Arkhangelsk oblast

Arkhangelsk oblast
Архангельская область
oblast
Flagg Symbol
Land	Russland
Del av	Den nordvestlige føderasjonskrets
Hovudstad	Arkhangelsk
Areal	587 400 km²
Folketal	1 127 051 (1. januar 2021)
Språk	russisk
Tidssone	UTC +3 (MSK)
Bilnummer	29
Arkhangelsk oblast 63.5°N 43°E / 63.5; 43
Wikimedia Commons: Arkhangelsk Oblast

Arkhangelsk oblast er eit oblast nordvest i Russland. Arkhangelsk oblast er ei føderal eining i den russiske føderasjonen. Oblastet er oppkalla etter hovudstaden, byen Arkhangelsk. Oblastet er på storleik med Frankrike, med ei flatevidd på 587 400 km² og 20 distrikt, 13 byar, 38 bynære bygder og kring 4000 bygder. Oblastet omfattar òg det autonome området Nenetsia, Novaja Zemlja-øyane og Franz Josef Land. Arkhangelsk oblast grensar mot republikken Karelia og oblasta Vologda oblast og Murmansk oblast. Oblastet er omgjeve av tre hav; Kvitsjøen, Barentshavet og Karahavet aust for Novaja Zemlja. På gamle kart vart dette området kalla Dvinskaja Zemlja (Dvinaland).

Hovudnæringa er skogbruk, med trearbeid og papirproduksjon. Arkhangelskregionen har òg mykje industri knytt til militær verksemd. Landbruket er konsentrert om reindrift og produksjon av kjøt og meieriprodukt frå kveg.

Folkesetnad

Dei største byane er Arkhangelsk, med 348 800 ibuarar i 2010 og Severodvinsk (192 400).

Ved folketeljinga i 2010 var dei største etniske gruppene:

• Russarar: 93,6 %
• Ukrainarar: 1,4 %
• Nenetsar: 0,7 %
• Kviterussarar: 0,5 %
• Komiar: 0,4 %

Bakgrunnsstoff

Commons har multimedium som gjeld: Arkhangelsk oblast

• Offisiell nettstad

Denne geografiartikkelen er ei spire. Du kan hjelpe Nynorsk Wikipedia gjennom å utvide han.