Ohún Satọ
This article is written in Gun (Gungbe) |
![](http://upload.wikimedia.org/wikipedia/commons/thumb/0/09/The_Sato_Drummers_festival.jpg/220px-The_Sato_Drummers_festival.jpg)
Satọ-hún yin ohúnjọhún de to otò Gbagli tọn mẹ to Ayimatẹn Awọnlin tọn to tògbo Naijilia tọn mẹ. E yin ohún de he yin yinyọnẹn ganji to Gunnu lẹ ṣẹnṣẹn to Otò Gbagli tọn mẹ. Satọhún yin ohún awe de he klo taun bosọ diga hú tedidi gbẹtọ tọn. E yin ohún de he yé nọ yizan nado klọn kavi de nuylankan sẹ to hohowhenu. Ṣigba to egbehe, yé ko to ohún satọ tọn ho to nuwiwa titengbe delẹ tẹnmẹ. Ohún Satọ tọn wẹ yin ohún he klo bosọ diga hugan to aihọn lọ blebu mẹ.
Nuhe ohún Satọ tọn tin na
[jlado | jla asisado]To hohowhenu, Satọ yin ohún de he yé nọ yizan nado basi Avọsinsan po yise lọ po dọ nudidọ ohún satọ lọ tọn nọ klọn nuylankan depope sẹ. Satọhúnhotọ lẹ tindo yise lọ dọ nudidọ ohún ehe tọn nọ glọnalina gbigbọ ylankan he nọ dọn azọ̀n ylankan wá lẹ. To hohowhenu, e vẹawu nado mọ ohún satọ tọn to gbangba, ṣigba e nọ yin zizetọn to whenue yé jlo na basi Avọsinsan de kavi Hùnwhẹ Otò tọn de. Ṣigba to egbehe, yé ko to ohún satọ tọn ho to nuwiwa wunmẹ-wunmẹ lẹ tẹnmẹ.