Puerto Maldonado
Puerto Maldonado | |||
by | |||
Plaza de Armas
| |||
Land | ![]() | ||
---|---|---|---|
Folketal | 85 024 (2017)[1] | ||
![]() Puerto Maldonado 12°36′00″S 69°11′00″W / 12.6°S 69.183333333333°W | |||
Wikimedia Commons: Puerto Maldonado |
Puerto Maldonado er ein by i det søraustlege Peru i regnskogen i Amazonas 55 kilometer vest for den bolivianske grensa og ved staden der elvene Madre de Dios og Tambopata flyt saman. Han er hovudstaden i Madre de Dios-regionen. Folkesetnaden er 50 661 (2005). Høgda er 183 moh.
I området som grensar til Puerto Maldonado ligg Manu nasjonalpark, Tambopata verneområde og Bahuaja-Sonene nasjonalpark. Desse er nokre av dei best bevarte primære regnskogar i verda, kjent for sitt biologiske mangfald, til dømes har Manu nasjonalpark registrert over 1000 fugleartar. Området inkluderer fleire kroksjøar.
Historie
[endre | endre wikiteksten]Puerto Maldonado vart skipa i 1901, etter at peruanske styresmakter hadde tatt initiativ til å utforske vassvegar i landet. Byen fekk namn etter Faustino Maldonado, Tarapoto, som hadde utforska elva Madre de Dios i 1861 og drukna i eit stryk i Mamoré i Bolivia.
Madre de Dios-regionen vart oppretta ved lov av 26. desember 1912 med Puerto Maldonado som hovudstad.
Byen var tidleg ein vektig by for gummiindustri. På 1980-talet kom flyplassen i drift, det sette fart i gullrushet etter at det hadde vore funne gull ved byen føre tiåret.
Klima
[endre | endre wikiteksten]Puerto Maldonado ligg i det tropiske Amazonasbassenget. Klimaet er varmt og fuktig gjennom heile året. Den gjennomsnittlege årlege temperaturen er 26 °C med månadane august og september som dei heitaste. Årleg nedbør overstig 1000 millimeter. Den våte sesongen er frå oktober til april. Den vektigaste delen av byen ligg på eit litt heva område som vanlegvis ikkje vert råka av flaum i den våte sesongen. Biltrafikk vert ofte umogeleg i løpet av denne perioden. Lågt vatn oppstår mellom juni og august.
Eit vanleg fenomen er kjent lokalt som «surazo» eller «friaje» og oppstår når kald vind blæs ned frå høgfjellet i sør. Temperaturen kan då falle så lågt som til 8 ° C..
Næringsliv
[endre | endre wikiteksten]I 2008 er tømmerhogst og gullvasking framleis næringar. Dessutan hausting av paranøtter, båtbygging og økoturisme. Området er nesten uthogd, berre eit felt står att. Paranøttindustrien har gått attende grunna nytt lovverk i EU. Gullvasking frå elva skjer for det meste med handkraft i små grupper. Men dei vektigaste kjeldene for innkomme er turisme og verksemder knytt til båtkonstruksjon.
Infrastruktur
[endre | endre wikiteksten]![](http://upload.wikimedia.org/wikipedia/commons/thumb/7/7e/PuertoMaldonado_Ferries.jpg/220px-PuertoMaldonado_Ferries.jpg)
Drivstoff er kostbart i byen, derfor er motorsyklar eit mykje brukt transportmiddel. Flyplassen ved byen er kjent som Aeropuerto Padre Aldamiz.
Ferdsla på vegen mellom Cuzco og byen Iñapari ved treriksgrensa Peru, Brasil og Bolivia har kryssa elva Madre de Dios med eit ferjesamband like ved Puerto Maldonado. Sambandet vert erstatta av ei 722 meter lang bru. Vegen er ein del av eit vegprosjekt som skal knyte hamner på stillehavskysten i Peru med elvehamner i Brasil. Bygginga vart starta av president Alejandro Toledo, men har vore forsinka av manglande finansiering som òg har ført med seg strukturelle skader. Somme grupper frykter at den nye vegen vil opne nye område for ulovleg jakt og tømmerhogst og føre til konflikt mellom inntrengjarar og urfolk.
Kjelder
[endre | endre wikiteksten]- Denne artikkelen bygger på «Puerto Maldonado» frå Wikipedia på engelsk, den 9. september 2008.
- ↑ 1,0 1,1 1,2 1,3 https://www.inei.gob.pe/media/MenuRecursivo/publicaciones_digitales/Est/Lib1539/libro.pdf; vitjingsdato: 23. november 2018.