Sharp PC-1500
Die Sharp PC-1500 was 'n sakrekenaar wat met 'n 8-bis SVE (sentraleverwerkingseenheid) en 8kB ingeboude geheue in 1982 op die mark gekom het. 'n Ekstra CE-155 8kB geheuemodule was as opgradering beskikbaar. Die programmeertaal was BASIC en dit het ook heelwat wetenskaplike funksies beheers. Later het 'n paar Duitse ingenieurs die sisteem geknak en ook 'n saamsteltaal daarvoor te koop aangebied. Die ontwerp was soortgelyk aan die Zylog Z80 SVE, maar alle elektroniese kringe was in CMOS-tegnologie uitgevoer om 'n klein stroomverbruik en dus 'n langer batterylewe te bied. Later het selfs die rekenaartaal, C, gevolg.
Die oorspronklike vervaardiger was Sharp, maar dit is ook in die VSA onder die naam TRS-80 PC-2 bemark. Die direkte opvolgmodel was die PC-1500A, wat selfs goedkoper was en meer geheue gehad het.
![](http://upload.wikimedia.org/wikipedia/commons/thumb/e/e5/Sharp_PC-1500_PocketComputer_01.jpg/500px-Sharp_PC-1500_PocketComputer_01.jpg)
![](http://upload.wikimedia.org/wikipedia/commons/thumb/1/15/Sharp_PC-1500_CE-155_Memory%288kB%29.jpg/150px-Sharp_PC-1500_CE-155_Memory%288kB%29.jpg)
![](http://upload.wikimedia.org/wikipedia/commons/thumb/1/1a/Sharp_PC-1500_LCD_Display.jpg/400px-Sharp_PC-1500_LCD_Display.jpg)
Tegniese gegewens
[wysig | wysig bron]- 26 alfanumeriese karakter vloeistofkristalvertoon, met 156x7 beeldelemente.
- Ingeboude luidspreker.
- Ingeboude intydse horlosie
- Uitbreidingspoort vir drukker en bandspeler, ens.
- Batterygleuf
- Aansluiting vir 'n eksterne kragbron (6V)
Toebehore
[wysig | wysig bron]- CE-150 Drukker/plotter en kassetkoppelvlak in reistas
- CE-155 (8kB) Geheuemodule/kassetslot
- CE-158 Serie- (RS-232C) en parallelkoppelvlakke met 4 herlaaibare (permanent ingeboude) NiCd-batterye (AA) as addisionele kragbron vir die rekenaar.
Verwante Sharp-sakrekenaars
[wysig | wysig bron]- Sharp PC-1210
- Sharp PC-1211
- Sharp PC-1251
- Sharp PC-1500
- Sharp PC-1500A met meer geheue
- Sharp PC-1501
- Sharp PC-1600 met meer geheue en 'n groter LCD-skerm met grafika
Voorbeeld van programmering in BASIC
[wysig | wysig bron]1 ARUN 10 5 REM "PC1500 VAT Program:" 10 INPUT "Prys: ";R 20 PRINT R;" ";V*R;" ";R*V*M 30 GOTO 10 40 END
'n PC-1500 spesiale afgekorte sintaks kan soos volg lyk:
20 PRINT R;" ";VR;" ";RVM
Gebruik van veranderlikes
[wysig | wysig bron]R = Rand-waarde aankoopprys
V = VAT (%/100) - (BTW) moet met die hand ingevoer word voor berekenings begin, bv.: V=1.15 (Enter)
M = Prysverhoging (%/100) - moet met die hand ingevoer word voor berekenings begin, bv.: M=1.15 (Enter)
Vertoon van die antwoorde is soos volg
[wysig | wysig bron]Antwoord1; Antwoord2; Antwoord3
Aankoopprys; BTW-prys; Verkoopsprys
Waarde: R; Waarde: R*V; Waarde: R*V*M
Beskrywing
[wysig | wysig bron]Reël 1 Die ARUN-bevel begin die program outomaties en gaan na reël 10 wanneer die rekenaar aangesit word.
Reël 5 Dit is die REMARK-stelling (gebruik om kommentaar in te voeg).
Reël 10 Die INPUT-bevel vra vir inset vanaf die gebruiker en stoor die waardes in die veranderlike "R".
Reël 20 Die PRINT-bevel vertoon die berekende resultate soos volg, bv.: 100 114 142.5. Die afgekorte skryfwyse is spesiaal vir PC-1500 toelaatbaar, omdat dit slegs enkelletter-plekhouers en matrikse kan verwerk. Dit spaar stoorplek!
Reël 30 Die GOTO-bevel laat die program terug spring na reël 10, om weer oor te kan begin
Reël 40 Die END-bevel is die laaste in die program, alhoewel dit hier nie eintlik nodig is nie, is dit korrek om dit tog te gebruik.
Eksterne skakels
[wysig | wysig bron]- Sharp programeerbare rekenaars (oorsig) (Engels: Sharp Programmables)
- PC1500 Spesifikasies (Engels: PC-1500 Data Sheet)