Click on a word to bring up parses, dictionary entries, and frequency statistics
16. dilucere res magis patribus atque consulibus. praeter ea tamen quae denuntiabantur, ne
Veientium neu Sabinorum id consilium esset timere,
et,
[2?]
cum tantum in urbe hostium esset, mox Sabinae
Etruscaeque legiones ex composite adessent, tum
aeterni hostes, Volsci et Aequi, non ad populandos,
ut ante, fines sed ad urbem ut ex parte captam
venirent.
[3]
multi et varii timores; inter ceteros
eminebat terror servilis, ne suus cuique domi hostis
esset, cui nec credere nec non credendo, ne infestior
fieret, fidem abrogare satis erat tutum;
[4]
vixque concordia sisti videbatur posse. tantum superantibus
aliis ac mergentibus malis nemo tribunos aut plebem
timebat; mansuetum id malum et per aliorum quietem malorum semper exoriens tum quiesse1 peregrino terrore sopitum videbatur.
[5]
at2 id prope unum [p. 56]
maxime inclinatis rebus incubuit. tantus enim3 tribunos furor tenuit ut non bellum sed vanam imaginem belli ad avertendos ab legis cura plebis animos Capitolium insedisse contenderent; patriciorum hospites clientesque si perlata lege frustra tumultuatos
esse se sentiant, maiore quam venerint silentio
abituros.
[6]
concilium inde legi4 perferendae habere avocato5 populo ab armis. senatum interim consules habent alio se maiore ab tribunis metu ostendente, quam quem nocturnus hostis intulerat.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.