Satélite asteroidal
![](http://upload.wikimedia.org/wikipedia/commons/thumb/8/89/243_ida_crop.jpg/270px-243_ida_crop.jpg)
Un satélite asteroidal é un asteroide que xira arredor doutro asteroide. Os asteroides con satélites grandes adoitan chamarse asteroides binarios.
O termo asteroide dobre emprégase en ocasións para os sistemas nos que o asteroide e o seu satélite son aproximadamente do mesmo tamaño. Un exemplo dun asteroide dobre é 90 Antiope, onde dous compoñentes iguais en tamaño xiran arredor dun centro de gravidade común.
Formación
[editar | editar a fonte]A orixe dos satélites asteroidales non se coñece con seguridade e existen varias posibilidades. Unha teoría amplamente aceptada é que estes satélites se formaron a partir dos restos expulsados do asteroide primario tras dun impacto. Poden formarse outros emparellamentos cando un asteroide pequeno é capturado pola gravidade dun maior.
Descubrimento
[editar | editar a fonte]O primeiro satélite asteroidal identificado foi Dactyl, que xira arredor de Ida. Descubriuno a sonda Galileo en 1993. O segundo descubriuse arredor de Eugenia en 1998. Descubríronse uns 37 satélites asteroidales con telescopios dende a Tierra.
Descubríronse satélites asteroidais orbitandeo o cinto de asteroides, os asteroides troianos, os asteroides Apolo e o Cinto de Kuiper. En 2005 descubríronse dous satélites xirando arredor do asteroide Silvia, o que o converte no primeiro asteroide triplo coñecido.
Asteroides con satélites
[editar | editar a fonte]Na seguinte listaxe aparecen algúns dos asteroides máis destacados que posúen satélites. Ata xuño de 2015 identificáranse 258 asteroides neste grupo.[1]
Nome | Tipo orbital | Diámetro (km) | Nome do satélite | Diámetro do satélite (km) | Distancia entre a parella (km) |
---|---|---|---|---|---|
(22) Caliope | cinto principal | 181 | (22) 1 Linus | 38 | 1.063 |
(45) Eugenia | cinto principal | 215 | (45) 1 Petit Prince | 13 | 1.190 |
(87) Silvia | cinto principal | 261 | (87) 1 Rómulo | 15 | 1.370 |
(87) Silvia | cinto principal | 261 | (87) 2 Remo | 7 | 706 |
(90) Antíope | cinto principal | 85 | S/2000 (90) 1 | 85 | 170 |
(107) Camila | cinto principal | 223 | S/2001 (107) 1 | 9 | 1.000 |
(121) Hermiona | cinto principal | 209 | S/2002 (121) 1 | 13 | 795 |
(243) Ida | cinto principal | 108 | (243) 1 Dactyl | 1,4 | 108 |
(283) Emma | cinto principal | 148 | S/2003 (283) 1 | 12 | 370 |
(617) Patroclo | asteroide troiano | 105 | S/2001 (617) 1 | 95 | 610 |
(762) Pulcova | cinto principal | 137 | S/2000 (762) 1 | 20 | 810 |
(1509) Esclangona | cinto principal | 12 | S/2003 (1509) 1 | 4 | 140 |
(3671) Dionysus | Asteroides Apolo | 7 | S/1997 (3671) 1 | 0,4 | 140 |
(3749) Balam | cinto principal | 1,5 | S/2002 (3749) 1 | 1,5 | 350 |
(26308) 1998 SM165 | Obxecto transneptuniano | 465 | S/2001 (26308) 1 | 180 | 6.000 |
(47171) 1999 TC36 | Plutino | 680 | S/2001 (47171) 1 | 290 | 8.000 |
(66391) 1999 KW4 | Asteroides Apolo | 1,2 | S/2001 (66391) 1 | 0,4 | 2,2 |
Notas
[editar | editar a fonte]- ↑ Wm. Robert Johnston. "Asteroides con satélites". Johnston's Archive. Consultado o 20 de xuño de 2015.