Lee Krasner
![]() ![]() | |
Biografía | |
---|---|
Nacemento | 27 de outubro de 1908 ![]() Brooklyn, Estados Unidos de América ![]() |
Morte | 19 de xuño de 1984 ![]() Nova York, Estados Unidos de América ![]() |
Lugar de sepultura | Green River Cemetery (en) ![]() ![]() |
Datos persoais | |
País de nacionalidade | Estados Unidos de América ![]() |
Educación | Art Students League of New York (pt) ![]() Cooper Union (pt) ![]() Academia Nacional de Desenho (pt) ![]() Washington Irving High School (en) ![]() ![]() |
Actividade | |
Campo de traballo | Pintura ![]() |
Lugar de traballo | East Hampton (pt) ![]() Nova York ![]() |
Ocupación | pintora , ilustradora , gravadora , artista ![]() |
Membro de | |
Xénero artístico | Arte abstracta ![]() |
Movemento | Expresionismo abstracto ![]() |
Lingua | Lingua inglesa ![]() |
Representante | Artists Rights Society ![]() |
Obra | |
Obras destacables
| |
Arquivos en | |
Familia | |
Cónxuxe | Jackson Pollock (1945–1956) |
Premios | |
![]() ![]() ![]() ![]() |
Lenore "Lee" Krasner, nada en Nova York o 27 de outubro de 1908 e finada na mesma cidade o 19 de xuño de 1984, foi unha influente artista do expresionismo abstracto na segunda metade do século XX.
Traxectoria
[editar | editar a fonte]Naceu como Lena Krassner en Brooklyn en 1908.[1] Os seus pais, de orixe ucraína, decidiron fuxir debido ao proceso antisemita que se deu neste período na súa zona de orixe.[2] Foi a cuarta de cinco fillos, incluída unha irmá, Ruth, e a primeira que naceu nos Estados Unidos.[3]
Orientou axiña a súa vida cara á arte.[3] Ao rematar os seus estudos primarios ingresou na Women’s Art School. En 1928, ao rematar a súa formación básica na arte, ingresou na National Academy of Design onde comezou a estudar os mestres antigos.[4] A forza que colleu o postimpresionismo e a apertura do Museo de Arte Moderna, inxectaron este novo modelo de pintura en Krasner, que orientou os seus novos estudos cara á pintura moderna.[5] Entón coñeceu a Hans Hofmann, que lle permitiu afondar máis nos novos estilos modernos, como o cubismo. Durante a Gran Depresión, ingresou no Federal Art Project, creado para dar emprego aos artistas neste período. Dedicada á pintura de murais xunto con outros artistas, viuse na situación de ter traballo mais non pintar o que realmente lle gusta. Tras este período ingresou na American Abstracts Artists,[6] volvendo ao estilo pictórico que máis lle atraía.[4]
A pesar de ser unha artista do impresionismo abstracto, a súa obra contén diversas variacións, motivadas polo seu estilo crítico e a negativa a centrarse nun estilo único. Estas variacións axudaron a crear un estilo propio e a diferenciala de artistas da súa época, entoa unha simboloxía propia que define a través da súa propia vida persoal. En 1942, comezou a seguir o traballo de Jackson Pollock, máis afín á súa natureza crítica, e rexeitou o cubismo que aprendera de Hofmann. Produciuse entón un choque entre o que realmente buscaba na pintura, levánoda a un investimento de tempo considerable nas súas obras e a posterior destrución da maioría.[7] Aínda que absorbeu a influencia da pintura de Pollock, Krasner non esqueceu a súa admiración pintores como Matisse ou Mondrian, incluíndo elementos de ambos nas súas composicións. A serie "Little Image", reproduce esta admiración.
