Teledrukker
![](http://upload.wikimedia.org/wikipedia/commons/thumb/0/02/Fernscheiber_01.jpg/220px-Fernscheiber_01.jpg)
![](http://upload.wikimedia.org/wikipedia/commons/thumb/8/89/WACsOperateTeletype.jpg/220px-WACsOperateTeletype.jpg)
'n Teledrukker (Engels: teletypewriter, teletype of TTY: TeleTYpe/TeleTYpewriter) is 'n verouderde elektro-meganiese tikmasjien. Die term "telex" kan verwys na die diens, die netwerk, die teledrukker toestelle of die boodskap. Teks wat op 'n teledrukker ingesleutel word, word elders op 'n papierband uitgedruk. Sedert die 1920's het die teledrukker geleidelik Morsekode vervang. Teledrukkers is algemeen deur regerings en tydens militêre operasies gebruik om boodskappe en opdragte oor 'n afstand te versend. Kommunikasie tussen punte is op verskeie maniere bewerkstellig, onder andere deur elektriese verbindings oor telegraafpale, mikrogolfkommunikasie, ens. Die teledrukker is in die 1980's gerekenariseer (sien rekenaarterminaal en rekenaardrukker). Dit is egter gou deur die faksmasjien vervang.
Eksterne skakels
[wysig | wysig bron]![]() |
Wikimedia Commons bevat media in verband met Teleprinter. |