Segonda batalha d'El Alamein
![](http://upload.wikimedia.org/wikipedia/commons/thumb/b/b9/El_Alamein_1942_-_British_infantry.jpg/220px-El_Alamein_1942_-_British_infantry.jpg)
La segonda batalha d'El Alamein se debanèt dins lo corrent de la Segonda Guèrra Mondiala dau 23 d'octòbre au 11 de novembre de 1942. Foguèt la consequéncia d'una ofensiva aliada (Reiaume Unit, Austràlia, Nòva Zelanda, Índia, Sud-Africa, Grècia e França) còntra lei posicions alemandas dins la region d'El Alamein. Dispausant d'una superioritat materiala clara, leis Aliats capitèron de rompre lo dispositiu germanoitalian e de capturar una partida dei tropas de l'Axe en Africa. Leis Alemands e leis Italians perdiguèron ansin 50 000 òmes (20 000 tuats, bleçats e dispareguts, 30 000 presoniers) còntra 13 500 òmes per leis Aliats. Lei pèrdas materialas (500 carris perduts dins cada camp) èran tanben grèvas per leis Alemands qu'avián de dificultats considerablas per avitalhar sei tropas africanas.