-Crystals_of_CuSO4_5H2O_2.jpg)
Baie soute vorm een of meer hidrate. Die blou kristalle van kopersulfaat wat uit waterige oplossing gevorm word is die pentahidraat CuSO4·5H2O. By verhitting verloor dit water en vorm bokant 100 oC die trihidraat CuSO4·3H2O. Verder verhitting stel die monohidraat CuSO4·H2O vry en uiteindelik die wit anhidraat CuSO4 self.[1]
Kopersulfaat is 'n voorbeeld van 'n regte hidraat. In sy kristalstruktuur kan die watermolekule goed herken word. In die pentahidraat word die Cu2+-ioon deur die suurstofatome van die watermolekule omring. In die anhidraat behoort die suurstofligande aan die sulfaat-ione. Dit verklaar die verskil in kleur.
Anhidrate
[wysig | wysig bron]![](http://upload.wikimedia.org/wikipedia/commons/thumb/f/f1/Copper_sulfate_anhydrous.jpg/220px-Copper_sulfate_anhydrous.jpg)
Baie hidrate verloor hulle kristalwater by verhitting en dit stel hulle anhidrate vry. Kopersulfaat is 'n goeie voorbeeld.
Pseudo-hidrate
[wysig | wysig bron]Talle hidrate kan as X·nH2O geskryf word, maar binne hulle struktuur het die watermolekule ander spesies gevorm. 'n Goeie voorbeeld van sulke pseudo-hidrate is As2O5·4H2O wat in werklikheid 2H3AsO4·H2O is: 'n hidraat van arseensuur, nie van arseenoksied nie.[2]:112
Koolhidrate
[wysig | wysig bron]'n Groot groep organiese verbindings word koolhidrate genoem. Hulle stoigiometrie kan as Cn·nH2O geskryf word, maar in werkelikheid bevat hulle geen watermolekule nie. Die suurstofatome het 'n kovalente binding met die koolstofatome en is as alkohol-groepe aanwesig.
Gashidrate
[wysig | wysig bron]'n Besondere groep hidrate is die klatrate of gashidrate. Pleks van rondom ione is in hierdie verbindings die watermolekule as 'n deur waterstofbinding gevormde netwerk rondom neutrale molekule aanwesig. Die sentrale molekule kan 'n gas soos metaan verteenwoordig.[3]
Verwysings
[wysig | wysig bron]- ↑ MelScience
- ↑ Water in Crystalline Hydrates Aqueous Solutions of Simple Nonelectrolytes Felix Franks Springer Science & Business Media, 2013, ISBN 147576958X, 9781475769586
- ↑ Clathrate Hydrates of Natural Gases, Second Edition, Revised and Expanded, E. Dendy Sloan, Jr. CRC Press, 1998, ISBN 0824799372, ISBN 9780824799373