Controller blong Disaster Operations long Enga province itok gavman iwok long bungim heve long kisim ol nupla graon blong muvim ol pipal long ol care senta klostu long Mulitaka igo long ol narapla ples.
Kenneth Andrew i mekim despla toktok bihaenim ol ripot olsem ol saintis blong New Zealand ibin painim sampla nupla craks oa bruk long mauden we ibin kamapim landslide long mun igo pinis.
PNG Gavman i askim ol pipal long ol care senta long Mulitaka long oli mas go long ol nupla ples nogut narapla bikpla landslide bai kamap gen na kilim ol.
Sampla laen ibin dai long despla landslide na planti tausan moa ibin lusim ol haus blong ol.
ABC isave tu olsem ol displa displaced pipol long Mulitaka we i lusim ples blong ol oli wok long singautim Gavman long painim wanpla seif ples we oli ken go stap longen.
Controller blong Disaster Operations long Enga province long Kenneth Andrew, itok klia moa long displa denja blong sampla moa graun buruk.