Lete
![](http://upload.wikimedia.org/wikipedia/commons/thumb/5/5a/Letes_do_walon.jpeg/300px-Letes_do_walon.jpeg)
Ene lete, c' est on sene eployî po li scrijhaedje d' ene metowe langue, et ki fwait pårteye di l' abécé di ç' lingaedje la.
Lete modele
[candjî | candjî l’ côde wiki]Ene lete, dins l' bon droet, ni divreut responde k' a èn oyon do lingaedje.
Grandè letes
[candjî | candjî l’ côde wiki]Dins l' alfabet latén, tchaeke lete a deus scrîtès fôme. Gn a l' pitite lete, ordinaire et l' grande lete, metowe al tiesse del fråze eyet dins les nos prôpes.
Ni alfabet arabe ni l' alfabet tifinar n' ont di grandès letes.
Voyales et cossounes
[candjî | candjî l’ côde wiki]Dins l' alfabet latén, gn a des letes ki rprezintnut les cossounes (19 letes), des cenes les voyales (5 letes), et des cenes les dmeyès cossounes (W et Y, çou i fwait deus letes). E l' alfabet arabe, gn a k' les longuès voyales ki sont rprezintêyes pa des letes. Les coûtès voyales sont metowes, si on vout, ådzeu do scrijhaedje, a môde di faflotes.
Faflotêyè letes
[candjî | candjî l’ côde wiki]Dins bråmint des lingaedjes sicrîts avou l' alfabet latén, on-z a dvou radjouter des faflotes (senes diyacritikes) ådzeu ou ådzo des letes po rinde les sons del langue.
Letes d' imprimreye et letes sicrîtes al mwin
[candjî | candjî l’ côde wiki]E l' alfabet latén, les letes d' imprimreye ont des cognes diferinnes des letes do scrijhaedje corant.
Dins li scrijhaedje al mwin, gn a ene manire årtistike di scrire les letes : l caligrafeye.