Nokia
Nokia | |
---|---|
![]() | |
![]() | |
Тып | Публічная кампанія |
Лістынг на біржы | NYSE: NOK |
Заснаванне | 12 мая 1865 |
Заснавальнікі | Fredrik Idestam[d] і Leo Mechelin[d] |
Краіна | |
Размяшчэнне |
![]() |
Адрас | |
Галіна | Вытворчасць тэлекамунікацыйнага абсталявання, IT-індустрыя |
Прадукцыя | абсталяванне для сетак GSM, бесправадныя сістэмы |
Уласны капітал |
|
Абарот |
|
Аперацыйны прыбытак |
|
Чысты прыбытак |
|
Актывы |
|
Капіталізацыя |
|
Колькасць супрацоўнікаў | |
Дэвіз | Connecting people |
Даччыныя кампаніі | Nokia Networks[d][3], Withings[d], Nokia (Germany)[d], Nokia (United Kingdom)[d], Nokia (United States)[d], Nokia (Australia)[d], Nokia (China)[d], Nokia (Canada)[d], Nokia (Ireland)[d], Alcatel-Lucent USA[d][3], Luxor AB[d], Bell Labs[d] і Nokia Shanghai Bell[d] |
Сайт | nokia.com (кіт.) (яп.) (фін.) (ням.) (англ.) (фр.) (ісп.) |
Nokia (NYSE: NOK) — фінская транснацыянальная кампанія, адзін з сусветных лідараў у вобласці мабільных камунікацыйных тэхналогій, вядучы пастаўшчык абсталявання для мабільных, фіксаваных, шырокапалосных і IP-сетак. Nokia вядомая сваімі мабільнымі тэлефонамі і смартфонамі, па ўласных дадзеных, у 4 квартале 2007 года займала першае месца ў свеце па пастаўках мабільных тэлефонаў.[4] Штаб-кватэра кампаніі знаходзіцца ў Эспаа, прыгарадзе Хельсінкі.
У 2014 годзе Microsoft купіла бізнес мабільных тэлефонаў Nokia, стварыўшы з яго ўласную даччыную кампанію Microsoft Mobile. Пасля гэтага Nokia стала больш засяроджвацца на тэлекамунікацыйным бізнэсе і тэхналогіях інтэрнэту рэчаў.
Кампанія з’яўляецца нацыянальным гонарам фінаў, паколькі яе бізнэс мабільных тэлефонаў быў найбуйнейшым у свеце брэндам з Фінляндыі. На піку свайго росту ў 2000 годзе на долю Nokia прыходзілася 4 % ВУП краіны, 21 % агульнага экспарту і 70 % рынкавага капіталу Хельсінскай фондавай біржы.[5]
Гісторыя
[правіць | правіць зыходнік]Пачаткам гісторыі кампаніі лічыцца 1865 год, калі горны інжынер Фрэдрык Ідэстам (фінск.: Knut Fredrik Idestam) заснаваў у Тамперэ, на паўднёвым захадзе Фінляндыі, невялікую папяровую фабрыку. Пазней яго кампанія была ў 1871 годзе пераназваная ў Nokia Ab.
Заснаваная ў 1898 годзе кампанія па вытворчасці гумовых вырабаў Finnish Rubber Works у 1922 годзе атрымала кантроль над кампаніяй Nokia Ab і над заснаванай у 1912 годзе кампаніяй па вытворчасці кабеляў Finnish Cable Works, а ў 1966—1967 гадах адбылося зліццё гэтых трох кампаній у адну. Каб гэтая аперацыя адпавядала тагачаснаму фінскаму заканадаўству, фармальна Finnish Rubber Works і Finnish Cable Works уліліся ў Nokia Ab, самую маленькую з усіх трох.
Аб’яднаная кампанія мела пяць асноўных відаў дзейнасці: вытворчасць гумовых вырабаў, кабеляў і электронікі, перапрацоўка драўніны і выпрацоўка электраэнергіі. З гадамі да іх дадалося некалькі другарадных, напрыклад вытворчасць паляўнічых стрэльбаў, пластыкаў і хімічных матэрыялаў.
З пачатку 1980-х гадоў Nokia пачала актыўна развіваць распрацоўку і вытворчасць электронікі, чаму спрыяла купля шэрагу электронных кампаній. У 1987 годзе асноўным бізнесам кампаніі становіцца бытавая электроніка, у прыватнасці Nokia стала трэцім па велічыні вытворцам тэлевізараў у Еўропе.
У канцы 1980-х Nokia патрапіла ў крызісны стан, чаму спрыяў агульны спад сусветнай эканомікі. Крызіс быў пераадолены рэструктурызацыяй бізнесу, адмовай ад большасці выглядаў дзейнасці і засяроджваннем на новых тэхналогіях — у прыватнасці, развіцці тэлекамунікацыйнага падраздзялення.
Як асобная кампанія ў 1988 г. з Nokia была вылучаная Nokian Renkaat, якая з 1967 г. з’яўлялася яе «гумовым» падраздзяленнем.
У 1989 годзе кампанія прадала фінскаму аператару Radiolinja абсталяванне для сеткі GSM, а ў 1992 годзе выпусціла свой першы ручны GSM-тэлефон Nokia 1011.
У 1994 годзе прэзідэнт Nokia Ёрма Аліла канчаткова сфармуляваў стратэгію кампаніі: адмова ад старога бізнесу і засяроджванне на тэлекамунікацыйных тэхналогіях. Гэтая стратэгія дазволіла кампаніі стаць найбуйнейшым у свеце вытворцам сотавых тэлефонаў: станам на 2007 год доля рынка Nokia ацэньвалася ў 40 %[4].
