بیتکوین
![](http://upload.wikimedia.org/wikipedia/commons/thumb/4/46/Bitcoin.svg/220px-Bitcoin.svg.png)
بیت کوین (انگلیسی جه: Bitcoin) یا اختصاراً BTC اتا کریپتو کارنسی هسته که سال 2008 ات نفر بنوم ساتوشی ناکاموتو وه ره بساته.[۱] سال 2009 جه این پول دنیا دله قابل استفاده بیّه[۲] و وه ره اتا اوپنسورس نرمافزار دله اجرا هاکردنه.[۳]
بیت کوین ِنوم اولین بار ونه وایت پیپر دله بموئه[۴] که 31 اکتبر 2008 اینترنتی تنک بیه.[۵] این کلمه اتا ترکیبی واژه هسته که بیت و کوین جه بساته بیّه و یعنن سکهای که اتا کامپیوتری واحد جه تشکیل وونه.[۶] وه ره ₿ ِسمبل جه هم سِراق دِنّه.
بیتکوین ِسیستم اینتی هسته که هیچ رییسی ندارنه یا هیچ مرکزی بانکی ونجه پشتی نکانده و فقط کارورونی که اینترنت پشت نیشتنه وه ره هدایت کانّه. ونه داد و ستد اتی طراحی بیّه که هچکی نتونه وه ره بیاینکه باقی کارورون مخبر بوئن، دستکاری یا دزدی هاکنه و هر پولی فقط ات بار تونده خرج بوو. بیت کوین دله اتا جدید سیستم بنوم بلاکچین کار بزه بیّه که این ویژگیون ره شه دله دارنه.[۷]
این پول باقی پول ِیکائون که کشورها تولید کانّه، واری هیچ پشتوانهای ندارنه و فقط عرضه-تقاضا جه ونه قیمت جوراجیر وانه ولی فرقیهایی هم کشورون ِرسمی پول جه دارنه. هیچکس نتونده جدیدِ بیتکوین ره بیحساب و کتاب چاپ هاکنه و ونه ارزش ره اینتی کم هاکنه. کسی وه ره شه میس دله کنترل نتونده هاکنه و هیچ کشور یا بانکی دنییه که وه ره بنفع خادش دستکاری هاکنه. وه فقط دیجیتالی هسته و چاپ یا ضرب نوونه و فقط وه ره وانه اتا آنلاین پول ِکیف دله داشتن که اگه ونه پسورد ره گوم هاکنی، هچی وانه. وه ره وونه به قسمتهای پچوکته تقسیم هاکردن و کسری از اتا بیتکوین ره داشتن یا بخریین. وقتی اتا پول ره خرج هاکردی، بهیچ وجه ننشنه وه ره وردگاردنی. شمه پول میّن نییه که چنده هسته و شما وقتی اتچی خریندی یا روشنی، ناشناس هستی. ونه ارزش مدام کم و زیاد وانه و بستگی به عرضه-تقاضا دارنه.[۸][۹]
پانویس
[دچیین]- ↑ S., L. (2 November 2015). "Who is Satoshi Nakamoto?". The Economist. The Economist Newspaper Limited. Archived from the original on 21 August 2016. Retrieved 23 September 2016.
- ↑ Davis, Joshua (10 October 2011). "The Crypto-Currency: Bitcoin and its mysterious inventor". The New Yorker. Archived from the original on 1 November 2014. Retrieved 31 October 2014.
- ↑ Antonopoulos, Andreas M. (April 2014). Mastering Bitcoin: Unlocking Digital Crypto-Currencies. O'Reilly Media. ISBN 978-1-4493-7404-4.
- ↑ Nakamoto, Satoshi (31 October 2008). "Bitcoin: A Peer-to-Peer Electronic Cash System" (PDF). bitcoin.org. Archived (PDF) from the original on 20 March 2014. Retrieved 28 April 2014.
- ↑ Vigna, Paul; Casey, Michael J. (January 2015). The Age of Cryptocurrency: How Bitcoin and Digital Money Are Challenging the Global Economic Order (1 ed.). New York: St. Martin's Press. ISBN 978-1-250-06563-6.
- ↑ "bitcoin". OxfordDictionaries.com. Archived from the original on 2 January 2015. Retrieved 28 December 2014.
- ↑ "Statement of Jennifer Shasky Calvery, Director Financial Crimes Enforcement Network United States Department of the Treasury Before the United States Senate Committee on Banking, Housing, and Urban Affairs Subcommittee on National Security and International Trade and Finance Subcommittee on Economic Policy" (PDF). fincen.gov. Financial Crimes Enforcement Network. 19 November 2013. Archived (PDF) from the original on 9 October 2016. Retrieved 1 June 2014.
- ↑ «ارز دیجیتال و ارز فیات چه تفاوتی دارند؟». مین بلاکچین.
- ↑ «بیت کوین چیست؟». عصر مهر.