ფილიპ სეიმურ ჰოფმანი
ფილიპ სეიმურ ჰოფმანი | |
---|---|
![]() | |
დაბადების თარიღი |
23 ივლისი, 1967 ფეირპორტი, აშშ |
გარდაცვალების თარიღი |
2 თებერვალი, 2014 (46 წლის) ნიუ-იორკი, აშშ |
საქმიანობა | მსახიობი |
აქტიური | 1991–2014 |
ოსკარი | 2005 — კაპოტე |
ოქროს გლობუსი |
საუკეთესო მსახიობი კაცი დრამაში |
BAFTA | 2005 — კაპოტე |
სხვა ჯილდოები | 2012 — ოსტატი |
ფილიპ სეიმურ ჰოფმანი (ინგლ. Philip Seymour Hoffman; დ. 23 ივლისი, 1967, ფეირპორტი — გ. 2 თებერვალი, 2014, ნიუ-იორკი) — კინოსა და თეატრის ამერიკელი მსახიობი, რეჟისორი. 2006 წელს ოსკარის პრემიის ლაურეატი გახდა მთავარი როლისთვის ფილმში „კაპოტე“. მიიჩნევა მისი თაობის ერთ-ერთ საუკეთესო ამერიკელ მსახიობად.[1]
ბიოგრაფია
[რედაქტირება | წყაროს რედაქტირება]ჰოფმანის დედა მერილინ ო'კონორი ადვოკატი და სამოქალაქო უფლებათა აქტივისტი, ხოლო მამა გორდონ ჰოფმანი — კომპანია ქსეროქსის ერთ-ერთი აღმასრულებელი დირექტორი იყო. ჰყავს ორი და, ჯილი და ემილი, და ძმა, გორდონ ჰოფმანი. მამა წარმოშობით გერმანელი პროტესტანტია, დედა კი — კათოლიკე. მშობლებს ჰოფმანი რომელიმე რელიგიური ტრადიცით არ აღუზრდიათ. ჰოფმანი ცხრა წლის იყო, როდესაც მისი მშობლები გაიყარნენ.
ჰოფმანი 1984 წელს ნიუ-იორკის შტატის ხელოვნების საზაფხულო სკოლის თეატრალურ კურსებს დაესწრო. ხოლო დრამატურგიაში ბაკალავრის ხარისხი ნიუ-იორკის უნივერსიტეტში მიიღო 1989 წელს.
მისი კარიერა ძირითადად დამოუკიდებელ კინოფილმებში ეპიზოდური როლებით შეიქმნა. მთავარ როლს ის მხოლოდ 2003 წელს იღებს ფილმში „შეპყრობილი“. ჰოფმანის ყველაზე მნიშვნელოვანი და წარმატებული როლი იყო 2005 წლის ფილმში „კაპოტე“, რისთვისაც მან დაიმსახურა ოსკარის, ოქროს გლობუსისა და BAFTA-ს ჯილდოები მამაკაცის როლის საუკეთესო შესრულებისთვის.
2014 წლის 2 თებერვალს მსახიობი ნიუ-იორკში, საკუთარ სახლში გარდაცვლილი იპოვეს.[2] პოლიციის თანახმად, ჰოფმანი ნარკოტიკების გადაჭარბებული დოზის მიღების გამო გარდაიცვალა.[3]
ფილმოგრაფია
[რედაქტირება | წყაროს რედაქტირება] ![]() |
მოცემული ფილმოგრაფია არ არის სრული. გთხოვთ დაგვეხმაროთ მის შევსებაში. |
წელი | ქართულად | მშობლიური სახელწოდება | როლი | |
---|---|---|---|---|
1992 | ფ | ქალის სურნელი | Scent of a Woman | ჯორჯ უილის უმცროსი |
1994 | ტფ | ნუკრი | The Yearling | ბაკი |
1994 | ფ | სულელები არ არიან | Nobody's Fool | ოფიცერი რეიმერი |
1998 | ფ | დიდი ლებოვსკი | The Big Lebowski | ბრანდტი |
1998 | ფ | ბედნიერება | Happiness | ალენი |
1999 | ფ | მაგნოლია | Magnolia | ფილ პარმა |
2002 | ფ | გამაოგნებელი სიყვარული | Punch-Drunk Love | დინ ტრემბელი |
2003 | ფ | შეპყრობილი | Owning Mahowny | დენ მეჰოუნი |
2003 | ფ | ცივი მთა | Cold Mountain | მოძღვარი ვიზი |
2005 | ფ | კაპოტე | Capote | ტრუმენ კაპოტე |
2007 | ფ | სანამ ეშმაკი გაიგებს, რომ მკვდარი ხარ | Before the Devil Knows You're Dead | ენდი ჰენსონი |
2007 | ფ | ველურები | The Savages | ჯონ სავაჯი |
2007 | ფ | ჩარლი უილსონის ომი | Charlie Wilson’s War | გასტ ავრაკოტოსი |
2008 | ფ | ეჭვი | Doubt | მამა ბრენდან ფლინი |
2008 | ფ | სინეკდოკე: ნიუ-იორკი | Synecdoche, New York | კადენ კოტარი |
2011 | ფ | ადამიანი, რომელმაც ყველაფერი შეცვალა | Moneyball | არტ ჰოუი |
2011 | ფ | მარტის იდები | The Ides of March | პოლ ზარა |
2012 | ფ | ოსტატი | The Master | ლანკასტერ დოდი |
2013 | ფ | შიმშილის თამაშები: ცეცხლის ალში | The Hunger Games: Catching Fire | პლუტარქ ჰევენსბი |
2014 | ფ | ღმერთის ჯიბე | God's Pocket | მიკი |
2014 | ფ | ყველაზე საშიში ადამიანი | A Most Wanted Man | გიუნტერ ბახმანი |
2014 | ფ | შიმშილის თამაშები: კაჭკაჭჯაფარა — ნაწილი 1 | The Hunger Games: Mockingjay – Part 1 | პლუტარქ ჰევენსბი |
2015 | ფ | შიმშილის თამაშები: კაჭკაჭჯაფარა — ნაწილი 2 | The Hunger Games: Mockingjay – Part 2 | პლუტარქ ჰევენსბი |
რესურსები ინტერნეტში
[რედაქტირება | წყაროს რედაქტირება]![](http://upload.wikimedia.org/wikipedia/commons/thumb/4/4a/Commons-logo.svg/35px-Commons-logo.svg.png)
სქოლიო
[რედაქტირება | წყაროს რედაქტირება]- ↑ Weber, Bruce; Goodman, J. David (February 2, 2014). „Philip Seymour Hoffman, Actor, Dies at 46“. The New York Times.
- ↑ „Philip Seymour Hoffman Dead: Actor Dies At 46 In New York Apartment“. „The Huffington Post“. 2 თებერვალი, 2014. შეამოწმეთ თარიღის პარამეტრი
|date=
-ში (დახმარება) - ↑ „Philip Seymour Hoffman, Actor, Dies at 46“. „ნიუ-იორკ ტაიმზი“. 2 თებერვალი, 2014. შეამოწმეთ თარიღის პარამეტრი
|date=
-ში (დახმარება)
|