Adelaida de Lippe-Biesterfeld
Adelaida de Lippe-Biesterfeld![]() | |
---|---|
![]() | |
Vida | |
Nacimientu | Oberkassel, 22 de xunu de 1870[1] |
Nacionalidá |
![]() |
Muerte | Detmold, 3 de setiembre de 1948[1] (78 años) |
Sepultura |
Christuskirche (en) ![]() |
Familia | |
Padre | Ernesto II de Lippe-Biesterfeld |
Madre | Karoline of Wartensleben |
Casada con |
Prince Friedrich of Saxe-Meiningen (es) ![]() |
Fíos/es | |
Hermanos/es | |
Pueblu |
Casa de Lippe (es) ![]() |
Estudios | |
Llingües falaes | alemán |
Oficiu | aristócrata |
Creencies | |
Relixón | luteranismu |
![]() |
La Condesa Adelaida de Lippe-Biesterfeld (22 de xunu de 1870, Oberkassel – 3 de setiembre de 1948, Detmold) yera la mayor de los fíos del Conde Ernesto II de Lippe-Biesterfeld y la Condesa Carolina de Wartensleben.[4]
Familia y primeros años
[editar | editar la fonte]![](http://upload.wikimedia.org/wikipedia/commons/thumb/b/b9/Grafregent_Ernst_zur_Lippe-Biesterfeld_mit_seinen_T%C3%B6chtern.jpg/170px-Grafregent_Ernst_zur_Lippe-Biesterfeld_mit_seinen_T%C3%B6chtern.jpg)
Adelaida nació'l 22 de xunu de 22 de 1870 del Conde Ernesto II de Lippe-Biesterfeld y la so esposa, la Condesa Carolina de Wartensleben.
Dempués de la muerte del Príncipe Valdemar de Lippe en 1895, los sos padres viéronse arreyaos nuna disputa de rexencia y socesión sobre'l principáu de Lippe. Anque l'hermanu menor de Valdermar, Alejandro, asocedió nel principáu, yera incapaz de gobernar por cuenta de una enfermedá mental. De resultes, dos rames de la Casa de Lippe enfrentáronse sobre los derechos de rexencia. Foi escoyíu'l Príncipe Adolfo de Schaumburg-Lippe, cuñáu del emperador alemán Guillermu II, pero otra deliberación dexó a Ernesto convertise en rexente de Lippe-Detmold el 17 de xunetu de 1897.
Matrimoniu y fíos
[editar | editar la fonte]En Neudorf, Adelaida casóse col Príncipe Federico Juan de Saxonia-Meiningen, un fíu menor del Duque Xurde II de Saxonia-Meiningen, el 24 d'abril de 1889.[4][5] Tuvieron los siguientes fíos:
Nome | Nacencia | Muerte | Notes |
---|---|---|---|
Feodora Carola Carlota María Adelaida Augusta Matilde | 29 de mayu de 1890 | 12 de marzu de 1972 | Casó'l 21 de xineru de 1910 al Gran Duque Guillermo Ernesto de Saxonia-Weimar-Eisenach. |
Adelaida Erna Carolina María Isabel | 16 d'agostu de 1891 | 25 d'abril de 1971 | Casó'l 3 d'agostu de 1914 al Príncipe Adalberto de Prusia. |
Jorge de Saxonia-Meiningen | 11 d'ochobre de 1892[5] | 6 de xineru de 1946 | Morrió como prisioneru de guerra nun campu en Cherepovets, Xunión Soviética; casó a la Condesa Clara-María de Korff genannt Schmising-Kerssenbrock; tuvo descendencia, incluyendo a la Princesa Regina de Saxonia-Meiningen, esposa del Príncipe herederu Otón d'Austria. |
Ernesto Leopoldo Federico Guillermo Otón | 23 de setiembre de 1895[5] | 17 d'agostu de 1914 | Morrió en combate, cerca de Maubeuge, Francia. |
Luisa María Isabel Matilde Elena Catalina | 13 de marzu de 1899 | 14 de febreru de 1985 | Casó'l 25 d'ochobre de 1936 en Götz, Freiherr von Wangenheim |
Bernardo de Saxonia-Meiningen | 30 de xunu de 1901 | 4 d'ochobre de 1984 | Casó en primeres nupcias a Margot Grössler (morganáticu) y en segundes nupcias a la Baronesa Vera Schäffer de Bernstein (matrimoniu ente iguales) |
Papel na disputa pola socesión de Lippe
[editar | editar la fonte]Dos rama de la Casa de Lippe aldericaron sobre los derechos socesorios sobre'l principáu de Lippe-Detmold.[6]
Como la bisagüela de Adelaida yera un miembru de la pequeña nobleza, la reclamación de la so familia como familia real foi cuestionada.[6] Esta reclamación amenació la socesión sobre'l Ducáu de Saxonia-Meiningen, una y bones Adelaida contraxera matrimoniu col presuntu herederu del Ducáu, Bernardo III; si'l so padre yera consideráu de estatus inferior al real, podría deducise que la so propia reclamación pal Ducáu de Saxonia-Meiningen nun yera de estatus abondu pa la familia del so home.[7]
Títulos y estilos
[editar | editar la fonte]- 22 de xunu de 1870 - 24 d'abril de 1889: La so Alteza Condesa Adelaida de Lippe-Biesterfeld
- 24 d'abril de 1889 - 3 de setiembre de 1948: La so Alteza Princesa Adelaida de Saxonia-Meiningen
Ancestros
[editar | editar la fonte]Referencies
[editar | editar la fonte]- ↑ 1,0 1,1 Afirmao en: The Peerage. Identificador de persona en The Peerage: p10385.htm#i103843. Apaez como: Adelheid Karoline Prinzessin zur Lippe-Biesterfeld. Data de consulta: 9 ochobre 2017. Autor: Darryl Lundy. Llingua de la obra o nome: inglés.
- ↑ Identificador de persona en The Peerage: p10385.htm#i103843. Data de consulta: 7 agostu 2020.
- ↑ 3,0 3,1 3,2 Afirmao en: The Peerage. Llingua de la obra o nome: inglés. Autor: Darryl Lundy.
- ↑ 4,0 4,1 Lundy, Darryl. «The Peerage: Adelheid Karoline Prinzessin zur Lippe-Biesterfeld». Consultáu'l 13 de payares de 2010.
- ↑ 5,0 5,1 5,2 Paxton, John (1900). Macmillan and Co: The Statesman's year-book, Volume 37.
- ↑ 6,0 6,1 «Non Title», The New York Times (Berlin), 8 d'ochobre de 1904, https://query.nytimes.com/mem/archive-free/pdf?res=F50816F7345Y12738DDDA00894D8415B848CF1D3
- ↑ «The Kaiser and the Lippes», The New York Times (Berlin), 26 de xunetu de 1898, https://query.nytimes.com/mem/archive-free/pdf?res=F30610F73C5C11738DDDAE0894D0405B8885F0D3
Enllaces esternos
[editar | editar la fonte]- «Adelaida de Lippe-Biesterfeld». en Find a Grave. (n'inglés)