Karbônina
![](http://upload.wikimedia.org/wikipedia/commons/thumb/4/4b/Diamond-and-graphite-with-scale.jpg/268px-Diamond-and-graphite-with-scale.jpg)
Ny karbônina dia singa simika manana eva C ary manana lahatra atômika 6. Ny lanja atômikany dia 12,0107. Efa nisy teto an-tany ny karbônina hatry ny fisian' ny masoandro: vita avy amin' ny niokleôsintezin' ny kintana nipoaka ny karbônina talohan' ny fiforonan' ny masoandro sy ny fajiry. Ny dilatra, ny arintany, ny solitany, ny manjarano (amin' ny pensily) ary ny diamondra dia ahitana karbônina na karazana karbônina mihitsy Ny diamondra mety misy anatin' ny kimberlitan' ny afotroa, indrindra any Afrika Atsimo sy any Arkansas. Mety misy diamondra kely varavety anatin' ny vato avy any amin' ny habakabaka.
![](http://upload.wikimedia.org/wikipedia/commons/thumb/f/f9/Diamond_and_graphite.jpg/200px-Diamond_and_graphite.jpg)
Tsy nisy ny karbônina tamin' ny fotoan' ny Big Bang (niokleôsintezy voalohany) satria tsy niaraka ny fepetra ilaina (haingana loatra ny fihamangatsiaka sy ny fiitaran' ny tontolo).
Ny kintana mavesatra no "mamorona" ny karbônina, avy amin' ny heliôma (fiota alfa telo)
Etimôlôjia
[hanova | hanova ny fango]Ny teny hoe karbônina dia avy amin' ny fiteny latina carbo midika hoe "arina".
Miratoerana
[hanova | hanova ny fango]Manana miratoerana roa ny karbônina: ny 12C (98,89 %) sy ny 13C (1,11 %).
Ny radiômiratoerana 14C dia manana fe-potoana 5 730 taona, ary ampiasaina amin' ny fidatiana zavatra arkeôlôjika hatramin' ny faha 50 000 taonany. Noho ny fipoaka termôniokleary atao eny amin 'ny soson-drivotra, tsy afaka ampiasain' ny arkeôlôgy ny fidatiana zavatra amin'ny alalan' ny karbônina 14.
Ny radiômiratoerana 11C dia manana fe-potoana 20 minitra.
Jereo koa
[hanova | hanova ny fango]Rohy ivelany
[hanova | hanova ny fango]- ((en)) Los Alamos National Laboratory - Carbon
- ((en)) WebElements.com - Carbon
- ((en)) EnvironmentalChemistry.com - Carbon
- ((en)) Schenectady County Community College - Carbon Archived Febroary 7, 2005 at the Wayback Machine