Annalena Baerbock
![](http://upload.wikimedia.org/wikipedia/commons/thumb/3/39/2021-12-07_Unterzeichnung_des_Koalitionsvertrages_der_20._Wahlperiode_des_Bundestages_by_Sandro_Halank%E2%80%93076.jpg/220px-2021-12-07_Unterzeichnung_des_Koalitionsvertrages_der_20._Wahlperiode_des_Bundestages_by_Sandro_Halank%E2%80%93076.jpg)
![Unterschrift vu dr Annalena Baerbock](http://upload.wikimedia.org/wikipedia/commons/thumb/9/99/Annalena_Baerbock_Signature.svg/220px-Annalena_Baerbock_Signature.svg.png)
D Annalena Charlotte Alma Baerbock (* 15. Dezämber 1980 z Hannover) isch e dytschi Bolitikeri (Bindnis 90/Di Griene). Syt em 8. Dezämber 2021 isch si Bundesminischteri vum Uuswärtige im Kabinett Scholz.
Vu Jänner 2018 bis Februar 2022 isch si näb em Robert Habeck Bundesvorsitzeri vu dr Griene gsii. Am 19. April 2021 isch si vum Bundesvorstand vu dr Griene as Chanzlerkandidati un zäme mit em Habeck as Spitzekandidati fir d Bundesdagswahl 2021 vorgschlaa wore.
D Baerbock isch syter anne 2013 Mitglid vum Dytsche Bundesdag. Vu 2012 bis 2015 isch si Mitglid vum Barteirot vu Bindnis 90/Di Griene un vu 2009 bis 2013 Vorsitzeri vum Landesverband Brandeburg gsii. Bolitisch ghert si zum „Realo“-Fligel vu ihre Bartei.[1]
Lääbe un Beruef
[ändere | Quälltäxt bearbeite]D Annalena Baerbock isch as Dochter vun ere Sozialpedagogi un eme Maschineböuingenieur z Hannover uf d Wält chuu.[2] Ase chlai het si ne Zyt lang z Nürnberg gläbt.[3] Anne 1985[4] isch iri Familie mit ere uf Pattensen bi Hannover zoge, wu si mit zwoo Schweschtere un zwoo Kusyne in eme ehmolige Buurehuus im Ortsdail Schulenburg ufgwagse isch.[5]
Si isch z Hannover uf d Humboldtschuel gange.[6][7] In ihre Schuelzyt isch si Klassesprächeri gsii un het fir e Schuelerzytig gschribe.[8] Im Alter vu 16 Johr isch si ai Johr lang uf ere Schuel im US-Bundesstaat Florida gsii[9]
D Baerbock het Trampolingumpe as Laischtigssport dribe.[10]
Scho as Chind het si Greenpeace gferderet.[8] In ihre Juged het si welle Chriegsreporteri gee un het vor ihrem Wächsel in d Boltik au as Schurnalischti gschafft.[8] S Thema Chrieg un Fride isch s au gsii, wu si derzue brocht het, bi dr Griene yyzdrätte.[8] As studierti Velkerrächtleri het si si bsundersch mit em Kosovochrieg persenli stark uusenandergsetzt.[8] Doderby het si si no aigene Aagobe vor allem d Frog gstellt, eb Handle (z. B. Uuslandsyysätz vu dr Bundeswehr) oder Nithandle in Chriegssituatione di besser Lesig sei.[8]
Noch em Abitur het si vu 2000 bis 2004 Bolitikwisseschaft un effetli Rächt an dr Universität Hamburg studiert un mit eme Bachelor abgschlosse. Vu 2004 bis 2005 het si Velkerrächt an dr London School of Economics studierte un mit eme Master in Public International Law (LL.M.) abgschlosse. In ihre Zyt z Ängland het si d Terroraaschleg am 7. Juli 2005 z London erläbt.[8]
Vu 2005 bis 2008 isch si Mitarbaiteri vu dr Europaabgordnete Elisabeth Schroedter un vu 2008 bis 2009 Referänti fir Usse- un Sicherhaitsbolitik vu dr Bundesdagsfraktion vu Bindnis 90/Di Griene gsii. Anne 2009 het si an dr FU Berlin ihri Promotion in Velkerrächt aagfange, wu syter 2013 ruet.
