Hankjønn
Utsjånad
- For det grammatiske kjønnet, sjå maskulinum.
![](http://upload.wikimedia.org/wikipedia/commons/thumb/b/b7/Mars_symbol.svg/100px-Mars_symbol.svg.png)
Hannkjønn eller hankjønn er kjønnet til ein organisme som lagar sperm og ikkje egg. «Sperm» er definert som den minste og vanlegvis mest rørlege kjønnscella i heterogame artar, der den motsette kjønnscella blir laga av hokjønn.
Symbol
[endre | endre wikiteksten]Hannkjønn blir ofte uttrykt med symbolet ♂ (Unicode U+2642), ein sirkel med ei pil som peiker mot nordaust. Dette er ei stilisert framstilling av spydet og skjoldet til guden Mars.
Utvikling
[endre | endre wikiteksten]Det finst ingen felles genetisk mekanisme for korleis individ får hannkjønn innan ulike artar, slik at utviklinga av to kjønn tydelegvis har skjedd fleire gonger uavhengig av kvarandre i ulike evolusjonsliner.