Moneta
Nupwen
Murin
Apachenongen Aninis
Murin eom aeoeo ren aninisin katano, FEMA epwe kan afatano eomuwe kata a kan popseni ewe katano seni non an ew won neni ika checheki seni remote. Seni ewe fansoun ren ekkoch ran kena chon angangen FEMA me pwan chon chechek kena repwene koko seni ew ese wor a sinei ika pinepineno nampan fon me pwan fori ekkoch satuni ar repwe kakapas usun eomuwe kata a popseni ewe katano.
Ew chechek a kan chok tongeni fis nupwen ewe chon aeoeo (en) ika chon aeoeo fituk a kan nom. Ika pwe ewe chon aeoeo ika chon aeoeo fituk ese kan tongeni an epwe mwiich ngeni emon chon checkek, ew awunungaten mwich epwene tongeni finita non maak me pwan amumuta me mwan ewe atetenin fansou me pwan ranin ren ewe chechek.
Ika pwe ewe imw ese kan tongeni ar repwe tori, iwe ewe chon chechek epwene mwich ngeni ewe chon aeoeo non ewe pinepin ika ew neni mi kono ren meinisin ren ar repwe afatano fita chon nom non me/ika imwen io.
![Within 10 Days After Applying Graphic](/https/www.fema.gov/sites/default/files/graphics/fema_within-10-days_after-applying_graphic.png)
Amoneta ren Eomuwe Checheki
Kosapw witiwit ren ewe chechek an epwe fis ren eom kopwe fori ekkei mi tapweto:
- File ew kleim fiti noumuwe insurens kompeni, ika pwe mi wor noum insurens.
- Poputa nimenimeno iei, ika pwe mi kan tumun eom kopwene fori.
- Angei sasingen ekkena kata.
- Fori ew maaketiwen eom kewe nusuno.
- Iseni meinisin risit kena ren eom kopwe afatano momo kena ra popseni ewe katano.
Atetenieno Eomuwe Chechek
Chechemeni pwe chon angangen FEMA me pwan chon chechek kena repwene koko seni ew ese wor a sinei ika pinepineno nampan fon me pwan fori ekkoch satuni seni ewe fansoun ren ekkoch ran.
Ika pwe FEMA ese kan tongeni an epwe kokoruk ren ar repwe afatano eom kewe kata, iwe repwene tinngonuk echo taropwen arongorong me pwan noumuwe aeoeo esapw anapeno foforngeni --- ren ar repwene foforngeni en kopwe kan kori an FEMA we Fonenaninis (800-621-3362) ren eom kopwe afatano eom porausen kokoruk me pwan afatano eomuwe mochen ren aninis. Kosapw uwaisefaninong ika forata ew minafon aeoeo non ekkena attun nupwen ewe foforun aninisin katano. En ka tongeni cheki ususun ren noumuwe aeoeo ika aneani ekkena taropwen FEMA seni eom atotongeni noumuwe DisasterAssistance.gov account.
Information to Gather for Your Inspection
En kopwe kan angei ekkei poraus mi tapweto pwe repwe moneta non ewe fansoun ren ewe chechek:
- Noum Aiititin fiti Sasingen
- Pwaratan ren imwen io ika fita chon nom non, ika pwe a tungor seni ewe chon checheki
- Maaketiwen chon nom non ewe imw kena non ewe fansoun ren katano
- Meinisin kata ngeni pisek ra popseni katano
- Noumuwe insurens policy me pwan ekkena apachenongen taropwe kena ra kan tungor seni ewe chon chechek
Nupwen Eomuwe Chechek
![A blue fema inspector with a phone to his ear](/https/www.fema.gov/sites/default/files/graphics/fema_inspector_graphic.png)
Noun FEMA kewe chon chechek ra kan kaeo ar repwene asisina kata a popseni ew katano, nge ir rese kan finata ika en kopwene angei aninis.
Ir ra kan nenengeni me pwan rekotini kata kena repwene kan naf me non ewe Programen Emon me pwan Chon Nom Non Imw kena, efen a kan kono seni chechekin kena ra for seni insurance adjusters kena ika pwan ekkoch programen aninisin katano kena, usun chok ewe U.S. Small Business Administration.
Anongonong won ewe wukukun ren kata, ewe chechek epwene tameno ngeni 45 minich ren an epwe wasino.
Aneni kena ren Eom Chechek
Eochun anenia kena, mi pachenong chiaku me pwan chon awewen ASL kena, repwene kawor ren ar repwe tumunu eochunon kakapasfengen fiti chon menaweno kena a kan awukuk eochun ar kapasen Merika, chon menaweno kena fiti terir, me pwan ekkoch aramas kena fiti atotono me pwan mochenin fofor ngenir kena.
En kopwene kan inviteni emon aramas, usun chok emon chon non imwom, aramasom ika chiechieom, ren ar repwe aninis non kakapas ngeni ewe chon chechek.
Murin Eom Chechek
En kopwene angei poraus epwene aweweni an FEMA we finitan naf ngeni me non 10 ran murin an ewe chon chechek we chuto.
Finitan Nafen ngeni
Ika pwe en ra finuketa pwe ka naf ngen ren aninis, iwe meni en kopwene angei echo check seni U.S. Treasury ika direct deposit epwene anongonong won met en kan fini nupwen eomuwe aeoeo.
Ika pwe en ka finita pwe en kose naf ngeni ren aninis ika noumuwe aeoeo ese unuseno, iwe en ka tongeni appealini ewe finita me non 60 ran me/ika tungor ew attun fansoun ren eom kopwe awasano ewe aeoeo.
Apachenongen Aninis
Noun FEMA kewe chon chechek rese kan tongeni ar repwe ponuweni kapaseis kena ika atotongeni porausom nupwen ra awasano eomuwe chechek. Ika pwe en a wor eom kapaseis kena muri eomuwe chechek, kose mochen kori an FEMA we Fonen aninis non 800-621-3362.