Tralo seu matrimonio con Pollock, perdeu parte do seu traballo ao minimizar a súa produción.[8] Neses anos retomou un estilo moito máis sensual e centrado sobre todo na vida e a morte. Porén, á morte do seu home, retomou a arte con máis forza e creou as series "Earth Green" e "Umber".[7]
Tras recuperarse dun grave problema de saúde, na década de 1970 cambiou radicalmente o seu estilo, optando por unha pintura plana e case xeométrica cunhas coras moito máis puras. Tras exposicións individuais, conseguiu liberarse do alcume de "muller de Jackson Pollock" e logrou facerse un oco entre as persoas máis influentes da arte moderna nos Estados Unidos.[9]
Series
[editar | editar a fonte]- "Earth Green". Foi a serie que creou trala morte do seu home. Nela obsérvase un forte impresionismo abstracto, con imaxes extravagantes, salpicadas e arrodeadas de nacemento, destrución e rexeneración. Presentaba unha paleta de cores naturais de verdes, vermellos, brancos e castaños.[2]
- "Night Journeys". Coincidiu cos períodos de insomnio que padeceu Krasner. Contiña imaxes máis escuras e meditadas. Este período concluíu debido a un aneurisma cerebral que sufriu a pintora.[2]
Obras principais
[editar | editar a fonte]- (1929) Self Portrait (Metropolitan Museum of Art[10])
- (1934) Gansevoort, Number 1 (Metropolitan Museum of Art[11])
- (1938) Still Life (Museo de Arte Moderna[12])
- (1940) Seated Nude (Museo de Arte Moderna[13])
- (1949) Composition (Philadelphia Museum of Art[14])
- (1949) "Untitled" (Museo de Arte Moderna[15])
- (1951) Number 3 (Untitled) (Museo de Arte Moderna[16])
- (1953) "Untitled" (National Gallery of Australia[17])
- (1955) Milkweed (Albright-Knox Gallery[18])
- (1961) Polar Stampede (San Francisco Museum of Modern Art[19])
- (1964) "Untitled" (Museo de Arte Moderna[20])
- (1965) Night Creatures (Metropolitan Museum of Art]][21])
- (1966) Gaea (Museo de Arte Moderna[22])
- (1969) Gold Stone (Utah Museum of Fine Art[23])
- (1970) Comet (Galería Robert Miller[24])
- (1972) Rising Green (Metropolitan Museum of Art[25])
- (1976) Imperative (National Gallery of Art[26])
Pollock e Krasner
[editar | editar a fonte]![](http://upload.wikimedia.org/wikipedia/commons/thumb/1/12/Pollock-green.jpg/220px-Pollock-green.jpg)
Krasner promoveu a arte de Jackson Pollock a través dos seus amigos e contactos. As diferenzas xurdidas no concepto de "natureza" entre os distintos artistas que se reuniron, deron orixe ao abandono da cor negra por parte de Krasner, e a optar por distintos tons de grises. A pesar das críticas que recibía o seu marido, propuxo novas maneiras de promocionar a súa arte. Harold Rosenberg, que cuñou a expresión action painting, foi un forte opositor da pintura de Pollock, definíndoo como carente do concepto de natureza. Greenberg foi rival de Rosenberg, polo que Krasner decidiu presentarlle o seu home, o que deu lugar a un artigo moi favorecedor para Pollock.
A morte de Pollock orientou a pintura de Krasner, a un carácter máis audaz e positivo.[2]
Notas
[editar | editar a fonte]- ↑ Brenson, Michael. "Lee Krasner Pollock is Dead - Painter of New York School", The New York Times, consultado o 8 de novembro de 2014.
- ↑ 2,0 2,1 2,2 2,3 "Lee Krasner Biography". Consultado o 18 de marzo de 2016.
- ↑ 3,0 3,1 Rose, Barbara. Lee Krasner: A Retrospective. New York: The Museum of Modern Art, 1983. pg. 13.
- ↑ 4,0 4,1 Levin, G. (2012). Lee Krasner. Nova York: William Morrow
- ↑ Rose, Barbara. Lee Krasner: A Retrospective. New York: The Museum of Modern Art, 1983. pg. 16
- ↑ Hobbs, Robert. "Lee Krasner". New York: Abbeville Press, 1993. pg. 27
- ↑ 7,0 7,1 Lee Krasner
- ↑ Lee Krasner
- ↑ Strassfield, C. (1995). Lee Krasner, the nature of the body. East Hampton, N.Y.: Guild Hall Museum
- ↑ "Self-Portrait".
- ↑ "Gansevoort, Number 1".
- ↑ "Still Life".
- ↑ "Seated Nude".
- ↑ "Composition".
- ↑ "untitled".
- ↑ "Number 3 (Untitled)".
- ↑ "Lee KRASNER - Untitled, 1953". ABSTRACT EXPRESSIONISM - 14 July 2012 - 3 March 2013, International & Orde Poynton Galleries - National Library of Australia. Arquivado dende o orixinal o 02 de abril de 2015. Consultado o 7 de abril de 2015.
- ↑ "Milkweed".
- ↑ "Polar Stampede". Arquivado dende o orixinal o 02 de abril de 2015. Consultado o 28 de agosto de 2018.
- ↑ "Untitled".
- ↑ "Night Creatures".
- ↑ "Gaea".
- ↑ Krasner, Lee. "Gold Stone (litografía)". Arquivado dende o orixinal o 27 de marzo de 2019. Consultado o 27 de marzo de 2019.
- ↑ "Comet".
- ↑ "Rising Green".
- ↑ "Krasner, Lee - American, 1908-1984". National Gallery of Art. 2015. Consultado o 7 de abril de 2015.