Anatomii
![](http://upload.wikimedia.org/wikipedia/commons/thumb/5/56/Parasagittal_MRI_of_human_head_in_patient_with_benign_familial_macrocephaly_prior_to_brain_injury_%28ANIMATED%29.gif/250px-Parasagittal_MRI_of_human_head_in_patient_with_benign_familial_macrocephaly_prior_to_brain_injury_%28ANIMATED%29.gif)
Anatomii (grek.: ἀνα- ana- «tošti; ülähänpäi» + grek.: τέμνω temno «leiktan, čapan») om tedo, biologijan i sen morfologijan (tedon formas) jaguz. Tedoidab organizman (hibj) da sen paloiden sauvondad tazopindal korktemb mi kudehed.
Tedon predmet om organizman irdpol'ne sauvond, sen südäimine form i elimiden struktur. Anatom tedoidab anatomijad.
Nügüd'aigaine anatomii leviganzi tedoidusiden avarut leiktud preparatoiden mikroskopijan abul, mikroskopine anatomii erištui. Se om sidodud ahthas gistologijanke (tedo kudehiš) i citologijanke (tedo stajiš). Anatomii, gistologii, citologii i embriologii oma morfologii-tedon paloikš, se om tedo organizman formas, ontogenezas i sauvondas.
Kaikiš enamba levitadud sarakod oma kazmusiden anatomii, živatoiden anatomii, ristitun anatomii, rindatuzanatomii.
Läžundoiden enambuz kaimdase erazvuiččiden elimiden i niiden kudehiden sijadusen vai sauvondan strukturižil vajehtusil. Niiden vajehtusiden tedoiduz om patologižen anatomijan predmetaks.
Tedoidusen metodad
[vajehta | vajehtada lähtetekst]Nügüd'aigaižes tedos om avaroid mahtusid ristitun i živatoiden hibjan sauvondan tedoidusen täht. Metodan valičend rippub tedoidusen metospäi i tegendaspäi. Erištadas[1]:
- kaikiš vanhemb, no znamasine tähäsai leiktandan (prepariruindan) metod, kävutase tedoidamha irdpolišt sauvondad i järedoiden paloiden topografijad;
- injekcijan metod, kävutase röntgenografijanke paksus tedoidamha südäihavadoid i sonid;
- «pirogovan leiktandad» oma pilindad, lasktas sada andmusid kudehiden rindatusiš i elimiden ičekeskeižes sijaduses;
- plastine rekonstrukcii — tedoitud elimen vai kudehen udessauvond gistologižiden leiktandoiden serijan rindatusespäi;
- antropometrine (somatometrine) metod laskeb tedoita hibjan sauvondad sen paloiden märičemižel i niiden rindatusiden lugendal, märhapandas hibjan proporcijoid.
Homaičendad
[vajehta | vajehtada lähtetekst]- ↑ Анатомия человека (Ristitun anatomii) / Prives M. G., Lisenkov N. K. — 9. pästand, ümbriratud da ližatud. — M.: Medicina, 1985. — 672 lp. — Lpp. 4−8. — (Openduzliteratur medicinižen üläopendusen aluzkundoiden üläopenikoiden täht). — 110 000 egz. (ven.)
![]() |
Nece kirjutuz om vaiše ezitegez. Tö voit abutada meile, ku kohendat sidä da ližadat sihe. |