檳榔(粵拼:ban1 long4;學名:Areca catechu)係棕櫚科檳榔屬嘅常綠喬木,原產地馬來西亞。而家喺好多熱帶地區,好似斯里蘭卡、泰國、印度等地區都有盛產檳榔。
檳榔一般有10—16米高,樹幹冇分枝,而佢嘅基部比較平直。莖有明顯嘅環形痕。而葉方面,佢係羽狀複葉品種,一般喺樹頂嗰度生,而且一次生一大抽,樹葉係冇規律嘅明顯裂紋。而佢嘅花係單性雌雄異株品種,花公比較大,花乸比較細。大多數都係單生嘅品種,好少有對生,一般都黐喺分枝上邊嗰度生。
佢嘅果係長圓形或蛋形,長度3—5厘米,果皮比較厚,而且係纖維質。外型好似雞心,皮青綠色,肉有澀味;而佢嘅核係橢圓形。
檳榔既係一種藥用植物,又可以攞嚟食。喺海南、臺灣、印度、湖南同廣東嘅潮汕地區嘅住民,檳榔已經係佢哋生活嘅一種飲食習慣。
一般食法有:青仔、包葉仔、雙子星。又會加一啲石灰、紅灰、藤仔送嚟食,但係一般好少會直接就噉生食。
檳榔嘅果可以用嚟做藥。喺明朝李時珍寫嘅《本草綱目》有噉講:「嶺南人以檳榔代茶禦瘴,其功有四。一曰:醒能使之醉,蓋食之久,則薰然頰赤,若飲酒然,蘇東坡所謂紅潮登頰醉檳榔也。二曰:醉能使之醒。蓋酒後嚼之,則寬氣下痰,餘酲頓解,朱晦庵所謂檳榔收得為去痰也。三曰:飢能使之飽。蓋空腹食之,則充然氣盛如飽,飽後食之,則飲食快然易消。」可以轉句話講:佢有殺蟲、破積、下氣、行水、除蟲積、除食滯、去肚腩大同肚痛、瀉痢、去除瘧疾、水腫、腳氣、痰多同癥結嘅功效。
習性 | 習性 |
植株 | 植株 |
葉 | 葉 |
花 | 花 |
果(未熟嗰時) | 果(未熟嗰時) |
果(熟咗之後) | 果(熟咗之後) |
|