Long nao moning, Waigani Supreme Court i tokaut long ruling blongen olsem askim blong Papua New Guinea Opposition Leader, Douglas Tomuriesa igat ol samting we Supreme Court imas mekim ruling longen.
Displa i minim olsem bai kot i setim taim we bai em i harim application blong Opposition long actiion blong Speaker blong Palamen long sait long wanpla notice blong Vote of No Confidence agensim Praim Minista James Marape.
Taim em i toktok long ABC autsait long Court tede, Mr Tomuriesa itok Opposition bai nau stretim ol legal samting blong meksua kot i harim displa keis hariap.
Mr Tomuriesa i tokim ABC niusmeri, Theckla Gunga tu olsem em i sori long ol public servant long kantri we Gavman em i delay long baim ol.
Em i tok tu olsem displa National Census we Gavman iwok long karim aut long kantri em bai wanpla bikpla failure na em i singaut long gavman long em i stopim pastaim long sampla mun long em iken redim pastaim olketa wokredi.
Em ia Theckla i askim pastaim Opposition Lida Tomuriesa long displa Supreme Court ruling.
kla Gunga.