Netboek
Voorkoms
![](http://upload.wikimedia.org/wikipedia/commons/thumb/6/69/HP_2133_Mini-Note_PC_%28front_view_compare_with_pencil%29.jpg/220px-HP_2133_Mini-Note_PC_%28front_view_compare_with_pencil%29.jpg)
Die term netboek verwys na 'n kategorie ligte en kompakte skootrekenaars wat ontwerp is om hoofsaaklik as internet-kliënte te dien. Hulle verwerkingskrag en geheue is dan meestal ook beperk in vergelyking met groter skootrekenaars, en DVD- of CD-lesers kan vanweë hul klein afmetings nie ingebou word nie, maar lae verkooppryse het van netboeke gewilde basiese intreeklas-draagbare rekenaars gemaak.
Die eerste reeks netboeke, wat onder hierdie vakterm bemark is, is in 2007 deur die Nasionaal-Chinese vervaardiger Asus as Asus Eee PC op internasionale markte ingevoer. Intussen het tabletrekenaars en ultraboeke wesenlike mededingers geword.