У чэрвені 2006 года Nokia і Siemens вырашылі аб’яднаць свае аддзяленні па вытворчасці тэлекамунікацыйнага абсталявання ў новую кампанію — Nokia Siemens Networks.
Завод Nokia у Сала быў цалкам зачынены восенню 2012 года. Перамовы па скарачэнні персаналу закранулі 780 работнікаў прадпрыемства. Апошні мабільны тэлефон сышоў з вытворчага канвеера ў Сала 25 чэрвеня. Такім чынам усе вытворчыя магутнасці мабільнага сектара кампаніі з 2012 года засяродзіліся толькі ў краінах Азіі [6].
![](http://upload.wikimedia.org/wikipedia/commons/thumb/6/6b/Nokian_p%C3%A4%C3%A4konttori_Keilaniemess%C3%A4.jpg/220px-Nokian_p%C3%A4%C3%A4konttori_Keilaniemess%C3%A4.jpg)
Дасягненні
[правіць | правіць зыходнік]- У 2006 годзе Nokia заняла 20-я месца ў складзеным часопісам Fortune спісе самых выбітных кампаній свету. Гэта быў лепшы вынік сярод тэлекамунікацыйных кампаній і чацвёрты вынік сярод кампаній, змешчанымі за межамі ЗША.
- У 2007 і 2008 годзе Nokia прызнавалася самым дарагім брэндам у Еўропе. Брэнд Nokia ацэньваўся ў 38,283 мільярда долараў станам на 2008 год.
Цікавыя факты
[правіць | правіць зыходнік]- Фірмовы шрыфт Nokia быў распрацаваны дызайнерам Эрыкам Спайкерманам і завецца AgfaMonotype Nokia Sans. Да з’яўлення гэтага шрыфта ў рэкламе і інструкцыях па эксплуатацыі тэлефонаў кампанія выкарыстоўвала стыль Agfa Rotis Sans.
- Nokia можна лічыць найбуйным у свеце вытворцам лічбавых фотаапаратаў, бо продажы абсталяваных фотакамерамі тэлефонаў Nokia пераўзыходзяць продажы лічбавых фотаапаратаў любога з вытворцаў фотатэхнікі.[крыніца?]
- Першы ў свеце платны званок па мабільным тэлефоне стандарту GSM быў зроблены па тэлефоне Nokia у сетцы, пабудаванай на абсталяванні, вырабленым Nokia. Гэта адбылося ў 1991 годзе ў Хельсінкі, тэлефанаваў прэм’ер-міністр Фінляндыі Хары Халкеры.
- Рынгтон Nokia tune заснаваны на мелодыі гітарнага твора Gran Vals, напісанага ў 19-м стагоддзі іспанскім музыкам Францыска Тарэга. Першапачаткова рынгтон насіў назву музычнага твора, але атрымаў імя Nokia tune у 1998 годзе, калі стаў трывала асацыявацца з тэлефонамі Nokia.
- Стандартны гудок тэлефонаў Nokia пры атрыманні SMS з’яўляецца кодам Морзэ, які азначае «SMS».
- Стандартная мелодыя Ascending код Морзэ фразы «Connecting People».
- Nokia не выкарыстоўвала лічбу 4 у назвах мадэляў тэлефонаў, прызначаных для азіяцкіх рынкаў, бо ў шматлікіх рэгіёнах паўднёваўсходняй і ўсходняй Азіі лічба 4 лічыцца нешчаслівай.
- Nokia часам завуць Aikon (Nokia наадварот). Гэтая назва распаўсюджанае сярод распрацоўшчыкаў праграмнага забеспячэння для мабільных тэлефонаў, бо яно выкарыстоўваецца ў камплектах праграм для распрацоўкі новых мабільных праграм, уключаючы распаўсюджваны Nokia Symbian S60 SDK і Symbian S80 SDK.
- Самая прадаваная мадэль тэлефона за ўсю гісторыю GSM — NOKIA 3310.
Аб паходжанні імя кампаніі
[правіць | правіць зыходнік]Кампанія атрымала сваё імя па назве мясцовасці, дзе Фрэдрык Ідэстам купіў у 1868 годзе зямлю пад сваю другую папяровую фабрыку. Маёнтак Нокіа вядомы з 1270-х гадоў, хоць першы дакумент з яго згадваннем датуецца 1505 годам. Цяперашняя Нокіа — мястэчка ў 15 км ад Тампэрэ. Назва самой мясцовасці, як лічыцца, адбываецца ад старадаўняга фінскага слова nois (множ. nokia), што пазначае чорнага собаля, які калісьці вадзіўся ў тых месцах.
Гл. таксама
[правіць | правіць зыходнік]Зноскі
- ↑ https://www.nokia.com/system/files/2019-05/ec1042891_nokia_20f18.pdf — 2019.
- ↑ https://www.statista.com/statistics/275358/number-of-nokia-employees-since-2005/
- ↑ а б https://www.nokia.com/sites/default/files/files/nokia_20f16_full_report_en.pdf
- ↑ а б Q4 2007 Quarterly results Архівавана 26 ліпеня 2008.
- ↑ Kelly, Gordon. "Finland and Nokia: an affair to remember". Wired UK(англ.).
- ↑ Nokia to close Salo plant in autumn
Спасылкі
[правіць | правіць зыходнік]На Вікісховішчы ёсць медыяфайлы па тэме Nokia
- Афіцыйны сайт Nokia Global (англ.)