龔琳娜
龔琳娜 | |
---|---|
女歌手 | |
國籍 | ![]() |
出世 | ![]() | 1975年8月1號
職業 | 民族音樂歌唱家 |
教育程度 | 中國音樂學院畢業 |
配偶 | 老鑼 |
音樂類 | 中國新藝術音樂 |
活躍年代 | 1999年-而家 |
網站 | http://www.gonglinna.org/ 個人官方網站 |
龔琳娜(粵拼:gung1 lam4 naa4;簡化字:龚琳娜;英文:Gong Linna;1975年8月1號—),貴州貴陽人,中國民族音樂女高音歌唱家,攞過中國中央電視台全國青年歌手電視大獎賽民族唱法專業組銀獎[1]。2010年因演唱《忐忑》嘅視頻喺網絡上流傳。2012年12月先推出新歌《法海你不懂愛》同《金箍棒》。
生涯
[編輯]早年
[編輯]龔琳娜5歲上台唱歌;7歲時,跟「貴陽苗苗藝術團」喺全國巡演;12歲,就代表「中國少兒藝術團」去法國演出。[1]
1992年,佢考入中國音樂學院附屬中學,跟鄒文琴教授學習民族聲樂拜師,之後升入中國音樂學院。鄒文琴嘅教學方法開明,畀龔琳娜保持真聲,仲學唱各地戲曲,[2] 大學期間佢攞咗文化部「民歌狀元」稱號。[3][1]
步入音樂界
[編輯]1999年大學畢業後,佢考入中央民族樂團,做獨唱演員。2001年,出個人首張專輯《孔雀飛來》。嗰張專輯攞過「中國廣播新歌金獎」、「中華民歌廣播大擂台十大金曲」、同「中國民歌排行榜第一名」。[4][1]
活躍歐洲
[編輯]跟佢個人嘅講法,2002年因為唔想做「晚會歌手」,「千人一聲」嘅模式同套路,都無法忍受國內音樂界濃重嘅咪咀氛圍,而離開中國去歐洲發展。[1][2][5]。之後,住喺德國嘅龔琳娜活躍於歐洲世界音樂嘅舞台。2002年—2008年,佢同老公、對中國音樂幾有研究嘅音樂制作人、作曲家、德國人老鑼合作,錄咗《五行—琉璃光》、《走生命的路》、《靜夜思》、《走西口》同《弦歌清韻》等五張唱片唱片。[4] 喺歐洲期間,佢受過德國「TFF RUDOLSTADT」音樂節、芬蘭民族音樂節、法國世界音樂節、比利時歐羅巴藝術節等國際音樂節邀請,搞過幾場獨唱音樂會。2009年,攞咗歐洲「聆聽世界音樂」最佳演唱大獎。評審會評價佢係中國新藝術聲樂嘅開拓者。[6]
單曲《忐忑》
[編輯]《忐忑》,係佢個人第四張專輯《靜夜思》入面嘅一首原生態歌曲。佢係「2010年北京新春音樂會」上唱嗰首歌嘅視頻,喺同年5月被網友上傳到人人網。視頻入面無歌詞嘅咿呀演唱,同佢演唱時誇張投入嘅表情,令佢喺網上迅速傳播,並被網友封做「神曲」。[7] 喺呢幾個月入面,視頻被播咗10萬次,仲有無數網友、甚至一啲名人爭住學同模仿。[8][1]
憑住《忐忑》,龔琳娜嘅知名度迅速提升,一時間武漢、天津邀請佢搞咗個人作品音樂會,湖南衛視、山東電視台、北京電視台請佢出席演唱會。2010年10月,闊別中國8年嘅龔琳娜舉家回國定居[2]。
《法海你不懂愛》、《金箍棒》
[編輯]2012年—2013年新舊歲交替佢係跨年晚會嘅《法海你不懂愛》,所出新歌因歌詞同表演被指戲謔佛教,被佛教界嚴正抗議同要求致歉,被叫做法海事件。[9][10][11][12][13]
《全能星戰》
[編輯]2013年夏天,佢參加音樂類節目《全能星戰》。首場唱搖滾版歌鄧麗君、王菲名曲《明月幾時有》受到熱議同關注。[14][15] 而喺後幾場入面,佢依次演唱雲南民歌《小河淌水》、瑪麗蓮夢露經典曲目《I Want Be Loved By You》、戲曲串燒《忐忑》、王菲《致青春》、周杰倫《雙截棍》等曲目,直到2013年11月22號嘅節目唱原創作品《山中問答》同周杰倫《迷叠香》後遭到淘汰[16]。其中,《小河淌水》同戲曲串燒《忐忑》有較大嘅關注同好多好評[17][18]。
2019年3月,加盟湖南衛視《歌手2019》、為終極補位歌手,喺第四輪踢館賽遭到淘汰,之後喺突圍賽演唱《青藏高原》以第三名突圍成功,喺4月12號未能晉級總決賽第二輪。
歌手2019 龔琳娜競演排名
| |||||||||
期數 | 輪數 | 播出日期 | 演唱歌曲 | 原唱 | 歌曲介紹 | 排名 | 得票率 | 出場序 | 備註 |
全碟編曲:老 鑼 | |||||||||
