Insulino
![](http://upload.wikimedia.org/wikipedia/commons/thumb/d/d9/Insulin.jpg/240px-Insulin.jpg)
ruĝe=karbono, verde=oksigeno, blue=nitrogeno, roze=sulfuro
Insulino estas hormono, kiu reguligas la karbonhidratan metabolon.
Insulino estas rimedo kontraŭ diabeto.
Insulino estas sekreciata de la pankreataj insuletoj, kiuj malpliigas la glukozemion kaj helpas al la uzo de glukozo en la histoj.
Insulino estas polipeptido hormono kun molekula strukturo C254H377N65O75S6.
Insulino estas produktata de beta-ĉeloj de la pankreato, en la insuletoj de Langerhans. El preproinsulino ekestas proinsulino kaj finfine insulino.
La hormono stimulas:
- sintezon de glikogeno en muskol- kaj hepatĉeloj
- sintezon de grasacidoj
- sintezon de proteinoj i.a. en muskolaj histoj
- transporton de glukozo tra la ĉelmuroj tiel ke ĝi liberiĝas por ĉelmetabolo (tio malpliigas la nivelon de la sangosukero) kaj malebligas la malkomponigon de grasoj kaj glikogeno.
Ĝi reguligas kune kun glukagono kaj adrenalino, kiuj havas kontraŭan efikon, la nivelon de la sangosukero.
Kiam en la korpo estas produktita tro malmulte da insulino oni parolas pri sukera diabeto (diabetes mellitus) tipo 1
Kiam en la korpo estas produktita sufiĉe da insulino sed la korpoĉeloj reagas malbone aŭ nesufiĉe je la insulino oni parolas pri sukera diabeto (diabetes mellitus) tipo 2
En 1923 Frederick G. Banting kaj John Macleod ricevis Nobel-premion pri fiziologio aŭ medicino ĉar ili malkovris insulinon.[1]