“Da Cepa Á Bodega”, Os Proxectos: Bodega Eloi Lorenzo E Jorge Marcote Viticultor. Retrato Sonoro podcast

Contenido proporcionado por Retrato Sonoro. Todo el contenido del podcast, incluidos episodios, gráficos y descripciones de podcast, lo carga y proporciona directamente Retrato Sonoro o su socio de plataforma de podcast. Si cree que alguien está utilizando su trabajo protegido por derechos de autor sin su permiso, puede seguir el proceso descrito aquí https://es.player.fm/legal.

Retrato Sonoro »
“Da cepa á bodega”, os proxectos: Bodega Eloi Lorenzo e Jorge Marcote Viticultor.

23d ago 1:31:25

MP3•Episodio en casa

Retrato Sonoro

Benvidas e benvidos a «Da cepa á bodega» en «Retrato Sonoro»! Neste episodio número 3, pechamos esta serie con Javier Monsalve e Jorge Marcote, dúas persoas apaixonadas do mundo do viño que me acompañaron nestes tres episodios.

Nos dous primeiros capítulos, comezamos coñecendo as historias persoais de Jorge e Javier, explorando como descubriron as súas paixóns polo viño e como, aínda que non fose algo planeado dende a infancia, conseguiron seguir os seus soños e converterse en creadores e traballadores do viño.

Tamén falamos da relación entre o rural e o urbano na zona da D.O. Ribeiro, das colaboracións necesarias e das dificultades que enfrontan os pequenos proxectos vitivinícolas.

Nestes capítulos discutimos o concepto de viños de autor, explorando o que implica a creación dun viño único, a diferenciación e a innovación anual, e como o coñecemento do terreo e do equipo son esenciais para chegar a un produto excepcional.

Como ben puideron comprobar as persoas que escoitaron os primeiros episodios, ademais dos ruidos típicos de golpes na mesa e o persistente son da chuvia desta Galicia tan chuviosa este inverno e primavera de 2024, hai un momento onde Javier Monsalve comparte connosco un dos seus viños. Neste senso, sempre agardas que os sons non sexan moi fortes para non entorpecer os audios conversacionais, pero aquí ten todo o sentido do mundo.

Neste capítulo falaremos en concreto de Bodega Eloi Lorenzo e de Jorge Marcote Viticultor. Exploraremos ambos proxectos e como se traballan, así como os custos de produción e o valor ao que pode saír unha botella de viño por diferentes causas. Tamén afondaremos na cultura do viño e o seu significado en canto a socialización, e discutiremos os alcoles e as súas graduacións.

Non podemos por menos que agradecer profundamente a amabilidade de Jorge Marcote, que segue a buscarnos persoeiros vinculados co mundo viniviticultor, e para o que seguimos a traballar. Tamén agradecemos a Javier Monsalve pola súa amabilidade á hora de recibirnos na súa casa, Villa Paz. Tamén a Jordi Mirindo por darlle sempre o seu toque persoal á edición definitiva destes audios.

Agardo que goces das cousas que nos teñen que contar Javier Monsalve e Jorge Marcote. Grazas por estar aí.

Galicia de Raul Grillo recollida en Jamendo.com e que usamos con licenza Creative Commons.

The post “Da cepa á bodega”, os proxectos: Bodega Eloi Lorenzo e Jorge Marcote Viticultor. first appeared on Sons Podcasts.

47 episodios

#Sociedad #Foto #Charlas #Memoria #Sonoro #Conversaciones #Recuerdos #Retratos