D Baerbock isch dur e Praktikum uf Brandeburg chuu, wu si au ihre spetere Mann chänneglehrt ghaa het.[8] Si isch syt 2007[11] ghyrote mit em Bolitikberoter un PR-Manager Daniel Holefleisch (* 1973).[12][13] S Baar läbt mit syne boode Dechtere (* 2011, * 2015)[14] z Potsdam.[12][15]
Bolitik
[ändere | Quälltäxt bearbeite]Bartei
[ändere | Quälltäxt bearbeite]![](http://upload.wikimedia.org/wikipedia/commons/thumb/a/ad/Politischer_Aschermittwoch_2018_mit_Annalena_Baerbock.jpeg/220px-Politischer_Aschermittwoch_2018_mit_Annalena_Baerbock.jpeg)
D Baerbock isch syter anne 2005 Mitglid vu Bindnis 90/Di Griene. Vu 2008 bis 2013 isch si Sprächeri vu dr Bundesarbetsgmainschaft Europa gsii, ab Oktober 2008 het si em Brandeburger Landesvorstand vu dr Bartei aaghert. Am 14. Novämber 2009 isch d Baerbock näb em Benjamin Raschke zue aire vu zwai glychbrächtigte Vorsitzenrne vum Landesverband Brandeburg gwehlt wore.
Si isch vu bis Novämber 2012 Vorstandsmitglid vu dr Europäischen Griene Bartei gsii un het vu Novämber 2012 bis Novämber 2015 em 16-chepfige Barteirot vu Bindnis 90/Di Griene aaghert.[16][17] No ihrem Yyzug in Bundesdag het si uf dr Landesdelegiertekumferänz im Novämber 2013 nimi fir s Amt vu dr Landesvorsitzeri kandidiert.
No dr Bundesdagswahl 2017 isch d Baerbock Mitglid vum Sondierigsteam vu Bindnis 90/Di Griene fir e megligi Jamaika-Koalition mit dr CDU/CSU un dr FDP un do Mitglid vu dr Sondierigsgruppe fir d Bolitikfälder Europa, Klima/Energy/Umwält un Landwirtschaft/Verbruucherschutz gsii.[18]
D Baerbock isch am 27. Jänner 2018 uf dr Bundesdelegiertekumferänz z Hannover näb em Robert Habeck zur Barteivorsitzeri gwehlt wore. Si het si gege d Anja Piel vum linke Barteifligel mit 64 % vu dr Stimme duregsetzt un giltet wie au dr Habeck as „Realo“. Ass jetz baidi Sitz vum glyche Fligel bsetzt wore sin, isch e Novum gsii, wel syt dr 1980er Johr dr Barteivorsitz alliwyl zwische dr baide Lager ufdailt gsii isch. Baidi sträben aber e pragmatischi Positionierig unabhängig vu däre Fligellogik aa. Uf em Barteidag am 16. Novämber 2019 isch s Duo nomol fir zwai Johr im Amt bstetigt wore, d Baerbock mit 97,1 %.[19] Im Februar 2022 sin sii un dr Robert Habeck vu dr Ricarda Lang un em Omid Nouripour in däne Posizione abglest wore.
Abgordneti
[ändere | Quälltäxt bearbeite]![](http://upload.wikimedia.org/wikipedia/commons/thumb/1/1d/Annalena_Baerbock_%28Wahlkampfveranstaltung_2013%29.jpg/220px-Annalena_Baerbock_%28Wahlkampfveranstaltung_2013%29.jpg)
Bi dr Bundesdagswahl 2009 het d Baerbock as Diräktkandidati im Bundesdagswahlchrais Frankfurt (Oder) – Oder-Spree un uf em Lischteblatz 3 vu dr Brandeburger Landeslischt vu dr Griene kandidiert, isch aber nit gwehlt wore.
Am 26. Jänner 2013 isch d Baerbock zur Diräktkandidati fir dr Bundesdagswahlchrais Potsdam – Potsdam-Mittelmark II – Teltow-Fläming II zur Bundesdagswahl 2013 gwehlt wore. Mit 87,9 Brozänt isch si derzue bi dr griene Landesdelegiertekumferänz am 2. Merz z Potsdam zur Spitzekandidati vu ihre Bartei gwehlt wore.[20] Mit 7,2 % vu dr Erschtstimme in ihrem Bundesdagswahlchrais[21] isch si iber d Landeslischt vu Bindnis 90/Di Griene in Bundesdag yyzoge.
In ihre erschte Legislatur im Bundesdag (2013–2017) isch d Baerbock klimabolitischi Sprächeri vu dr Bundesdagsfraktion vu Bindnis 90/Di Griene un Mirtglid vum Uusschuss fir Wirtschaft un Energy un vum Uusschuss fir d Aaglägehaite vu dr Europäische Union un au stellverdrättend Mitglid im Umwältuusschuss gsii. In dr Legislaturperiod 2013–2017 isch d Baerbock derzue au Mitglid vu dr dytsch-polnische Barlemäntariergruppe, stellverdrättendio Vorsitzeri vum Fryndeschrais Berlin–Taipeh un stellverdrättend Mitglid vu dr Barlemäntarische Versammlig vum Europarot.
