Valensii (Venesuel)
Flag![]() | |
Valdkund | Venesuel |
Eläjiden lugu (2019) | 1,619,470 ristitud |
Pind | 1,578 km² |
![]() | |
Telefonkod | +58−241 |
Aigvö | UTC−4 |
Sil sanal voib olda toižid znamoičendoid; miše nähta niid, tulgat tänna.
![](http://upload.wikimedia.org/wikipedia/commons/thumb/c/cc/Valencia_%28Venezuela%29_metropolitan_map.jpg/250px-Valencia_%28Venezuela%29_metropolitan_map.jpg)
Valensii (isp.: Valencia [baˈlensja]) om lidn Venesuelan pohjoižes. Se om valdkundan koumanz' lidn eläjiden lugun mödhe, Karabobo-štatan pälidn.
Istorii
[vajehta | vajehtada lähtetekst]Eländpunktan aluz om pandud vl 1555. Valensii oli Venesuelan pälidnaks vll 1812−1830.
Valensii šingotase mašinansauvomižel, himižel i farmaceftižel sarakoil, sömtegimištol.
Geografijan andmused
[vajehta | vajehtada lähtetekst]Lidn sijadase alangištos, 520 m ü.m.t. keskmäižel korktusel. Kariban Andad ümbärtas lidnad. Valensii-järv (vai Takarigua, 350 km²) zavodiše 15 kilometras päivnouzmha lidnan keskusespäi. Matkad Kariban meren randišthosai om 30 km pohjoižhe (Puerto Kabel'jo-port), Karakas-pälidnhasai om 125 km päivnouzmha.
Valensii jagase 5 municipaližhe ühtnikha (isp. municipio), ned alajagasoiš 14 tulendha (isp. parroquia).
Eläjad
[vajehta | vajehtada lähtetekst]Vn 2011 Venesuelan rahvahanlugemižen mödhe lidnan eläjiden lugu oli 1 396 322 ristitud. Kaikiš suremb lidnan ristitišt om nügüd'. Läz 2,1 mln elädas ezilidnoidenke.
Transport
[vajehta | vajehtada lähtetekst]Avtobusad (isp. üks'lugu bus i buseta) i maršruttaksid (isp. microbus vai colectivo) oma kundaližeks transportaks. Vspäi 2006 metropoliten radab (1 jono, 9 stancijad, 7 km raudted).
Rahvahidenkeskeine civiline lendimport Arturo Mičelena-pirdajan nimed (VLN, 788 tuh. passažiroid vl 2012) sijadase 10 km päivnouzmha lidnan keskusespäi. Tehtas reisid Panamha, Arub-sar'he i Santo Domingoho, mugažo Venesueladme.
Homaičendad
[vajehta | vajehtada lähtetekst]
Irdkosketused
[vajehta | vajehtada lähtetekst]- Lidnan oficialine sait (alcaldiadevalencia.gob.ve). (isp.)
- Lidnan turistine sait (valencia24.net). (isp.)
![]() |
Valensii (Venesuel) Vikiaitas |