![Un grrupo de alumnos diante do edificio de xerencia no Campus de Vigo](/https/www.uvigo.gal/sites/uvigo.gal/files/styles/default/public/media/images/2018-05/CampusVigo.jpg?itok=VO7trW8B)
Vigo, o Campus Vigo Tecnolóxico
O Campus Vigo Tecnolóxico representa o proxecto de especialización do campus vigués como referente no ámbito da tecnoloxía. Aquí atoparás titulacións especifícas como as enxeñarías de telecomunicación, as do ámbito industrial ou as de minas e enerxía, así como importantes centros de investigación como atlanTTic ou Cintecx.
![Unhas mans sobre un circuíto. Prácticas de estudos](/https/www.uvigo.gal/sites/uvigo.gal/files/media/images/2018-05/EstudarPortadinhaCampusVigo.png)
Estudar en Vigo
O campus de Vigo dispón dun amplo, diverso e especializado abano formativo en modalidade presencial, semipresencial e virtual. No campus atoparás máis de 90 títulos de graos, dobres graos, mestrados e doutoramentos.
Investigar en Vigo
O campus de Vigo ofrece un amplo abano de posibilidades para desenvolver a investigación e a innovación grazas a unha importante masa crítica en I+D+i que traballa tanto nos ámbitos dos campus de especialización existentes (mar e tecnoloxía) como noutras áreas de gran relevancia como as ciencias sociais ou as humanidades. Este ecosistema do coñecemento complétase co centro de apoio científico-tecnolóxico á investigación (CACTI) e co parque científico e tecnolóxico (Citexvi), ambos situados no propio campus.
Cultura en Vigo
A nosa ampla programación cultural estrutúrase en cuadrimestres e completa unha formación integral para o estudantado. Toda a comunidade universitaria e da contorna pode desfrutar de actuacións teatrais, concertos, espectáculos de rúa, cine, exposicións ou diversas actividades de creación artística.
Deporte en Vigo
Encamiñándonos cara o benestar, o deporte constitúe unha fonte de diversión e gozo do tempo de lecer. No campus atoparás instalacións adecuadas para a túa actividade física preferida e numerosas posibilidades de competicións e encontros. Súmate ao movemento.