Еўрапейская кінаакадэмія
Еўрапейская кінаакадэмія (англ.: European Film Academy, EFA) была заснавана ў 1988 годзе ў Берліне па ініцыятыве еўрапейскіх кінарэжысёраў для прасоўвання еўрапейскага кінематографа ў свеце. Акадэмія вядома сваёй штогадовай прэміяй.
Гісторыя
[правіць | правіць зыходнік]![](http://upload.wikimedia.org/wikipedia/commons/thumb/a/a6/Ingmar_Bergman_1957.jpg/170px-Ingmar_Bergman_1957.jpg)
У 1988 годзе акадэмію пад назвай Еўрапейскае кінематаграфічнае таварыства афіцыйна зарэгістраваў яго першы прэзідэнт, шведскі рэжысёр Інгмар Бергман разам з 40 кінавытворцамі з усёй Еўропы з мэтай садзейнічання ў прасоўванні еўрапейскага кінематаграфічнага мастацтва ва ўсім свеце і для падтрымкі інтарэсаў еўрапейскай кінавытворчасці. Першым старшынёй таварыства быў абраны Вім Вендэрс. Двума гадамі пазней Еўрапейскае кінематаграфічнае таварыства было перайменавана ў Еўрапейскую кінаакадэмію (англ.: European Film Academy, EFA), якая была зарэгістравана як некамерцыйная арганізацыя.
У 1996 годзе Інгмар Бергман перадаў прэзідэнцтва Віму Вендэрсу, а новым старшынёй стаў брытанскі прадзюсар Нік Паўэл. Бягучым старшынёй EFA з’яўляецца польскі кінарэжысёр і сцэнарыст Агнешка Холанд[1].
Рада
[правіць | правіць зыходнік]На 2017 год Еўрапейская кінаакадэмія мае наступны склад рады: [2]
- Прэзідэнт: Вім Вендэрс
- Старшыня: Агнешка Холанд
- Намеснікі старшыні: Майк Даўні, Антоніа Саура
- Сябры рады: Фрэнсіс Б’еспфлуг, Àngela Bosch Rius, Раберта Чыкута, Цільдэ Корсі, Хелена Даніэльсан, Ілан Джырард, Angeles Gonzáles-Sinde, Ванэса Хенеман, Хенінг Кам, Лінда Майлс, Рэбэка О’Браен, Ева Пушчынска, Марэк Разенбаўм, Ада Саламон, Іра фон Гінант, Кшыштаф Занусі
- Ганаровыя сябры рады: Бен Кінгслі, Душан Макавееў, Іштван Сабо
Членства ў акадэміі паводле краін
[правіць | правіць зыходнік]Да сярэдзіны 1990-ых гадоў колькасць сяброў кінаакадэміі была фіксаваная і складала 99 чалавек. У 1996 годзе было прынята рашэнне адкрыць кінаакадэмію для большай колькасці ўдзельнікаў[1]. Гэта прывяло да таго, што цягам наступных дзесяцігоддзяў колькасць кінаакадэмікаў пастаянна павялічвалася і ўрэшце дасягнула некалькіх тысяч. На 16 студзеня 2018 года сябрамі акадэміі з’яўляюцца 3339 чалавек. Гэта прадстаўнікі наступных краін: [3][4]
|
Сябрамі акадэміі з’яўляюцца чацвёра прадстаўнікоў Беларусі: кінарэжысёры Віктар Аслюк і Віктар Дашук, актрыса Яна Новікава і прадзюсар Вольга Чайкоўская.[3]
Еўрапейская кінапрэмія
[правіць | правіць зыходнік]![](http://upload.wikimedia.org/wikipedia/be/thumb/f/f6/European_Film_Awards_statue.png/60px-European_Film_Awards_statue.png)
Штогадовая цырымонія ўзнагароджання Еўрапейскай кінапрэміяй (якая да 1996 года насіла назву «Фелікс») з’яўляецца галоўным мерапрыемствам, сярод тых, што праводзіць акадэмія. Цырымонія зазвычай адбываецца ў пачатку снежня ў адным з гарадоў Еўропы (часцей за ўсё ў Германіі). Першая цырымонія ўручэння прэміі сімвалічным чынам была праведзена ў Заходнім Берліне 26 лістапада 1988 года. Да ўдзелу дапускаюцца толькі еўрапейскія фільмы, рэжысёры і г.д.
Зноскі
- ↑ а б The European Film Academy: History (англ.). Праверана 18 верасня 2017.
- ↑ The European Film Academy: Staff and Structure (англ.)(недаступная спасылка). Архівавана з першакрыніцы 11 лютага 2016. Праверана 10 верасня 2017.
- ↑ а б The European Film Academy: Members (англ.)(недаступная спасылка). Архівавана з першакрыніцы 15 верасня 2017. Праверана 16 студзеня 2018.
- ↑ [CMD=perCountry The European Film Academy: Members] (англ.). Праверана 16 студзеня 2018.
Спасылкі
[правіць | правіць зыходнік]- Афіцыйны сайт Еўрапейскай кінаакадэміі (англ.). Праверана 18 верасня 2017.