Lantánidu
Los lantánidos o tierres rares (nomaos asina por atopase en forma d'óxidos) son una serie química que formen parte del periodu 6 de la tabla periódica. Xunto colos actínidos formen el grupu de los elementos de transición interna.
57 La |
58 Ce |
59 Pr |
60 Nd |
61 Pm |
62 Sm |
63 Eu |
64 Gd |
65 Tb |
66 Dy |
67 Ho |
68 Er |
69 Tm |
70 Yb |
71 Lu |
El nome vien-y del elementu químicu lantanu, que suel inxerise dientro d'esti grupu, magar que nun tenga electrones ocupando nengún orbital f como'l restu de los elementos d'esta serie. Estos son:
![](http://upload.wikimedia.org/wikipedia/commons/9/90/Tabla-lant%C3%A1nidos.png)
- Lantanu (57)
- Ceriu (58)
- Praseodimiu (59)
- Neodimiu (60)
- Prometiu (61)
- Samariu (62)
- Europiu (63)
- Gadoliniu (64)
- Terbiu(65)
- Disprosiu (66)
- Holmiu (67)
- Erbiu (68)
- Tuliu (69)
- Iterbiu (70)
- Luteciu (71)
Estos elementos son químicamente bastante apaecíos ente sigo pol mor de que los electrones allugaos n'orbitales f son poco importantes nos enllaces que se formen, en comparanza colos p y d. Tamién son bastante apaecíos a estos l'itriu y l'escandiu, del grupu 3, yá que tienen un radiu asemeyáu y el so estáu d'oxidación más importante tamién ye'l +3. Los lantánidos amás presenten los estaos +2 y +4.
L'abondanza d'estos elementos na corteya terrestre ye relativamente alta, en minerales como por exemplu la monazita, nel que s'atopen distintos lantánidos y itriu.
El radiu de los lantánidos va amenorgando según aumenta'l númberu atómicu; nun son variances grandes, pero van acumulándose. Esto fai que los elementos del bloque d de la segunda y tercer serie de transición presenten radios asemeyaos dientro d'un grupu: habríen aumentar al baxar nel grupu, pero al tar intercalaos los lantánidos, esti aumentu nel radiu vese contrarrestáu pol amenorgamientu'l radiu per aciu de los lantánidos. Esti fenómenu conozse como contraición de los lantánidos.
Referencies
[editar | editar la fonte]Enllaces esternos
[editar | editar la fonte]- USGS Rare Earths Statistics and Information (n'inglés)
Elementos químicos |
Llistaos |
Nome | Símbolu | Númberu atómicu | Masa atómica | Puntu de fusión | Puntu d'ebullición | Densidá |
Grupos |
1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 |
Periodos |
1 | 2 | 3 | 4 | 5 | 6 | 7 |
Series |
Alcalinos | Alcalinotérreos | Lantánidos | Actínidos | Metales de transición | Metales del bloque p | Metaloides | Non metales | Halóxenos | Gases nobles |
Bloques |
bloque s | bloque p | bloque d | bloque f | bloque g |