Аўстралійскі нацыянальны ўніверсітэт

Аўстралійскі нацыянальны ўніверсітэт
англ.: Australian National University
Арыгінальная назва	англ.: Australian National University
Дэвіз	лацінская мова
Заснаваны	1946
Студэнты	17 380
Краіна	Аўстралія
Размяшчэнне	Канбера, Аўстралія
Сайт	anu.edu.au
Медыяфайлы на Вікісховішчы

Аўстралійскі нацыянальны ўніверсітэт (англ.: Australian National University) — аўстралійская дзяржаўная вышэйшая навучальная ўстанова са статусам даследчага ўніверсітэта, якая месціцца ў горадзе Канбера.

Агульная характарыстыка

Галоўны кампус уключае ў сябе сем навучальных і даследчых каледжаў у дадатак да некалькіх нацыянальных акадэмій і інстытутаў. Заснаваны ў 1946 годзе, універсітэт з'яўляецца адзіным універсітэтам, які быў створаны парламентам Аўстраліі. Ён вядзе сваё паходжанне ад Канберскага ўніверсітэцкага каледжа, які быў створаны ў 1929 годзе і быў інтэграваны ў Аўстралійскі нацыянальны ўніверсітэт ў 1960 годзе. Ён налічвае шэсць лаўрэатаў Нобелеўскай прэміі і 49 стыпендыятаў Родса сярод сваіх выкладчыкаў і выпускнікоў. Універсітэт падрыхтаваў двух прэм'ер-міністраў і больш за дзясятак кіраўнікоў урадавых ведамстваў Аўстраліі.

Структура

• Каледж мастацтваў і сацыяльных навук
• Каледж Азіі і Ціхага акіяна
• Каледж бізнесу і эканомікі
• Каледж інжынерыі, камп'ютарнай тэхнікі і кібернетыкі
• Каледж здароўя і медыцыны
• Каледж права
• Каледж прыродазнаўчых навук

Спасылкі

• На Вікісховішчы ёсць медыяфайлы па тэме Аўстралійскі нацыянальны ўніверсітэт
• Афіцыйная інтэрнэт-старонка ўстановы