Metri
Il metri al è la unitât di misure de lungjece. Al è la unitât di base tal sisteme metric e tal sisteme internazionâl di unitâts.
Definizion
[cambie | modifiche il codiç]Un metri al è la distance fate de lûs intal vueit intun interval di 1/299.792.458 di secont.
Storie
[cambie | modifiche il codiç]La definizion di metri e rimonte al 1791, stabilide de Academie francese des siencis come 1/10 000 000 de distance jenfri il Pôl Nord e l'Ecuatôr.
![](http://upload.wikimedia.org/wikipedia/commons/thumb/b/bb/Platinum-Iridium_meter_bar.jpg/300px-Platinum-Iridium_meter_bar.jpg)
Tal 1893, il metri standard e fo misurât cuntun interferometri, imprest fat su da Albert A. Michelson. Tal 1925, l'interferometri al jere regularmentri in ûs tal Ufici internazionâl des pesis e misuris. Tant par altri, il prototip internazionâl dal metri e restà il stes fin tal 1960, cuant che la diesime-prime Conference gjenerâl des pesis e misuris e definì il metri intal gnûf sisteme internazionâl, come 1.650.763,73 lungjecis di onde intal vueit de emission narancine-rosse intal spetri eletromagnetic di un atom di krypton-86. L'origjinâl dal prototip dal metri al è ancjemò conservât al UIPM sot de condizions specificadis intal 1889.
Par ridusi ancjemò lis malciertecis, la diesime-setime conference gjenerâl des pesis e misuris intal 1983 e sostituì la definizion dal metri cun la sô atuâl:
Il metri al è la lungjece dal percors fat de lûs tal vueit dilunc di un interval di timp di 1/299 792 458 di secont
Multiplis e sotmultiplis
[cambie | modifiche il codiç]Fatôr | Non | Simbul | Fatôr | Non | Simbul | |
10−1 | decimetri | dm | 101 | decametri | dam | |
10−2 | centimetri | cm | 102 | etometri | hm | |
10−3 | milimetri | mm | 103 | chilometri | km | |
10−6 | micrometri (micron) | µm | 106 | megametri | Mm | |
10−9 | nanometri | nm | 109 | gigametri | Gm | |
10−12 | picometri | pm | 1012 | terametri | Tm | |
10−15 | femtometri (fermi) | fm | 1015 | petametri | Pm | |
10−18 | atometri | am | 1018 | esametri | Em | |
10−21 | zeptometri | zm | 1021 | zetametri | Zm | |
10−24 | yotometri | ym | 1024 | yotametri | Ym |