Segretarjat 

L-organigramma tas-Segretarjat u r-regoli amministrattivi interni għall-uffiċjali u impjegati oħra huma mfassla mill-Bureau. Il-biċċa l-kbira ta' l-impjegati huma uffiċjali impjegati permezz ta' konkors mill-pajjiżi kollha ta' l-UE. Huma fis-servizz tal-Parlament Ewropew.

Ix-xogħol tas-Segretarjat hu li jikkoordina l-ħidma leġiżlattiva u jorganizza s-seduti plenarji u l-laqgħat. Huwa jipprovdi ukoll assistenza teknika u esperta għall-entitajiet parlamentari u lill-Membri tal-Parlament biex jgħinhom fl-eżerċizzju tal-mandat tagħhom. Il-Parlament Ewropew irid jipprovdi wkoll servizz kompletament multilingwistiku għas-seduti plenarji u l-laqgħat kollha.