Am 26. Novämber 2016 isch d Baerbock mit 99 Brozänt uf dr griene Delegiertekumferänz z Potsdam zur Spitzekandidati vu ihre Bartei zur Bundesdagswahl 2017 gwehlt wore.[22] Am 23. Jänner 2017 isch si au zue dr Diräktkandidati vu dr Bindnis 90/Di Griene Brandeburg im Bundesdagswahlchrais Potsdam – Potsdam-Mittelmark II – Teltow-Fläming II gwehlt wore.[23] Bi dr Bundesdagswahl 2017 isch d Baerbock uf 8,0 % vu dr Erschtstimme in ihrem Wahlchrais chuu[24] un isch wider iber d Landeslischt in Bundesdag yyzoge.
Am 19. April 2021 hän d Annalena Baerbock un dr Robert Habeck verchindet, ass d Baerbock as Chanzlerkandidati im Bundesdagswahlkampf 2021 nominiert isch.[25] Formal mueß des no uf em Barteitag vum 11. bis 13. Juni bstetigt wäre.[26]
D Baerbock isch im Bundesdagswahlkrais Potsdam – Potsdam-Mittelmark II – Teltow-Fläming II gege dr SPD-Chanzlerkandidat Olaf Scholz un di ehmolig FDP-Generalsekreteri Linda Teuteberg um s Diräktmandat aadrätte. Dr Scholz het s Diräktmandat mit 34,0 % vu dr Stimme vor dr Baerbock mit 18,8 % gwunne.[27][28] Si isch druf iber dr erscht Blatz vu dr Brandeburger Landeslischt in 20. Dytsche Bundesdag yyzoge.
Bundesminischteri vum Uuswärtige (syt 2021)
[ändere | Quälltäxt bearbeite]Uf Vorschlag vum Bundeschanzler Olaf Scholz het dr Bundesbresidänt Frank-Walter Steinmeier d Baerbock am 8. Dezämber 2021 zur Bundesminischteri vum Uuswärtige im Kabinett Scholz ernännt. Vizechanzler isch dr nei Minischter fir Wirtschaft un Klimaschutz, Robert Habeck, wore.[29][30]
Engaschmänt
[ändere | Quälltäxt bearbeite]Im April 2016 het d Baerbock e Burgschaft fir di legal Yyrais vun eme syrische Chriegsflichtling ibernuu im Rame vu dr Inititative vu dr „Flüchtlingspaten Syrien“.[31] Si isch Vorsitzeri vum Verain Hand in Hand Potsdam e. V., wu si Mänsche in dr Flichtlingshilf engaschiere. D Baerbock isch derzue au Mitglid in dr iberbarteilige „Europa-Union Deutschland“.[32]
Weblink
[ändere | Quälltäxt bearbeite]![](http://upload.wikimedia.org/wikipedia/commons/thumb/4/4a/Commons-logo.svg/12px-Commons-logo.svg.png)
- Websyte vu dr Annalena Baerbock
- Völkerrechtlerin aus Potsdam: Annalena Baerbock, Websyte vum Dytsche Bundesdag, 1. Dezämber 2014
- Biographie beim Deutschen Bundestag
- Annalena Baerbock uf abgeordnetenwatch.de
- Parteigremien neu gewählt, Websyte vu Bindnis 90/Di Griene vum 19. Oktober 2013
Fueßnote
[ändere | Quälltäxt bearbeite]- ↑ Habeck will Grünen-Chef werden. In: tagesschau.de. 10. Dezember 2017, abgruefen am 17. Dezember 2017.
- ↑ Beate Tenfelde: Köpfe des Jahres: Annalena Baerbock, der heimliche Star der Grünen. In: noz.de. 31. Dezember 2019, abgruefen am 19. April 2021.
- ↑ Annalena Baerbock: Die mit den Grünen tanzt. In: nordbayern.de. 20. April 2021, abgruefen am 22. April 2021.
- ↑ Mark Bode und Simon Benne: Annalena Baerbock: Die Kanzlerkandidatin aus Pattensen. In: haz.de. 19. April 2021, abgruefen am 27. April 2021.
- ↑ Jan Rosenkranz: „Bei jedem Sprung, den man neu lernt, weiss man nicht, ob man auf dem Kopf oder auf den Füssen landet“. In: stern. Nr. 17, 22. April 2021, S. 27.
- ↑ Annalena Baerbock. Archiviert vom Original am 9. Januar 2019; abgruefen am 8. Januar 2019.
- ↑ Frisches Grün aus Brandenburg: Annalena Baerbock startet durch. Archiviert vom Original am 30. Oktober 2018; abgruefen am 8. Januar 2019.