10 | 第四輪排位賽 | 3月15號 | 《小河淌水》 | 雲南民歌 | 詞/曲:尹宜公 | 1 | 20.340% | 8 | 個人最高排名同得票率 |
11 | 第四輪踢館賽 | 3月22號 | 《庭院深深》 | 龔琳娜 | 詞:歐陽修 曲:老 鑼 |
7 | 8.865% | 3 | 個人最低排名同得票率 |
12 | 突圍賽 | 3月29號 | 《青藏高原》 | 李 娜 | 詞/曲:張千一 | 3 | 16.81% | 4 | 突圍成功 |
13 | 金典歌王衝刺夜 | 4月5號 | 《一千個傷心的理由》 | 張學友 | 詞:邢增華 曲:李偲菘 |
— | 2 | 幫唱嘉賓:曾一鳴 | |
14 | 總決賽第一輪 | 4月12號 | 《武魂》 | 龔琳娜 | 詞:項 羽、賀 鑄 曲:老 鑼 |
前七強 | 1 | 幫唱嘉賓:石倚潔、王珮瑜 未晉級第二輪 |
家庭
[編輯]佢同最初嚟中國學習古琴嘅德國音樂人老鑼(Robert Zollitsch)喺2004年2月結婚,並生咗兩個仔海酷、雅酷[19]。
參考
[編輯]- ↑ 1.0 1.1 1.2 1.3 1.4 1.5 李佳蔚 (2013-04-07)。〈龔琳娜:我不想再被控制〉。中國周刊。原著喺2013-11-02歸檔。喺2013-11-02搵到。互聯網檔案館嘅歸檔,歸檔日期2013-11-02.
- ↑ 2.0 2.1 2.2 孟靜 (2011-01-03)。《「神曲」《忐忑》和它背後的故事》。三聯生活周刊。頁 第135頁。
- ↑ 〈龔琳娜《忐忑》走紅網絡 王菲也想要翻唱(圖)〉。新浪網-重慶商報。2010-10-19。喺2010-10-28搵到。
- ↑ 4.0 4.1 〈龔琳娜出版唱片介紹〉。龔琳娜官網—中國新藝術聲樂。原著喺2011-01-26歸檔。喺2011-01-11搵到。互聯網檔案館嘅歸檔,歸檔日期2011-01-26.
- ↑ 〈原唱解讀"神曲":《忐忑》能呼喚大家的生命力〉。網易娛樂。2010-10-28。喺2011-01-11搵到。
- ↑ "WORLD OF MUSIC AWARDS - Winner" (英語). www.wearelistening.org. 原著喺2013-11-02歸檔. 喺2011-01-11搵到.
{{cite web}}
: CS1 maint: unrecognized language (link)互聯網檔案館嘅歸檔,歸檔日期2013-11-02. - ↑ 〈"神曲"《忐忑》網絡爆紅 王菲翻唱失敗"投降"〉。中國新聞網-長江日報。2010-10-23。喺2010-10-28搵到。
- ↑ 〈網友爭相翻唱《忐忑》 原唱龔琳娜拋出"秘訣"〉。國際在線-廣州日報。2011-01-05。原著喺2011-01-19歸檔。喺2011-01-11搵到。
- ↑ 〈龔琳娜戲謔佛教跌破娛樂"道義"底線〉。鳳凰網。2011-02-01。喺2013-02-24搵到。
- ↑ 〈學者金易明教授向"娛樂無底線"說"不"〉。鳳凰網。2011-01-25。喺2013-02-24搵到。
- ↑ 〈一位僧人眼中的《法海你不懂愛》〉。鳳凰網。2011-01-18。喺2013-02-24搵到。
- ↑ 〈還"法海"清白不是小題大做〉。鳳凰網。2011-01-18。喺2013-02-24搵到。
- ↑ 〈龔琳娜戲謔佛教再"毀三觀" 媒體難逃其咎〉。鳳凰網。2011-02-17。喺2013-02-24搵到。
- ↑ 〈《全能星戰》龔琳娜墊底被批偽搖滾〉。ent.sina.com.cn。
- ↑ 〈《全能星戰》搖滾場開戰 龔琳娜墊底痛哭〉。ent.sina.com.cn。
- ↑ 〈《全能星戰》龔琳娜PK陶喆失敗被淘汰〉。ent.sina.com.cn。
- ↑ 〈全能星戰順子淘汰 龔琳娜逆襲獲最高分〉。ent.sina.com.cn。
- ↑ 〈龔琳娜《忐忑》串燒五大戲曲 成大贏家〉。ent.sina.com.cn。
- ↑ 〈"忐忑"後還有更神的?龔琳娜攜"第二神曲"亮相〉。鳳凰網-北京晚報。20101-1-11。喺2011-01-11搵到。
{{cite web}}
: Check date values in:|date=
(help)