Donald Trump
![](http://upload.wikimedia.org/wikipedia/commons/thumb/5/56/Donald_Trump_official_portrait.jpg/220px-Donald_Trump_official_portrait.jpg)
Donald Trump (š. kesimáánu 14. peeivi 1946, New York, New York, Ovtâstum staatah) lii ovtâstumstaatâlâš finnodâholmooš já politikkár. Sun lâi Ovtâstum staatâi 45. president oovtâ paje verd iivij 2017–2021.
Ive 2024 morheiskâstem
[mute | mute käldee]Donald Trump hávádui uálgispiäljásis ton keežild ko sun šoodâi morheirâttâs moolân kampanjateivâdmis ääigi Pennsylvaniast syeinimáánu 13. peeivi 2024. FBI mield saahâ lâi morheiiskâstmist. 20-ihásâš almai päjiškuođij Trump kulij ollâ saajeest tábáhtumesaje ulguubeln. Tárkkápäččee paajij taam almaa masa tállân morheiskâstem maŋa jaamâs. Ohtâ Trump kyeditteijee jaamij päčimist. Kyevtis lává ruásnuluin viärráht.[1]
Trump lâi tolâmin saavâ Butler-nommâsii kaavpugist, ko päčimeh kulluuškuottii. Trump njavhâstij peeljis, koskâldutij saavâs já nutâgij vuálus suáján. Kuldâleijeeh Trump tyehin meid nutâgii. Mottoom ääigi keččin torvoalmaah tolvuu Trump autoin meddâl. Sun eelij ton maŋa pyecceiviäsust. Maŋeláá Trump tieđettij, et sun vaja pyereest já sun lii jo peessâm pyecceiviäsust.[1]
Fáádást eres soojijn
[mute | mute käldee]Wikimedia Commonsist láá koveh teikkâ eres tiätuvuárháh fáádást Donald Trump.
Käldeeh
[mute | mute käldee]- ↑ 1,0 1,1 Olthuis, Marja-Liisa: Donald Trump vahadui piäljásis suu vuástá tohhum morheiiskâstmist anarasaavis.fi. 15.7.2024. Čujottum 15.7.2024.