Anatomy
![](http://upload.wikimedia.org/wikipedia/commons/thumb/d/d5/Lateral_head_anatomy_detail.jpg/220px-Lateral_head_anatomy_detail.jpg)
![](http://upload.wikimedia.org/wikipedia/commons/thumb/4/4d/Rembrandt_-_The_Anatomy_Lesson_of_Dr_Nicolaes_Tulp.jpg/220px-Rembrandt_-_The_Anatomy_Lesson_of_Dr_Nicolaes_Tulp.jpg)
![](http://upload.wikimedia.org/wikipedia/commons/thumb/e/e6/Heart-and-lungs.jpg/150px-Heart-and-lungs.jpg)
De anatomy (fan it Grykske anatome, fan ana-temnein, yn stikken snije) ûndersiket en beskriuwt de foarm en bou fan libbene wêzens en har útwendige en ynwendige struktueren.
De fergelykjende anatomy sjocht nei oerienkomsten tusken ferskillende soarten, meast om de mjitte fan oerienkomst fêst stelle te kinnen. Dy oerienkomsten foarmje in wichtich helpmiddel foar de taksonomy.
De measte anatomen betsjinne har fan it Latyn om maklik mei wittenskippers yn oare talen kommunisearje te kinnen. Foar de minske is der in algemien akseptearre terminology, de terminologia anatomica, fêststeld troch it FCAT, Federative Committee of Anatomical Terminology.
Oare (eardere) anatomyske terminologysystemen binne neamd nei it plak dêr't de gearkomste hâlden is, wêryn se fêststeld binne:
- Nomina Anatomica Basel (1895),
- Nomina Anatomica Jena (1935),
- Nomina Anatomica Paris (1955).
Om de fiif jier wurdt de list troch it International Anatomical Nomenclature Committee (IANC) oanpast.