Cahide Sonku
Cahide Sonku | |
---|---|
![]() | |
Melumato şexsi | |
Dewlete | Tırkiya |
Cınsiyet | Cêniye |
Caê biyayışi | Sana |
Biyayış | |
Merdış | (Mezelgahê Zincirlikuyu de merdo) |
Caê merdene | Estanbol(Nêweşiye ra merd) |
Gırwe | Kayker, Hetenoğê filmi, vıraştoğê filmi û senarist |
Zıwani | Tırki |
Hempar | Talât Artemel |
Cahide Sonku ya zi be nameyê biyayışi ra Cahide Serap (b. 27 Kanun 1919, Sena, Yemen - m. 18 Mart 1981, Estanbol), kaykera tiyatro û sinemaya Tırkiya biya. A sinema Tırkiya de, cêniya de kaykera verêne û direktora verêne biya.[1]
Sonkuye sûka Sana ke o wext herra İmperatoriya Osmanıcan biya, oca de maya xo ra biya. Piyê aye zabıtê Osmanıncan miyan ra Yüzbaşı Necati Bey, khalıkê aye Çorapsız İbrahim Paşa biyo. Khalıkê aye Ordiyê Osmanıcan de qomutanê Ordiyê Hewtıni biyo. A serran de piyê xo bınê emrê khalıkê xo de biyo.[2] Herbê Dınyayê Yewıne ke dest pêkerdo û Yemen destê Osmanıcan ra veciyo, keyeyê xo Sana ra bırriyayo a û ameyo Estanbol. Piyê aye wextê ra tepiya keyeyê xo caverdayo, terk kerdo û maya xo zi piyê xo ra biya ciya. Keyeyê xo vêrdo banê khalıkê xo ke Fatih de ca gırewtêne. Cahide Sonku oca mektebo verên û miyanên Fatih de wendo. Mektebo miyanên ke semedê keynan vıraziya bi, oca ra biya mezune.