Detroit-teknó
![](http://upload.wikimedia.org/wikipedia/commons/thumb/9/95/Roland_TR-808_%26_909.jpg/220px-Roland_TR-808_%26_909.jpg)
![](http://upload.wikimedia.org/wikipedia/commons/thumb/6/6e/Jeff_Mills.jpg/220px-Jeff_Mills.jpg)
Detroit-teknó er raftónlistarstefna sem varð til í Detroit í Michigan í Bandaríkjunum um miðjan 9. áratug 20. aldar. Meðal einkenna Detroit-teknós eru notkun hliðrænna hljóðgervla og eldri gerða trommuheila, svo sem Roland TR-808 og Roland TR-909.
Meðal þekktra Detroit-teknótónlistarmanna má nefna Juan Atkins, Derrick May, Eddie Fowlkes, Kevin Saunderson, Mike Banks, Robert Hood, Jeff Mills, Carl Craig, Kenny Larkin og Stacey Pullen.
Detroit-teknó var frá upphafi undir þó nokkrum áhrifum frá þýsku hljómsveitinni Kraftwerk og frá hústónlist frá Chicago en hefur einnig haft töluverð áhrif á þróun hústónlistar bæði í Bandaríkjunum og Evrópu.
Skyldar tónlistarstefnur eru meðal annars hústónlist, sýruteknó, minimal techno og annað teknó frá Bandaríkjunum (einkum New York-borg) og Evrópu og trance.