- ↑ 8,0 8,1 8,2 8,3 8,4 8,5 8,6 8,7 Interview mit dr Annalena Baerbock, Jung & Naiv, Folg 371.
- ↑ "Ankommen ist das eine, Heimischwerden das andere"
- ↑ „Ich bin leidenschaftliche Europäerin“. Archiviert vom Original am 13. Dezember 2018; abgruefen am 8. Januar 2019.
- ↑ Der Spiegel Nr. 17 vom 24. April 2021, S. 22.
- ↑ 12,0 12,1 Birgit Marschall: Das Machtsystem der Grünen-Doppelspitze. In: Politik & Kommunikation Nr. 128, politik-kommunikation.de. 18. Mai 2018, abgruefen am 18. November 2019.
- ↑ Berliner Bühne: Der „Kloppo“ der Grünen. In: rp-online.de. 13. September 2011, abgruefen am 18. November 2019.
- ↑ Für ihre Töchter. In: tagesspiegel.de. 12. Dezember 2017, abgruefen am 18. November 2019.
- ↑ Thorsten Metzner: Annalena Baerbock, Grüne. In: Der Tagesspiegel. 20. Oktober 2013, abgruefen am 18. November 2019.
- ↑ Parteirat, 0 Websyte vu „Bindnis 90/Di Griene“, 8. Mai 2011. Archivversion vum 11. Februar 2013
- ↑ Parteigremien neu gewählt. (Memento vom 20. Juni 2018 im Internet Archive) Websyte von „Bindnis 90/Di Griene“, 19. Oktober 2013.
- ↑ Sondierungsgespräche: Termine, Themen, Ergebnisse. (Memento vom 13. Dezämber 2018 im Internet Archive) Websyte vu „Bindnis 90/Di Griene“, 5. Oktober 2017.
- ↑ Baerbock und Habeck als Grünen-Spitzenduo wiedergewählt – mit starken Ergebnissen. In: Spiegel Online. 16. November 2019, abgruefen am 16. April 2021.
- ↑ Landesverband Brandenburg: LDK in Potsdam 2013. Grüne Brandenburg, 2. März 2017, archiviert vom Original am 12. April 2013; abgruefen am 17. Dezember 2017.
- ↑ Bundestagswahl 2013: Wahlkreis 61: Ergebnisse Potsdam – Potsdam-Mittelmark II – Teltow-Fläming II. (Memento vom 19. März 2019 im Internet Archive) Bundeswahllaiter, abgruefen am 17. Dezämber 2017.
- ↑ Märkische Allgemeine, 26. Novämber 2016, S. 10.
- ↑ Annalena Baerbock als grüne Direktkandidatin gewählt. Die Grünen: Kreisverband Potsdam, 23. Januar 2017, abgruefen am 17. Dezember 2017.
- ↑ Bundestagswahl 2017: Wahlkreis 61: Ergebnisse Potsdam – Potsdam-Mittelmark II – Teltow-Fläming II. (Memento vom 9. Dezämber 2018 im Internet Archive) Bundeswahllaiter, abgruefen am 17. Dezämber 2017.
- ↑ Annalena Baerbock wird erste Kanzlerkandidatin der Grünen, NDR, 19. April 2021
- ↑ Baerbock soll Kanzlerkandidatin der Grünen werden. In: spiegel online. 19. April 2021, abgruefen am 19. April 2021.
- ↑ Kampf um Potsdam: Scholz holt Direktmandat im Duell gegen Baerbock. In: Der Spiegel. 26. September 2021, ISSN 2195-1349 (spiegel.de [abgerufen am 27. September 2021]).
- ↑ Ergebnisse Potsdam – Potsdam-Mittelmark II – Teltow-Fläming II – Der Bundeswahlleiter. Abgruefen am 27. September 2021.
- ↑ Helene Burowski: Grüne wollen Habeck als Vizekanzler. In: Frankfurter Allgemeine Zeitung. 27. September 2021, abgruefen am 9. Dezember 2021.
- ↑ Das ist das Ampel-Kabinett. In: ZDF. 8. Dezember 2021, abgruefen am 9. Dezember 2021.
- ↑ Verpflichtungsgeber: Namen und Gesichter. (Memento vom 13. Dezämber 2018 im Internet Archive) Websyte vu „Flüchtlingspaten Syrien e. V.“, abgruefen am 17. Dezämber 2017 (Statement vu dr Baerbock).
- ↑ Annalena Baerbock uf dr Websyte vu dr Europa-Union
![]() |
Dä Artikel basiert uff ere fräie Übersetzig vu dere Version vum Artikel „Annalena_Baerbock“ vu de dütsche Wikipedia. E Liste vu de Autore un Versione isch do z finde. |